Kontroll pasurive te 50 krere te larte te shtetit
Në këtë seksion: Aktualitet · 8 artikuj ↓
50 zyrtarët më të lartë në vend do t’i nënshtrohen kontrollit të plotë të pasurisë së tyre, mes tyre Presidenti Bamir Topi, Kryeministri Sali Berisha dhe zëvendëskryeministri Ilir Meta. Lajmin e bëri të ditur Inspektorati i Lartë i Deklarimit dhe Kontrollit të Pasurive, i cili ka firmosur ndërkaq urdhrin për nisjen e kontrollit të plotë për 50 subjekte, në zbatim të ligjit “Për parandalimin e konfliktit të interesave në ushtrimin e funksioneve publike”.
Përveç njoftimit për nisjen zyrtare të hetimit, ILDKP thekson se përgjatë këtij procesi kërkohet edhe ndihma e qytetarëve, të cilët mund të kenë të dhëna për abuzim financiar nga ana e drejtuesve më të lartë të vendit. Në këmbim të këtij informacioni, ILDKP premton edhe ruajtjen e anonimatit të personit i cili denoncon, përmes një numri telefoni pa pagesë ose një adrese e-mail-i të vendosur në dispozicion. “Në këtë fazë të rëndësishme të procesit të kontrollit, ILDKP, në funksion të një hetimi më të plotë administrativ për interesat private të zyrtarëve, kërkon bashkëpunimin e medias, shoqërisë civile dhe opinionit publik, të ofrojë të dhëna mbi pasuritë e zyrtarëve, për të cilat ka dyshime se janë krijuar në mënyrë të paligjshme”, theksohet në njoftimin e ardhur nga ILDKP.
Po kështu, në mënyrë të detajuar Inspektorati liston edhe emrat e drejtuesve të lartë, të cilët do të kalojnë në kontroll të plotë për pasuritë e fituara. Në këtë listë mungon emri i kreut të PS-së, Edi Rama, për shkak se atij i ka rënë shorti për kontroll të plotë të pasurisë së tij muaj më parë dhe tashmë priten edhe rezultatet e hetimit. Nga ana tjetër, në listë mungon edhe emri i ish-ministrit të Ekonomisë, Dritan Prifti, ndaj të cilit ka një muaj që ka nisur hetimi. Po kështu, në listën e ministrave nuk figuron as ai i ministres së Integrimit, Majlinda Bregu, ndaj të cilës po kështu prej javësh ka nisur hetimi i plotë i pasurive të saj.
Sipas ligjeve në fuqi një herë në dy vjet bëhet kontrolli i plotë i pasurive të të gjithë zyrtarëve të lartë në vend. Kështu përveç drejtuesve të lartë politikë, në kontroll do të kalojnë edhe krerët e lartë të gjyqësorit në Shqipëri dhe zyrtarë të tjerë të lartë. Për të bërë hetimin Inspektorati i Lartë ka të drejtë të shfrytëzojë të dhënat e nevojshme në të gjithë aparatin shtetëror e publik dhe në personat juridikë publikë e privatë. Me kërkesë të Inspektorit të Përgjithshëm bankat e nivelit të dytë dhe subjektet e tjera, që ushtrojnë veprimtari bankare dhe financiare në Republikën e Shqipërisë, detyrohen të japin të dhëna për depozitat, llogaritë dhe transaksionet e kryera nga personat që, sipas këtij ligji, kanë detyrimin për deklarim.
Përveç njoftimit për nisjen zyrtare të hetimit, ILDKP thekson se përgjatë këtij procesi kërkohet edhe ndihma e qytetarëve, të cilët mund të kenë të dhëna për abuzim financiar nga ana e drejtuesve më të lartë të vendit. Në këmbim të këtij informacioni, ILDKP premton edhe ruajtjen e anonimatit të personit i cili denoncon, përmes një numri telefoni pa pagesë ose një adrese e-mail-i të vendosur në dispozicion. “Në këtë fazë të rëndësishme të procesit të kontrollit, ILDKP, në funksion të një hetimi më të plotë administrativ për interesat private të zyrtarëve, kërkon bashkëpunimin e medias, shoqërisë civile dhe opinionit publik, të ofrojë të dhëna mbi pasuritë e zyrtarëve, për të cilat ka dyshime se janë krijuar në mënyrë të paligjshme”, theksohet në njoftimin e ardhur nga ILDKP.
Po kështu, në mënyrë të detajuar Inspektorati liston edhe emrat e drejtuesve të lartë, të cilët do të kalojnë në kontroll të plotë për pasuritë e fituara. Në këtë listë mungon emri i kreut të PS-së, Edi Rama, për shkak se atij i ka rënë shorti për kontroll të plotë të pasurisë së tij muaj më parë dhe tashmë priten edhe rezultatet e hetimit. Nga ana tjetër, në listë mungon edhe emri i ish-ministrit të Ekonomisë, Dritan Prifti, ndaj të cilit ka një muaj që ka nisur hetimi. Po kështu, në listën e ministrave nuk figuron as ai i ministres së Integrimit, Majlinda Bregu, ndaj të cilës po kështu prej javësh ka nisur hetimi i plotë i pasurive të saj.
Sipas ligjeve në fuqi një herë në dy vjet bëhet kontrolli i plotë i pasurive të të gjithë zyrtarëve të lartë në vend. Kështu përveç drejtuesve të lartë politikë, në kontroll do të kalojnë edhe krerët e lartë të gjyqësorit në Shqipëri dhe zyrtarë të tjerë të lartë. Për të bërë hetimin Inspektorati i Lartë ka të drejtë të shfrytëzojë të dhënat e nevojshme në të gjithë aparatin shtetëror e publik dhe në personat juridikë publikë e privatë. Me kërkesë të Inspektorit të Përgjithshëm bankat e nivelit të dytë dhe subjektet e tjera, që ushtrojnë veprimtari bankare dhe financiare në Republikën e Shqipërisë, detyrohen të japin të dhëna për depozitat, llogaritë dhe transaksionet e kryera nga personat që, sipas këtij ligji, kanë detyrimin për deklarim.