Nejmar fton Pogbanë te Barça: Pse duhet ta lërë Serinë A (Foto)
Në këtë seksion: Sporti · 8 artikuj ↓
Pol Pogba nuk është i kërkuar vetëm nga klubet më të mira në Evropë, por edhe nga futbollistë të njohur. Ftesa e fundit i ka ardhur nga Nejmar, i cili i është drejtuar hapur futbollistit të Juventusit se dëshiron që ta ketë te Barcelona.
Në një intervistë të dhënë për sajtin zyrtar të Ligës spanjolle, sulmuesi i Barcelonës shprehet se "do të më pëlqente të luaja me Pogbanë, do t'i përshtatej shumë mirë Barcelonës".
Braziliani nuk e ka lënë me kaq ftesën ndaj mesfushorit francez. Ai ka treguar se si Pogba mund t'i përshtatet ekipit. "Nuk e kam fanellën e Pogbasë dhe do të më pëlqente ta kisha. Është një futbollist i ri, më pëlqen si luan dhe në skuadrën tonë do të ndihej shumë mirë",-ka thënë ai.
Aktualisht, Pogba luan për Juventusin dhe ditët e fundit mediat italiane kanë publikuar disa oferta të ardhura ndaj tij.