e mërkurë, 18 nëntor 2026
Shqiperia.comPortali shqiptar
Aktualitet

Homazhe per deshmorin Vogli,lamtumira e fundit

Në këtë seksion: Aktualitet · 8 artikuj ↓
Homazhe per deshmorin Vogli,lamtumira e fundit
Homazhe dhe nderime per Dëshmorin e Atdheut, kapiten Feti Vogli, rene ne krye te detyres gjate misionit ne Afganistan. Ne oren 11.00 ka nisur ceremonia mortore ne Pallatin e Kongrese, ku trupi i tij, shoqeruar nga kortezhi nen tingujt e bandes eshte vendosur ne holl, per nderimet e rastit. Ministri Arben Imami dhe drejtues të lartë ushtarakë janë të parët që vendosin kurora me lule dhe bejne homazhe para arkivolit mbuluar me flamurin shqiptar. Pas tij, Kreu i Komisionit te Sigurise dhe anetare te tij, nderojne para trupit te pajete dhe ngushellojne familjaret e pranishem. Ceremonia familjare, ne banesen e tij ne fshatin Baldushk eshte mbyllur rreth ores 09.40, e me pas kortezhi me trupin e tij eshte nisur drejt Pallatit te Kongreseve.

Trupi i tij mberriti ne atdhe ne oren03:05 të mëngjesit të sotëm në aeroportin “Nënë Tereza” me anë të një avioni të NATO-s. Ne nje ceremoni te heshtur ai eshte nderuar ne aeroport nga zyrtare te larte, familjare dhe te tjere te pranishem. Pasi eshte bere nje ndalese ne morgun e Tiranes, trupi i tij, shoqeruar nga kortezhi  eshte percjelle në drejtim të fshatit Baldushk, aty ku familja e kapitetit ka më shumë se 4 ditë që ka hapur dyert për të pritur ngushëllimet.

Më poshtë detajet e ceremonisë mortore:

Detajet e ceremonise

Ora 10:00 – 10:45- Lëvizja e arkivolit me trupin e të ndjerit për në Pallatin e Kongreseve

Ora 10:45 – 11:00- Vendosja e arkivolit ne vendin ku do të zhvillohen homazhet në Hollin e Pallatit të Kongreseve

Ora 11:00 – 12:15- Zhvillimi i homazheve

Ora 12:15 – 12:20- Zhvillimi i homazheve nga Ministri i Mbrojtjes dhe Shefi i Shtabit

Ora 12:25 – 12:30- Zhvillimi i homazheve nga Kryeministri

Ora 12:30 – 12:35- Zhvillimi i homazheve nga Kryetarja e Kuvendit

Ora 12:35 – 12:40- Zhvillimi i homazheve nga Presidenti

Ora 12:45 – 13:00- Zënia e vendeve për fillimin e ceremonisë mortore

Ora 13:00- Fillimi i ceremonisë zyrtare

Ora 13:00 – 13:05- Himni Kombëtar

Ora 13:05 – 13:10- Fjala e lamtumirës

Ora 13:10 – 13:11- Trompetat njoftojnë për përfundimin e ceremonisë

Ora 13:11 – 13:25- Rreshtimi i pjesëmarrësve në ceremoni për lëvizjen drejt Varrezave të Dëshmorëve të Atdheut

Ora 13:25 – 13:50- Lëvizje e kortezhit për në Varrezat e Dëshmorëve të Atdheut

Ora 13:50 – 14:00- Grumbullimi i pjesëmarrësve në ceremoninë e varrimit dhe vendosja e tyre në vendet e caktuara

Ora 14.00 – 14.07- Zhvillimi i Ceremonisë së Apelit të Fundit nga Komandanti i Batalionit të Operacioneve Speciale, Kolonel Dritan Demiri

Ora 14.07 – 14.17- Lëvizja e arkivolit të mbajtur në krahë nga grupi i ushtarakëve për në vendin e varrimit

Ora 15.00- Përfundimi i ceremonisë

Ora 15.00 – 15.30- Lëvizje për në Qendrën Kulturore të Ushtrisë

Ora 15.30- Dreka e përmortshme