e mërkurë, 18 nëntor 2026
Shqiperia.comPortali shqiptar
Sporti

Igli Tare, sherr me Miroslav Klosen. Tifozet jane me gjermanin

Në këtë seksion: Sporti · 8 artikuj ↓
Igli Tare, sherr me Miroslav Klosen. Tifozet jane me gjermanin
Parandeshjes së djeshme mes Lacios dhe Milanit, sipas mediave italiane, ka pasur një përplasje të ashpër mes Igli Tares, drejtor sportiv i Lacios dhe sulmuesit gjerman të kryeqytetasve, Miroslav Klose. Mësohet se Tare kishte zbritur në dhomat e zhveshjes së ekipit dhe kishëe kërkuar nga ana e Kloses që të zbriste në fushën e lojës, edhe pse ky i fundit kishte një dëmtim. Tare ka këmbëngulur që Klose të shtrëngojë dhëmbët dhe të zbresë në fushë, ndërkohë që gjermani ka kundërshtuar.

Përveç kësaj, Tare është tërbuar edhe nga deklaratat e Kloses në lidhje me merkaton e janarit, që sipas gjermanit është shumë e varfër dhe mund të ndikojë negativisht në ecurinë e ekipit në kampionat. Me Klosen duket se janë edhe trajneri Reja dhe tifozët, që kanë kundërshtuar ashpër drejtuesit e Lacios për merkaton e bërë. Por, në përfundim të ndeshjes, Tare i ka hedhur poshtë zërat për një përplasje mes tij dhe Kloses, duke thënë se këto janë fantazi të mediave.