Kalderon: Fajin per situaten e Realit e ka Murinjo
Në këtë seksion: Sporti · 8 artikuj ↓
Ramon Kalderon, president i Real Madrid nga vitit 2006 deri në vitin 2009, ka komentuar mjaft negativisht deklaratat e bëra ditët e fundit nga Zhoze Murinjo kundër skuadrës. Sipas tij, ky fillim i dobët i sezonit dhe këto polemika, po bëjnë që Reali të humbasë prestigj në të gjithë botën.
“Mua më shqetëson shumë situata e Realit. Nuk është fillimi i dëshiruar i sezonit, edhe pse ka kohë mjaftueshëm për të rikuperuar. Nga jashtë duket sikur ka patur një relaks të tepruar nga skuadra. Ekipi është i njëjti me atë të sezonit të kaluar, me lojtarë të mëdhenj në përbërje dhe duhet që trajneri të shpjegojë arsyen e kësaj situate”, tha ai, duke i hedhur të gjithë fajin Zhoze Murinjos, të cilin e kritikon sepse po krijon polemika të panevojshme me lojtarët.
“Deklaratat e Murinjos as nuk ndihmojnë, e as nuk zgjidhin asgjë. Mund të ndodhë që me të drejtë një lojtar tani të dalë dhe të deklarojë që nuk kemi trajner, ashtu siç tha ai se nuk kishte skuadër. Më mirë të mendosh që humbje të tilla janë aksidente. E imagjinoj që lojtarëve nuk u kanë pëlqyer fjalët e Murinjos”.
“Trajneri nuk i pranon lehtë gabimet, pavarësisht asaj që thotë se faji është i të gjithëve, por duke i shtuar gjithmonë fraza sikur nuk ka përqendrim apo lojtarët e kanë mendjen te shtypi rozë. Gjëja më e mirë është thjesht të pranosh që ke humbur dhe të përgëzosh kundërshtarin. Një mënyrë e të fituarit është edhe të tregosh që di të humbësh me nder”.
Në fund nuk mund të mungonin fjalët edhe për Kristiano Ronaldon, blerjen që ai realizoi para se të largohej nga drejtimi i skuadrës madrilene.
“Kur nënshkruam kontratën për blerjen e tij, mendonim se është më i rëndësishëm se Mesi. Kristiano nuk ka ndryshuar. Ai ka shpesh një sjellje që mund të mos u pëlqejë njerëzve, por është një lojtar i jashtëzakonshëm”, përfundoi Kalderon që përgatitet të hedhë përsëri kandidaturën për president kundër Florentino Perez në zgjedhjet e ardhshme.
“Mua më shqetëson shumë situata e Realit. Nuk është fillimi i dëshiruar i sezonit, edhe pse ka kohë mjaftueshëm për të rikuperuar. Nga jashtë duket sikur ka patur një relaks të tepruar nga skuadra. Ekipi është i njëjti me atë të sezonit të kaluar, me lojtarë të mëdhenj në përbërje dhe duhet që trajneri të shpjegojë arsyen e kësaj situate”, tha ai, duke i hedhur të gjithë fajin Zhoze Murinjos, të cilin e kritikon sepse po krijon polemika të panevojshme me lojtarët.
“Deklaratat e Murinjos as nuk ndihmojnë, e as nuk zgjidhin asgjë. Mund të ndodhë që me të drejtë një lojtar tani të dalë dhe të deklarojë që nuk kemi trajner, ashtu siç tha ai se nuk kishte skuadër. Më mirë të mendosh që humbje të tilla janë aksidente. E imagjinoj që lojtarëve nuk u kanë pëlqyer fjalët e Murinjos”.
“Trajneri nuk i pranon lehtë gabimet, pavarësisht asaj që thotë se faji është i të gjithëve, por duke i shtuar gjithmonë fraza sikur nuk ka përqendrim apo lojtarët e kanë mendjen te shtypi rozë. Gjëja më e mirë është thjesht të pranosh që ke humbur dhe të përgëzosh kundërshtarin. Një mënyrë e të fituarit është edhe të tregosh që di të humbësh me nder”.
Në fund nuk mund të mungonin fjalët edhe për Kristiano Ronaldon, blerjen që ai realizoi para se të largohej nga drejtimi i skuadrës madrilene.
“Kur nënshkruam kontratën për blerjen e tij, mendonim se është më i rëndësishëm se Mesi. Kristiano nuk ka ndryshuar. Ai ka shpesh një sjellje që mund të mos u pëlqejë njerëzve, por është një lojtar i jashtëzakonshëm”, përfundoi Kalderon që përgatitet të hedhë përsëri kandidaturën për president kundër Florentino Perez në zgjedhjet e ardhshme.