FOTO/ Kristjana Marku, tifo për Shqipërinë dhe Çelsin nga Qemal Stafa
Në këtë seksion: Sporti · 8 artikuj ↓
Shqipëria do të marrë pjesë për herë të parë në një Europian, në "Francë 2016".
Më në fund ëndrra e shqiptarëve është bërë realitet: kuqezinjtë do të shkelin barin e një kompeticioni madhor.
Parisi do të jetë kryeqyteti i futbollit europian për rreth dy muaj. Por ky qytet nuk mund të fokusohet asnjëherë vetëm te sporti, së paku jo duke lënë jashtë modën.
Këtë, Kristjana Marku e di shumë mirë. Modelja e "Grace Model's" si tifoze e kuqezinjve, ka besim të plotë te grupi i De Biazit, veçanërisht te kapiteni Lorik Cana, i cili pa dyshim vazhdon të jetë ndër të preferuarit e femrave të medias dhe jo vetëm.
As për mbrojtësin kosovar dhe as për futbollistët e tjerë të të gjitha ekipeve nuk është surprizë që bukuroshe si Kristjana, nga e gjithë bota, do të jenë sy e veshë nga Parisi gjatë muajve të ndeshjeve.
Kristjana do të jetë njëra prej tyre që do të veshë fanellën kuqezi të Canës, që në ndeshjen e parë. Një stadium për t'u pasur zili e për t'u fotografuar! Bukuroshet nga tribuna dhe heronjtë në "betejë". Ky Paris do të jetë për të mos u humbur.
Cana dhe Fabregas
Në prag të Europianit, modelja zeshkane ka realizuar një set fotografik tepër interesant në stadiumin kombëtar "Qemal Stafa" në shenjë mbështetje për debutimin e kuqezinjve në Europian.
Ndërkohë që nuk e fsheh dhe simpatinë për futbollistin e Çelsit, Fabregas... Si kampion i dyfishtë që është, bote dhe Europe ajo vlerëson tek ai shpirtin sakrifikues dhe etjen për sukses.
Elementë që i zotëron edhe lideri ynë i Përfaqësues, i cili do të udhëheqë ekipin në një paraqitje dinjitoze, në të parin Europian të saj.
Përgatiti: ENEA PRENJASI