Skema per denimin e 'vrasesit' te Konomit
Në këtë seksion: Aktualitet · 8 artikuj ↓
Në fokusin e akuzës kryeqytetase është sërish prona prej 275 hektarësh, ku personi në fjalë disponon edhe dokumente se kjo pronë është e Toptanasve dhe jo e Shallavarëve. Akuza thotë se po kryen verifikimet paraprake, ndërsa ka filluar marrja e personave në pyetje. “Jemi në fazën e mbledhjes së provave. Kemi përfunduar marrjen e dokumenteve nga AKKP-ja dhe tashmë jemi duke marrë dëshmitë njerëzore për këto probleme”, thanë burimet nga akuza kryeqytetase, të cilat saktësojnë se shumë shpejt do të merren edhe personat e parë të pandehur, ku nuk përjashtohen as zyrtarët e AKKP-së.
Duket se plani i akuzës qendrore po funksionin, të paktën vetëm për hetimin e problemeve të pronave, pasi gjetja e gjurmëve apo telefonatave që kanë urdhëruar vrasjen e Konomit është shumë e vështirë. Institucionet parandaluese të krimit, policia dhe SHISH-i, nuk kanë pasur asnjë informacion për këtë ngjarje, ndërsa tashmë janë kryer një sërë teknikash që të çojnë te provat, por ende asnjë rezultat.
Disa ditë më parë, hetuesit dhe prokurorët e Krimeve të Rënda, që formojnë grupin hetimor të vrasjes së gjyqtarit Konomi, kanë kryer disa verifikime në qytetin e Vlorës. Në fokusin e tyre ka qenë shoqërimi i disa të dyshuarve dhe marrja e tyre në pyetje. Megjithatë, ende asnjë e dhënë për vrasjen. Burimet nga Prokuroria e Krimeve të Rënda thanë se tashmë puna po përqendrohet te zbardhja e mekanizmit të shpërthimit, ku pritet rezultati i laboratorit kriminalistik të Ministrisë së Brendshme. Në këtë zyrë janë dërguar një sërë provash të marra nga vendi i ngjarjes, si disa copa të tritolit e disa pjesë të automjetit që udhëtonte Konomi. Akuza thotë se ende nuk ka marrë raportin përfundimtar, ndërsa pritet që të kryhet edhe një ekspertim i ri i automjetit.