e mërkurë, 18 nëntor 2026
Shqiperia.comPortali shqiptar
Sporti

De Biazi: Kombetarja ime sfidon Kristiano Ronaldon dhe Serbine

Në këtë seksion: Sporti · 8 artikuj ↓
De Biazi: Kombetarja ime sfidon Kristiano Ronaldon dhe Serbine

Xhani de Biazi vazhdon të thotë se grupi i tij është i vështirë për eliminatoret “Euro 2016”. Në një intervistë për mediet italiane, trajneri italian është shprehur se është gati të afrojë një portier të ri, i cili vjen nga moshat e Udinezes dhe mund të jetë zbulim për të ardhmen. Po kështu, numri një i pankinës shqiptare është ankuar edhe për shortin në kualifikueset e Europianit:

“Me Shqipërinë po shkon shumë mirë. Kam një staf italian. Zëvendësi im është Tramezani. Edhe përgatitësin e kam italian. Jam duke planifikuar të ardhmen. Kam një projekt dhe një kontratë deri në 2015- ën. Problemi im është shorti i kualifikueseve në eliminatoret e ardhshme. Sfidoj Portugalinë e Kristiano Ronaldon, Danimarkën, Serbinë dhe Armeninë që ka çmendur Italinë në grupin kualifikues të Botërorit”, është shprehur De Biazi.

Italiani faktikisht është ankuar për shortin, shkruan “Sport Ekspres”. Sipas tij, Shqipëria nuk duhet të luante me Serbinë dhe UEFA duhet të kishte evituar këtë përplasje siç bëri në rastin e Gjilbratarit dhe Armenisë me Azerbajxhanit. Pak javë pas shortit, trajneri i kuqezinjve ka sulmuar ashpër procedurën e UEFA-s në shortin për “Euro 2016”.

Italiani është shprehur se kuqezinjtë dhe serbët nuk duhet të ishin bashkë në një grup, duke e konsideruar këtë përballje shumë të rrezikshme që duhej evituar sepse për shumë njerëz ka ende plagë të hapura.

“UEFA mendoi se Azerbajxhani mund të mos takohej me Armeninë, është aq e vërtetë sa ne kishim Bullgarinë, në fakt, na ndodhi Armenia. Sepse ndryshe Armenia duhet te luante me Azerbajxhanin. E njëjta gjë duhet të ndodhte me Serbinë. Mendoj se do të ishte një zgjedhje inteligjente, askush s’do kishte asgjë për të thënë dhe do të evitohej të mos të kishim probleme për të ardhmen. Mendoj të mos ketë incidente dhe çdo gjë të zgjidhet në fushë që mundësisht ne t’iu japim kënaqësi të madhe tifozëve tanë, por kurrë mos thuaj kurrë”, ka mbyllur De Biazi.