Kombetare gafash ne mbrojtje, 'vetevrasje' ndaj Zvicres
Në këtë seksion: Sporti · 8 artikuj ↓
Mund ta konsiderojmë pa hezitim kombëtare gafash, skuadrën tonë kuqezi në ndeshjen ndaj Zvicrës. Nëse shenjat në këtë drejtim i dhamë dukshëm që ndaj Qipros, por rikuperuam për fat të mirë gabimet e bëra, nuk të fal Zvicra. Së cilës ia kemi dhuruar me |këmbët” tona fitoren. Qoftë në rastin e golit të parë, në minutën e 23-të, kur Cana dhe Mavraj nuk u morën vesh mes tyre në largimin e një topi pa pretendime në zonën tonë, duke ia dhuruar në formë asisti Shaqirit, që shënoi për helvetët, ashtu edhe në pjesën e dytë, kur Dallku tregohet krejt amator, duke shkaktuar një ndërhyrje të gabuar në zonën tonë ndaj kundërshtarit, kur topi dhe aksioni ishte në dalje nga zona e Ujkanit e pa asnjë rrezik.
Mjaftuan këto dy momente, gafa të mbrojtjes sonë, që helvetët të marrin fitoren dhe tri pikët, duke mbajtur kreun e Grupit E pas dy ndeshjesh, me pikë të plota, ndërkohë që “shfryhen” kuqezinjtë tanë, të “pompuar” aq shumë këto ditë, të mbështetur nga një tifozëri e paparë ndokund në transfertë, më shumë se ajo vendëse. Pikërisht, tifozëria kuqezi, që e fitoi “ndeshjen” e saj në stadiumin e Luzernës, nuk e meritonte një zhgënjim të tillë, një “vetëvrasje” të kombëtares sonë.
Sa u takon ndeshjeve të tjera në grupin tonë, Qiproja mundi minimalisht në fushën e vet Islandën, duke marrë tri pikët e para në këto eliminatore, ndërsa Norvegjia triumfoi 2-1 ndaj Sllovenisë, në shtëpi. Pas xhiros së dytë të kësaj fushate kualifikuesesh, Zvicra është në krye të grupit me 6 pikë të plota, ndërsa nga 3 pikë ka Norvegjia, Shqipëria dhe Qipro. Zero është kolona e pikëve për sllovenët, ndërkohë që ndeshjet e radhës do të luhen muajin e ardhshëm. Kuqezinjtë tanë do të presin në “Qemal Stafa” Islandën dhe Slloveninë, përkatësisht më 12 dhe 16 tetor.
Mjaftuan këto dy momente, gafa të mbrojtjes sonë, që helvetët të marrin fitoren dhe tri pikët, duke mbajtur kreun e Grupit E pas dy ndeshjesh, me pikë të plota, ndërkohë që “shfryhen” kuqezinjtë tanë, të “pompuar” aq shumë këto ditë, të mbështetur nga një tifozëri e paparë ndokund në transfertë, më shumë se ajo vendëse. Pikërisht, tifozëria kuqezi, që e fitoi “ndeshjen” e saj në stadiumin e Luzernës, nuk e meritonte një zhgënjim të tillë, një “vetëvrasje” të kombëtares sonë.
Sa u takon ndeshjeve të tjera në grupin tonë, Qiproja mundi minimalisht në fushën e vet Islandën, duke marrë tri pikët e para në këto eliminatore, ndërsa Norvegjia triumfoi 2-1 ndaj Sllovenisë, në shtëpi. Pas xhiros së dytë të kësaj fushate kualifikuesesh, Zvicra është në krye të grupit me 6 pikë të plota, ndërsa nga 3 pikë ka Norvegjia, Shqipëria dhe Qipro. Zero është kolona e pikëve për sllovenët, ndërkohë që ndeshjet e radhës do të luhen muajin e ardhshëm. Kuqezinjtë tanë do të presin në “Qemal Stafa” Islandën dhe Slloveninë, përkatësisht më 12 dhe 16 tetor.