Shqiperia, humbje dramatike ne Rumani
Në këtë seksion: Sporti · 8 artikuj ↓
Përfaqësuesja shqiptare e basketbollit ka pësuar humbjen e shtatë, në po kaq ndeshje të luajtura në eliminatoret e Kampionatit Europian. Kuqezinjtë u mposhtën me rezultatin 79-78 (20-16, 21-23, 23-18, 15-21) në Rumani dhe mbeten në vendin e fundit të Grupit B, në Divizionin B. Një disfatë dramatike, mbi të gjitha për faktin se skuadra e drejtuar nga trajneri Fatmir Cuka kishte shansin që të regjistronte fitoren e parë, por ëndrra u venit në sekondat e fundit të takimit.
Rumania përfiton nga faktori fushë dhe fiton periodën e parë të takimit 20-16. Por, Shqipëria ka dhënë shenja jete në periodën e dytë, duke fituar me shifrat e ngushta 23-21 dhe duke i çuar skuadrat në pushim me rezultatin 41-39 për rumunët. Edhe perioda e tretë ka folur për vendasit (23-18), që janë treguar më të saktë në sulmet e tyre. Por, të udhëhequr nga Franko Bushati në formë të shkëlqyer me 24 pikët e tij, si edhe falë 20 pikëve të Ermal Kuqos, Shqipëria ka dominuar periodën e katërt të sfidës. Kuqezinjtë ngritën ritmin e lojës, duke iu përgjigjur në mënyrën më të mirë koshave të kundërshtarëve. Drama ka ndodhur kur mungonin vetëm 2 sekonda nga fundi i sfidës dhe kishin shansin të fitonin. Me rezultatin të fiksuar në shifrat 79-78 për Rumaninë, Eni Çuka, lojtari shqiptar që kishte rikuperuar më tepër topa nën tabelë (8), fitoi të drejtën e ekzekutimit të dy goditjeve të lira. Por, ai nuk arriti të përballonte presionin dhe i shpërdoroi të dyja goditjet, duke i “dhuruar” fitoren rumunëve.
Me paraqitjet e dobëta në eliminatoret e Kampionatit Europian, Shqipëria qëndron në pozita mjaft të këqija në kuadër të shortit për Euro 2013. Kjo, për faktin se duke nisur nga edicioni i ardhshëm, ndeshjet kontinentale nuk do të luhen më me dy Divizione (A dhe B), si ndodh aktualisht. Në shortin e kampionatit të ardhshëm, skuadrat do të shpërndahen në vazo në bazë të renditjeve të tyre dhe për kuqezinjtë projektohet një vend mes ekipeve më të dobëta.
Rumania përfiton nga faktori fushë dhe fiton periodën e parë të takimit 20-16. Por, Shqipëria ka dhënë shenja jete në periodën e dytë, duke fituar me shifrat e ngushta 23-21 dhe duke i çuar skuadrat në pushim me rezultatin 41-39 për rumunët. Edhe perioda e tretë ka folur për vendasit (23-18), që janë treguar më të saktë në sulmet e tyre. Por, të udhëhequr nga Franko Bushati në formë të shkëlqyer me 24 pikët e tij, si edhe falë 20 pikëve të Ermal Kuqos, Shqipëria ka dominuar periodën e katërt të sfidës. Kuqezinjtë ngritën ritmin e lojës, duke iu përgjigjur në mënyrën më të mirë koshave të kundërshtarëve. Drama ka ndodhur kur mungonin vetëm 2 sekonda nga fundi i sfidës dhe kishin shansin të fitonin. Me rezultatin të fiksuar në shifrat 79-78 për Rumaninë, Eni Çuka, lojtari shqiptar që kishte rikuperuar më tepër topa nën tabelë (8), fitoi të drejtën e ekzekutimit të dy goditjeve të lira. Por, ai nuk arriti të përballonte presionin dhe i shpërdoroi të dyja goditjet, duke i “dhuruar” fitoren rumunëve.
Me paraqitjet e dobëta në eliminatoret e Kampionatit Europian, Shqipëria qëndron në pozita mjaft të këqija në kuadër të shortit për Euro 2013. Kjo, për faktin se duke nisur nga edicioni i ardhshëm, ndeshjet kontinentale nuk do të luhen më me dy Divizione (A dhe B), si ndodh aktualisht. Në shortin e kampionatit të ardhshëm, skuadrat do të shpërndahen në vazo në bazë të renditjeve të tyre dhe për kuqezinjtë projektohet një vend mes ekipeve më të dobëta.