Statusi i vendit kandidat, PS e PD fajesojne njera-tjetren
Në këtë seksion: Aktualitet · 8 artikuj ↓
Bllokimi i jetës parlamentare do të ketë pasoja të drejtpërdrejta në ecjen përpara të Shqipërisë drejt Bashkimit Evropian. Kështu shprehet kreu i Komisionit të Jashtëm, Fatos Beja, i cili shpreh shumë kritika për qëndrimin e fundit të opozitës. “Kur dëgjova deklaratën e trishtueshme të liderit të opozitës që parlamenti merret me rrumpalla draftligje dhe se nuk do të votojmë ligje me 3/5, atëherë kuptohet që jemi në situatën e bllokimit me dashje, me dëshirë të procesit normal të parlamentit, atëherë sigurisht që nuk mund të ecësh përpara dhe nuk mund të jesh i suksesshëm”, - pohon Beja ndërsa shpreson ende për një bashkëpunim të mundshëm. “Gjithsesi, teknikisht është mundësia qysh këtë javë që ne të futemi në proces votimi të atyre gjërave që ndihmojnë integrimin e Shqipërisë”, - deklaron ai.
Por duket se socialistët janë të bindur për një përgjigje negative madje kanë bërë gati dhe arsenalin e akuzave. “Personalisht nuk pres surpriza. Pres një fotografim të realitetit shqiptar ashtu siç është, një diagnostikim shumë të kthjellët siç e bën gjithmonë Komisioni Evropian dhe pres gjithashtu edhe përcaktimin e një udhërrëfyesi të qartë se ku duhet të ecë politika shqiptare, cilat duhet të jenë detyrat e saj sepse Shqipëria ka humbur shumë dhe them se jemi vonë edhe për vitin tjetër dhe duhet të fillojmë të punojmë në mënyrë shumë sistematike”, - tha dje deputeti i PS-së, Ditmir Bushati. Ai shtoi se nuk e pengon opozita qeverinë për të kthyer përgjigje pozitive ndaj kërkesave të saj si për reformën parlamentare ashtu edhe për atë zgjedhore që burojnë nga këto 12 përparësi.
Por duket se socialistët janë të bindur për një përgjigje negative madje kanë bërë gati dhe arsenalin e akuzave. “Personalisht nuk pres surpriza. Pres një fotografim të realitetit shqiptar ashtu siç është, një diagnostikim shumë të kthjellët siç e bën gjithmonë Komisioni Evropian dhe pres gjithashtu edhe përcaktimin e një udhërrëfyesi të qartë se ku duhet të ecë politika shqiptare, cilat duhet të jenë detyrat e saj sepse Shqipëria ka humbur shumë dhe them se jemi vonë edhe për vitin tjetër dhe duhet të fillojmë të punojmë në mënyrë shumë sistematike”, - tha dje deputeti i PS-së, Ditmir Bushati. Ai shtoi se nuk e pengon opozita qeverinë për të kthyer përgjigje pozitive ndaj kërkesave të saj si për reformën parlamentare ashtu edhe për atë zgjedhore që burojnë nga këto 12 përparësi.