E Enjte, 19 nëntor 2026
Shqiperia.comPortali shqiptar
Sporti

'France Football': Tri arsye pse ndeshja hapese e Euro 2016 duhet te jete France-Shqiperi

Në këtë seksion: Sporti · 8 artikuj ↓
'France Football': Tri arsye pse ndeshja hapese e Euro 2016 duhet te jete France-Shqiperi

Revista sportive prestigjioze franceze, “France Football”, e cila është bashkëorganizatore e trofeut “Topi i Artë” me FIFA­n, e ka themeluar këtë çmim individual për futbollistin më të mirë në Europë në një vit kalendarik, përmes një shkrimi me 3 arsye uron që kombëtarja e “gjelave” të bjerë në të njëjtin grup me Shqipërinë, në shortin e 14 dhjetorit, që do të hidhet në Paris.

Pra, dëshira e francezëve është që të dyja kombëtaret tona të bien në një grup të fazës finale të “Euro 2016”, madje Francë­Shqipëri të jetë ndeshja hapëse e këtij kompeticioni, që do të luhet verën e ardhshme në Francë, nga datat 10 qershor deri më 10 korrik.

Ja shkrimi i “France Football”:

“Nëse kualifikimi i Irlandës Veriore në finalet e “Euro 2016” të paktën i ka habitur disa, ajo e Shqipërisë, gjithashtu, posedon bukuri e risi.

Kjo është hera e parë që ky vend, prej më pak se tre milionë njerëzish, fiton të drejtën të luajë në fazën përfundimtare të një kompeticioni të tillë.

Një mënyrë e mirë për të hapur turneun (24 ekipe pjesëmarrëse) do të ishte Shqipëria, në mënyrë simbolike dhe të drejtë. Ja tri arsyet pse do të ishte bukur që finalet e “Euro 2016” të hapeshin me ndeshjen Francë­Shqipëri:

Herën e fundit që Franca ka organizuar një kompeticion të elitës së futbollit në shtëpi, në vitin 1998 (Botërorin), ajo e filloi “pushtimin” e saj me një fillestar (Afrikën e Jugut), ku një ish­lojtar i Marsejës (Pierre Issa) bëri autogol.

Shqipëria, gjithashtu, ka pasur në të kaluarën një ish­kapiten te OM, Lorik Cana.

Fakti se Shqipëria ka dy futbollistë me Nantes (Cana dhe Lenjani), një qytet që i sjell fat skuadrës së “gjelave”.

Shqipëria qe i vetmi ekip i Grupit I, që i mori skuadrës së Deshampit 4 pikë (në fakt ishin miqësore, sepse ndeshjet ndaj vendit organizator nuk kishin vlerën e pikëve) dhe që e mundi atë në “Elbasan Arena”, më 13 qershor. Ku ka vend më të mirë sesa një Europian për t’u hakmarrë.