Henes: Vetem 2 lojtare nga Barca e Reali do mund te luanin te ne
Në këtë seksion: Sporti · 8 artikuj ↓
Uli Hënes mendon se Bajern Mynih ka lojtarët më të mirë në botë dhe se me përjashtim të Lionel Mesit e Kristiano Ronaldos, vetëm 2 lojtarë të tjerë nga Real Madrid dhe Barcelona do të kishin mundësi të luanin si titullarë në radhët e ekipit bavarez.
“Nëse do të mendoja për të blerë një lojtar spanjoll, ai mund të ishte Iniesta ose Zhordi Alba. Por edhe te Bajerni kemi lojtarë shumë të mirë. Mendoj se vetëm një ose dy lojtarë të Real Madrid apo Barcelonës do të ishin titullarë në Bajernin aktual. Nga kjo përzgjedhje po përjashtoj Mesin e Ronaldon”, deklaroi presidenti i klubit gjerman për gazetën “Marca”.
Hënes ka folur edhe për Guardiolën dhe sa të lehtë do ta ketë ai të përshtatet me jetën në Mynih dhe te ky klub, pasi politikat që ndjek ai janë të njëjta me atë që spanjolli është mësuar te Barcelona.
“Edhe ne kemi si strategji të marrim sa më shumë lojtarë nga akademia, por pa vënë nën trysni trajnerin. E dimë që ka breza lojtarësh ku mund të marrësh 5-6 futbollistë dhe ka të tjerë ku nuk merr asnjë. Tani kemi në skuadër Lahm, Shvajnshtajger, Myler, Badshtuber, Alaba, Kontento dhe Kros. Pastaj ai nuk do të ketë probleme me ambientimin dhe komunikimin. Unë jam presidenti i klubit dhe flas vetëm kur humbasim. Tani Guardiola ka si detyrë vetëm të fitojë të gjitha ndeshjet dhe kështu unë nuk do të kem më nevojë të flas”, ishte batuta e tij për trajnerin spanjoll.
“Përveç trajnerit, jemi unë dhe Rumenige që flasim, por i kemi garantuar atij se nuk do të ndërhyjmë kurrë në punën e tij. Çfarë mund të përmirësojë ai nëse fitojmë gjithçka në këtë sezon? Kjo është pyetja që ia kemi bërë edhe ne vetes. Nëse Heinkes do të ishte 57 vjeç, nuk do ta kishim ndërruar. Por na jepej mundësia të afronim Guardiolën që është 41 vjeç dhe ky ishte momenti i duhur. Jam i sigurt se kemi marrë vendimin e saktë pasi besojmë te filozofia e tij, që është po aq e rëndësishme sa fitorja e trofeve”.
Në fund edhe një batutë për Zhoze Murinjon. “Nuk e njoh personalisht. Ish-lojtarët e tij thonë se është shumë punëtor dhe kërkues. Por mua më duket se ai mund të fitojë një çmim “Oskar”. Para mediave shfaqë një imazh dhe kur shkon në shtëpi qesh me atë që ka thënë”, ishin fjalët e Hënes.
“Nëse do të mendoja për të blerë një lojtar spanjoll, ai mund të ishte Iniesta ose Zhordi Alba. Por edhe te Bajerni kemi lojtarë shumë të mirë. Mendoj se vetëm një ose dy lojtarë të Real Madrid apo Barcelonës do të ishin titullarë në Bajernin aktual. Nga kjo përzgjedhje po përjashtoj Mesin e Ronaldon”, deklaroi presidenti i klubit gjerman për gazetën “Marca”.
Hënes ka folur edhe për Guardiolën dhe sa të lehtë do ta ketë ai të përshtatet me jetën në Mynih dhe te ky klub, pasi politikat që ndjek ai janë të njëjta me atë që spanjolli është mësuar te Barcelona.
“Edhe ne kemi si strategji të marrim sa më shumë lojtarë nga akademia, por pa vënë nën trysni trajnerin. E dimë që ka breza lojtarësh ku mund të marrësh 5-6 futbollistë dhe ka të tjerë ku nuk merr asnjë. Tani kemi në skuadër Lahm, Shvajnshtajger, Myler, Badshtuber, Alaba, Kontento dhe Kros. Pastaj ai nuk do të ketë probleme me ambientimin dhe komunikimin. Unë jam presidenti i klubit dhe flas vetëm kur humbasim. Tani Guardiola ka si detyrë vetëm të fitojë të gjitha ndeshjet dhe kështu unë nuk do të kem më nevojë të flas”, ishte batuta e tij për trajnerin spanjoll.
“Përveç trajnerit, jemi unë dhe Rumenige që flasim, por i kemi garantuar atij se nuk do të ndërhyjmë kurrë në punën e tij. Çfarë mund të përmirësojë ai nëse fitojmë gjithçka në këtë sezon? Kjo është pyetja që ia kemi bërë edhe ne vetes. Nëse Heinkes do të ishte 57 vjeç, nuk do ta kishim ndërruar. Por na jepej mundësia të afronim Guardiolën që është 41 vjeç dhe ky ishte momenti i duhur. Jam i sigurt se kemi marrë vendimin e saktë pasi besojmë te filozofia e tij, që është po aq e rëndësishme sa fitorja e trofeve”.
Në fund edhe një batutë për Zhoze Murinjon. “Nuk e njoh personalisht. Ish-lojtarët e tij thonë se është shumë punëtor dhe kërkues. Por mua më duket se ai mund të fitojë një çmim “Oskar”. Para mediave shfaqë një imazh dhe kur shkon në shtëpi qesh me atë që ka thënë”, ishin fjalët e Hënes.