e mërkurë, 18 nëntor 2026
Shqiperia.comPortali shqiptar
Sporti

Anceloti: Krenar, pasi Barcelona nuk ka vuajtur kurre me pare si ndaj nesh

Në këtë seksion: Sporti · 8 artikuj ↓
Anceloti: Krenar, pasi Barcelona nuk ka vuajtur kurre me pare si ndaj nesh
Trajneri italian i PSG, Karlo Ançeloti, vazhdon që të ketë keqardhje për eleminimin e ekipit të tij nga ana e Barcelonës. Megjithatë, ai është shprehur krenar për ekipin e vet, duke qenë se sipas italianit, Barcelona nuk ka vuajtur kurrë më parë si ndaj PSG-së.

“Zhgënjimi ynë u harrua dhe nuk na ka mbetur asnjë peng pasi dhamë gjithçka që mundeshim. Ne nuk fituam, por skuadra tregoi se mund të jetë konkurruese në Evropë dhe ky ishte objektivi në këtë sezon. Ndaj ishte një surprizë për mua ta shihja një skuadër me kaq shumë kuraje dhe karakter”.

“Kjo me shumë mundësi ishte një nga ndeshjet më të mira të sezonit ndaj një prej skuadrave më të forta në botë, ndaj mund të cilësohet si një pikë nisje e mirë për të ardhmen. Skuadrës nuk i mungoi asgjë. Ne u mbrojtëm mirë dhe sulmuam mirë, ndoshta një gol tjetër në pjesën e parë do të kishte qenë më mirë. Jam krenar pasi nuk e kam parë asnjëherë Barcelonën të ndeshet me problemet që i krijuam ne”, ka thënë tekniku italian./b.l