e mërkurë, 18 nëntor 2026
Shqiperia.comPortali shqiptar
Sporti

Brazucam, topi teknologjik i 'Brazil 2014'

Në këtë seksion: Sporti · 8 artikuj ↓
Brazucam, topi teknologjik i 'Brazil 2014'

I frymëzuar nga ngjyrat e FIFA-s dhe ngrohtësia amerikano latine e Rio de Zhaneiros, Adidas ka prezantuar topin e ndeshjeve zyrtare që ka përgatitur për Botërorin “Brazil 2014”, të pagëzuar me emrin Brazucam. Adidas i ka surprizuar të gjithë pasi veç versionit zyrtar ka prodhuar edhe një model teknologjik të Brazucam, i cili ka të instaluara 6 kamera profesionale, që regjistrojnë në 360 gradët e sferës duke iu ofruar një pamje magjike shikuesve. Ky top është pagëzuar me emrin Brazucam dhe do përdoret nga Adidas gjatë fushatës promocionale “Brazil 2014”. Topi teknologjik, i prodhuar nga Adidas mund të jetë një frymëzim i mirë për të ardhmen e futbollit, duke zgjidhur përfundimisht debatin e kahershëm mbi golat fantazmë dhe lejimin e teknologjisë në sportin e magjishëm të futbollit.