e mërkurë, 18 nëntor 2026
Shqiperia.comPortali shqiptar
Milosh Gjergj Nikolla (Migjeni)

Lutje - Poezi

Në këtë seksion: Pavarësisë · 136 artikuj ↓


Të lutem, o perëndi,
për një simfoni
me tinguj t'argjantë
e akorde t'artë.


Të lutem, o perëndi,
për një simfoni
plot dashuni
të nxehtë si te vasha gjitë
kur vlojnë ndijesitë.


Të lutem, o perëndi
për një simfoni
të dëfrej në lumni
t'u u përkundë n'ani
të bukur t'andrrimeve
të kaltër, ku të fantazmëve
buzët më tërheqin zjarrtë
e më digjen syt e flaktë.


Të lutem, o perëndi,
për një simfoni
e kurr, e kurr ma mos të zgjohemi.