e mërkurë, 18 nëntor 2026
Shqiperia.comPortali shqiptar
Sporti

Pike rihap debatin me Zhoze Murinjon

Në këtë seksion: Sporti · 8 artikuj ↓
Pike rihap debatin me Zhoze Murinjon
Mbrojtësi i Barcelonës, Zherard Pike, ka nisur një tjetër etapë të sulmit të tij verbal kundër Zhoze Murinjos, në një debat që vijon prej shumë kohësh mes dy palëve. Lojtari nuk ishte pjesë e ekipit në barazimin 2-2 të ndeshjes së fundjavës, por nuk ka ngurruar të vazhdojë luftën e fjalëve me teknikun portugez.

“Është e qartë se nuk ekziston i njëjti tension ndaj Barcelonës që Murinjo kishte në sezonin e kaluar”, tha ai për “Catalunya Radio”. “Murinjo e ka kuptuar që nuk ka nevojë të shohë Barcelonën, pasi nuk do të gjejë probleme aty”.

“Me sa duket, tani po i kërkon problemet në shtëpinë e vet”, ishte thumbimi i i lojtarit, i cili më pas ka treguar se për të, lufta për titull mbetet e hapur, pavarësisht kryesimit të hershëm të Barçës dhe një distancë prej 8 pikësh nga Reali që në këtë pjesë të sezonit.

“E vërteta është se ne presim një vit shumë të mirë, me shumë sfida dhe emocione. Është e vërtetë që kampionati nuk është fituar ende, por askush nuk e imagjinonte një fillim kaq të mirë. Mos harroni që në vitin tim të parë, kishim 12 pikë diferencë dhe na u desh të shkonim në “Santiago Bernabeu” për të fituar titullin kampion”.

Lojtari i thuri elozhe edhe trajnerit Tito Vilanova, që ka zëvendësuar Pep Guardiolën në drejtimin ekipit katalanas.

“Ai ka fituar besimin e të gjithëve në dhomat e zhveshjes. Tito ka diçka të veçantë. Ne parashikojmë se na presin disa vite të shkëlqyera me të në drejtim”./lajmeshqip