e mërkurë, 18 nëntor 2026
Shqiperia.comPortali shqiptar
Sporti

Bajern, klubi me me shume lojtare ne Euro 2012

Në këtë seksion: Sporti · 8 artikuj ↓
Bajern, klubi me me shume lojtare ne Euro 2012
Bajern Mynih mund të ketë humbur Ligën e Kampioneve, por të paktën mund të mburret me faktin se është klubi më i përfaqësuar në Kampionat Evropian të futbollit. Pas publikimit të listave përfundimtare të kombëtareve që marrin pjesë në aktivitetin që zhvillohet javën e ardhshme, është mësuar se ekipi bavarez ka 13 lojtarë që do të jenë protagonistë në Euro 2012, më shumë se çdo klub tjetër. Në kombëtaren gjermane të futbollit janë 8 futbollistë, shumë prej të cilëve titullarë duke filluar nga portieri Nojer, për të vazhduar me Badshtuber, Boateng, Lahm, Kros, Myler, Shvajnshtajger dhe Gomez.

Këtyre i shtohen dy lojtarët që do të aktivizohen me Kroacinë, Olic e Prajiç, pa harruar këtu holandezin Roben, francezin Riberi e ukrainasin Timoshçuk. Në vendin e dytë të kësaj renditje gjendet Real Madrid me 11 futbollistë të shpërndarë në kombëtare të ndryshme, i ndjekur nga Dinamo Kiev me 10 futbollistë, ndonëse kjo e fundit ka 9 nga këto futbollistë me përfaqësuesen e Ukrainës.

Nuri i lojtarëve sipas klubeve dhe kombëtareve

  1. 13        Bajern Mynih (8 Gjermani, 2 Kroaci, 1 Francë, Holandë, Ukrainë)
  2. 11        Real Madrid (5 Spanjë, 3 Portugali, 2 Gjermani, 1 Francë)
  3. 10        Dinamo Kiev (9 Ukrainë, 1 Kroaci)
  4. 9          Çelsi (4 Angli, 2 Spanjë, 1 Çeki, Francë, Portugali)
  5. 8          Borusia Dortmund (4 Gjermani, 3 Poloni, 1 Kroaci)
  6. 8          Barcelona (7 Spanjë, 1 Holandë)
  7. 8          Mançester Siti (3 Angli, 2 Francë, 1 Spanjë, Itali, Holandë)
  8. 8          Shakhtar Donetsk (5 Ukrainë, 2 Kroaci, 1 Çeki)
  9. 8          Zenit Shën Petersburg (7 Rusi, 1 Portugali)
  10. 7          Arsenal (2 Angli, 1 Çeki, Francë, Gjermani, Holandë, Poloni)
  11. 7          CSKA Moskë (5 Rusi, 1 Çeki, Suedi)
  12. 7          Juventus (7 Itali)
  13. 7          Liverpul (4 Angli, 1 Danimarkë, Spanjë, Holandë)
  14. 7          Mançester Junajtid (4 Angli, 1 Danimarkë, Francë, Portugali)