e mërkurë, 18 nëntor 2026
Shqiperia.comPortali shqiptar
Aktualitet

KLSH con Ylli Pangon ne Prokurori per 100 mije dollare

Në këtë seksion: Aktualitet · 8 artikuj ↓
KLSH con Ylli Pangon ne Prokurori per 100 mije dollare

I ra botës kryq e tërthor me dietat e shtetit, por tani  duhet t’i bëjë llogaritë me  prokurorinë. as më pak e  as më shumë, por 100 mijë dollarë është shuma e dëmit  ekonomik që i ka shkaktuar  shtetit, ish-ministri i Kulturës,  Ylli Pango, aktualisht drejtor i  përgjithshëm i agjencisë së Kërkimit, teknologjisë dhe inovacionit. rezultatet janë bërë publike nga vetë Kontrolli i Lartë i  shtetit, (KLSH) gjatë ditës së  diel. siç kanë bërë të ditur burimet zyrtare të këtij institucioni,  kontrolli ka përfunduar në fund  të muajit mars të këtij viti. inspektimi në agjencinë e Kërkimit, teknologjisë dhe inovacionit, është bërë për të parë  rregullshmërinë financiare dhe  vlerësuese për periudhën 1 mars  2010 deri më 30 shtator 2012.  sipas KLSH-së, gjatë auditimit  të kryer, krahas punës së bërë  në këtë agjenci janë konstatuar edhe mjaft parregullsi dhe  shkelje të legjislacionit.

Projektet 

Inspektorët e KLSH-së, veç  dëmit ekonomik kanë veçuar edhe projektet ku është shkaktuar  dëmi më i madh. Nga auditimi i  tyre, në tre projekte që do të zbatoheshin në bashkëpunim me  subjekte private, nga 50 të miratuara, janë zbuluar parregullsi  dhe shkelje të ligjshmërisë, me  pasojë dëm ekonomik për buxhetin e shtetit në vlerën 10.724.000 mijë lekë. projektet ku është  shkaktuar ky dëm janë: projekti  “model Kodi i prodhuesve të ujit”,  me një dëm prej 8.015.000 lekësh. I dyti është projekti, “studimi kombëtar mbi delinkuencën”,  me një dëm prej 1.613.000 lekësh. dhe projekti i fundit ku është  shkaktuar dëmi prej, 1.098.000  lekësh është, “modeli parashikues për sezonin polenik të disa  bimëve alergjizuese”.

Shkeljet  gjatë kontrollit të ushtruar në  agjencinë e Kërkimit, teknologjisë  dhe inovacionit janë gjetur parregullsi dhe mungesë e dokumentacionit justifikues në shpenzimet e kryera në valutë për udhëtime e dieta jashtë vendit,  si: shkresa për përballimin e  shpenzimeve pa numër protokolli dhe pa datë, mungesë të  ftesave dhe programit, të dokumenteve informuese mbi agjendën dhe rezultatet e shërbimeve  zyrtare të kryera etj. gjithashtu, nuk është dorëzuar në institucionin epror, në Këshillin  e ministrave dhe në agjencinë e  prokurimit publik të regjistrave  vjetorë të parashikimit dhe realizimit të prokurimeve për vitin  2010, 2011 dhe 2012, në kundër-shtim me kërkesat e përcaktuara me vendim të Këshillit të  ministrave.

Një tjetër shkelje që  është vërejtur nga KLSH-ja ka  qenë edhe fakti që, “gjatë gjithë  periudhës nën auditim, Bordi drejtues i agjencisë ka funksionuar pa sekretar, i cili zgjidhet nga  anëtarët e tij, në kundërshtim me  kërkesat e ligjit nr. 8480, datë  27.5.1999 "për funksionimin e  organeve kolegjiale të administratës shtetërore dhe enteve publike". E pikërisht për këto shkelje,  për veprimet e kryera prej drejtorit, me pasojë dëm ekonomik  për buxhetin e shtetit në vlerën  10.724.000 lekë dhe keqmenaxhim të thellë të agjencisë, KLSH,  bazuar në nenin 281 të Kodit të  procedures penale ka depozituar në datën 31 mars të vitit  2013 kallëzim penal ndaj drejtorit të përgjithshëm të akti, Ylli Pango, për konsumim të veprës  penale "shpërdorim të detyrës".    

Agjencia, pa rregullore

Gjatë kontrollit të ushtruar në agjencinë e Kërkimit, teknologjisë dhe inovacionit është vënë re edhe një tjetër fakt: mosmiratim i rregullores së Brendshme të funksionimit të agjencisë. “mungesa e rregullores, ndër të tjera ka sjellë që të mos realizohet një nga kërkesat themelore që rregullon veprimtarinë e kësaj agjencie. Aktisë, për çështjet e përmbajtjes dhe të vlerësimit të programeve e të projekteve, mbështetet me ekspertizë nga komisionet e vlerësimit të programeve e projekteve, që propozohen nga drejtori i përgjithshëm dhe miratohen nga Bordi drejtues, në përputhje me rregulloren e funksionimit të kësajagjencie", thuhet në njoftimin e KLSH-së.