e mërkurë, 18 nëntor 2026
Shqiperia.comPortali shqiptar
Sporti

Malota kualifikon Kukësin në gjysmëfinale, thyhet Teuta (VIDEO)

Në këtë seksion: Sporti · 8 artikuj ↓
Malota kualifikon Kukësin në gjysmëfinale, thyhet Teuta (VIDEO)

Kupa e Shqipërsë

Faza çerekfinale

KukesiKukësi - Teuta 2-0
Golat:
Shameti 34´,Moçka 87´

Formacionet zyrtare

Kukësi: Koçi, Hallaçi, Malota, Shameti, Mici, Flores, Hasani, Musolli, Biringueta, Dvornekoviç, Emini
Trajner: Klodian Duro

Teuta: Moçka, Lukiç, Shkalla, Hoxha, Kotobelli, Musta, Hila, Lena, Dita, Lamçë, Bernardo
Trajner: Gugash Magani

Goli i Shametit Kukësi 1-0 Teuta

Posted by Panorama Sport on Wednesday, 17 February 2016

Feston Kukësi. Skuadra e drejtuar nga Klodian Duro ka arritur të triumfojë në shtëpi 2-0 ndaj Teutës së Maganit. Rezultat i cili i dërgon në gjysmëfinale të Kupës së Shqipërisë verilindorët, të cilët kërkojnë ta arrijnë si objektiv.

Një fitore e arrirë nga nënkampionët të cilët u shfaqën më agresivë dhe kërkues se "Djemtë e Detit" në fushën e blertë dhe arritën ta kthjejnë festën në shtëpi.

Pjesa e dytë- 45 minuta të luftuara nga të dy skuadrat por me dominimin e vendasve të cilët rikthehen në fushë më optimistë për të gjetur rrjetën e dytë. Pavarësisht tentativave të të dyjave skuadrave, janë përsëri kuksjanët që finalizojnë me sukses falë Renato Malotës. Kapiteni i verilindorëve shfrytëzon mirë një gabim të portierit Moçka dhe çon topin në rrjetë duke i dhuruar kualifikimin "Armatës së Veriut".

Goli i MalotësKukësi 2-0 Teuta

Posted by Panorama Sport on Wednesday, 17 February 2016

Pjesa e parë- Kukësi e nis mirë, optimist dhe luftarak, krijon aksione dhe arrin të finazliojë brenda 34 minutave. Të besuarit e Duros e shfrytëzojnë mjaft mirë një goditje këndi të cilën e konvertojnë në gol falë kërcimit përfekt të Ylli Shametit, që gjuan me kokë duke çuar topin në rrjetë. Gol i cili rriti adrenalinën dhe agresivitetin në fushën e lojës nga vendasit që vihen në kërkim të rrjetës së dytë. Por, pavarësisht tentativave të verilindorëve, 45 minutat e para mbyllen në rezultatin 1-0.

Minutat

Mbyllet takimi në Kukës, skuadra e Duros shkon në gjysmëfinale.
90'+3´
Dëmtohet Emini, qëndron i shtrirë në fushë, nervozohen lojtarët e Teutës, ka përplasje por gjyqtari i këshilln të vazhdojnë lojën.
90'+1´
Dëmtohet portieri Koçi, ndërpiritet ndeshja, ndërsa vendasit presin vërshëllimen e arbitrit.
87´ GOL! Shënon Malota!
Goditje dënimi për Kukësin, e ekzekuton Flores, del Moçka i cili përpiqet ta kapë topin por gabon dhe përfitojnë vendasit me anë të Malotës i cili godet menjëherë drejt portës dhe ngre stadiumin në këmbë.
82´
Faulle dhe ndërpreje të lojës, ndërsa të dyja skuadrat kërkojnë rrugën e rrjetës.
77´
Vendasit luajnë më qetë, qarkullojnë topin dhe fitojnë goditje dënimi, por nuk arrijnë të realizojnë.
72´
Kukësi luan më mirë, ndërton aksione të shpejta ndërsa kërkon golin e dytë.
68´
Goditje dënimi për Kukësin, e ekzekuton Biringueta, topi përfundon në duart e gardianit të durrsakëve.
64´
Hila shkakton faull ndaj Eminit, ndëshkohet me karton të verdhë.
63´
Aksion i Kukësit, Hasani rrëzonet brenda zonës, lojtari proteston, por gjyqtari lejon vazhdimin e lojës.
60´
Mici ndëshkohet me të verdhë.
57´
Teuta rikthehet më agresive në pjesën e dytë, kërkon të depërtojë në zonën e vendasve për të gjetur golin e barazimit por mbyllin mirë mbrojtësit kuksjanë.
54´
Goditje dënimi për Kukësin, e ekzekuton Mici, topi përfundon në duart e portieri Moçka.
52´
Lamçe ndëshkohet me të verdhë.
50´
Kros nga e djathta për Flores në zonë, braziliani provon me kokë por pret Moçka.
48´
Kundërsulm i Teutës me Lenën, mesfushori gjuan drejt portës por asnjë rrezik për Koçin.
Starton pjesa e dytë
45'+1´
Ka një prekje të topit me dorë në zonën e durrsakëve nga njëri prej lojtarëve të Teutës, protestojnë vendasit por gjyqtari mbyll fraksionin e parë.
Akordohet një minutë shtesë
42´
Teuta provon me Xhonatan nga distanca por jashtë kuadratit.
40´
Malota shkakton faull ndaj Eri Lamçes, futbollisti mbetet i shtrirë në fushë, gjyqtari ndalon lojën që lojtari të marrë ndihmën mjekësore.
36´
Kuksjanët marrin zemër pas realizimit dhe vihen në kërkim të golit të dytë duke ndërtuar aksione të tjera për të gjetur rrjetën.
34´ GOOL! Shënon Shameti.
Goditje këndi për vendasit. E ekzekuton Birungueta, topi përfundon në zonë, mbrojtësi Shameti kërcen dhe gjuan topin me kokë duke e çuar në rrjetë.
30´
Kros nga e majta për Eminin në zonë, por largon Shkalla.
27´
Rritet agresiviteti në lojë,lojtarët luftojnë për topin, ndërsa nuk mungojnë dhe përplasjet fizike.
23´
Kundërsulm i Teutës, durrsakët tentojnë të shfrytëzojnë nga rivëniet anësore afër zonës së vendsave por mbyllin mirë kuksjanët.
19´
Aksion i Kukësit në zonën e tetutës, gabim i vendosjes së mbrojtësëve të Teutës, por nuk arrin të përfitojë Dvornekoviç.
15´
Kuksjanët luajnë në zonën e Teutës, ndërsa tentojnë të gjejnë rrugën e rrjetës po nuk arrijnë të depërtojnë.
10´
Loja përqëndrohet në mesfushë, skuadra e Kukësit tregohet më kërkuese.
05´
Vendasit e nisin mirë qarkullojnë topin dhe provojnë të gjejnë hapësirë në gjysmëfushën kundërshtare.
Starton sfida