e mërkurë, 18 nëntor 2026
Shqiperia.comPortali shqiptar
Aktualitet

Gjykatat, beteja per kandidaturat, Topi dhe PD vendosin kushte

Në këtë seksion: Aktualitet · 8 artikuj ↓
Gjykatat, beteja per kandidaturat, Topi dhe PD vendosin kushte
PD paracakton kushtet per kandidaturat qe Topi do te depozitoje ne Kuvend per Gjykaten Kushtetuese dhe te Larte. Edhe Presidenti ben te qarte se nuk do te pranoje kandidatura politike

TIRANe - Rinovimi i perberjes se Gjykates Kushtetuese dhe Gjykates se Larte, si dy institucione qe perbejne kupolen e sistemit te drejtesise ne vend, paralajmeron nje beteje te re dhe te forte mes mazhorances qeverisese dhe kreut te shtetit, Bamir Topi. Kjo per shkak se shumica e djathte e konsideron kete moment si mundesine e arte per te "marre" nen kontroll edhe keto institucione te cilat, perveç SHISH-it, kishin mbetur jashte orbites se saj te influences. Nderkohe qe nga ana tjeter, ne kushtet kur opozita vijon te mos behet pjese e procesit vendimmarres ne Kuvend, Presidenti i Republikes mbetet e vetmja garanci qe zgjedhja e 6 gjyqtareve kushtetues dhe 4 gjyqtareve te tjere ne Gjykaten e Larte, te jete korrekte dhe jashte dominimit politik te mazhorances. Por, duket se situata eshte ne disfavorin e tij, pasi vete ligji i jep atij mundesine e perzgjedhjes se kandidaturave, por qe per t'u emeruar duhet marre me patjeter pelqimi i Kuvendit, ku natyrisht e djathta eshte "zot" per sa kohe deputetet socialiste nuk heqin dore nga marredhenia e kushtezuar me te. Megjithate, edhe ne rast se situata ne Kuvend nuk do te ishte e tille, serish kryetari i shtetit do te duhet te perzgjedhe dhe propozoje ato kandidatura qe do te merrnin pelqimin e deputeteve te djathte. Ne te kundert, ajo qe pritet te ndodh eshte riperseritja e situates se veshtire e qershorit te vitit 2008 kur shumica e djathte bllokoi atehere kandidaturat e Topit per anetare te Gjykates se Larte.

Kushtet e PD-se
Per te shmangur nje moment te tille krize, palet ne kete debat i kane caktuar njera-tjetres kushtet qe duhet te plotesojne ne kete proces ne menyre qe te mos kalohet ne nje ngerç te ri institucional si dy vjet me pare. Keshtu duket se mazhoranca ia ka vene Topit "kufirin tek thana", duke i percaktuar atij nje sere kriteresh qe duhet te plotesojne kandidaturat qe do te propozohen per vendet vakante qe jane krijuar ose qe do te krijohen ne ditet ne vijim ne keto dy institucione. Duke folur ne emer te shumices qeverisese, sekretari i Komisionit te Ligjeve, Eduard Halimi, ka zbuluar disa nga kriteret qe duhet te plotesojne kandidaturat e presidentit, ku natyrisht ka evidentuar integritetin moral dhe ate profesional. Dy perkufizime keto qe i lene mundesi mazhorances qe te kete rast ne çdo moment per te refuzuar me vote çdo kandidature qe nuk do te mund te vihej ne sherbim te saj ne keto dy institucione, por ne veçanti ne Gjykaten Kushtetuese, me te cilen problemet kane qene pa fund keto dy vitet e fundit, pas rrezimit qe ajo i ka bere me shume se 20 ligjeve. "Kuvendi do te jete shume i kujdesshem tashme, te mos lejoje qe elemente te tille, te cilet kane dhene vendime ne kohen e komunizmit, qe kane qene denigruese per pjesen e ish te perndjekurve te jene elemente te Gjykates se Larte dhe Kushtetuese. Elementi tjeter qe eshte shume i rendesishem, eshte elementi i integritetit profesional", - tha deputeti demokrat, Eduard Halimi.

Kushtet e Topit
Nderkohe, edhe nga presidenca ka pasur kushte per kandidaturat qe kane depozituar dosjet e tyre per t'u bere anetare te ketyre dy gjykatave. Nga burime prane kreut te shtetit mesohet se ky i fundit i ka bere te ditur mazhorances se nuk do te pranoje te propozoje asnje kandidature qe ka profil politik, duke i bere te qarte se emrat qe do te perzgjidhen do te jene vetem profesional. Nje percaktim i tille i kreut te shtetit duket se ka te beje me nje insistim te vazhdueshem te mazhorances per te perfshire ne listen e emrave qe do te propozohen per anetare te Gjykates Kushtetuese nje figure me karakter te theksuar politik, per te cilin numri nje i shtetit nuk eshte dakord. Nderkohe, "beteja" duket se eshte ne prag, pasi perveç rastit te kater anetareve te Gjykates se Larte qe u ka mbaruar mandati, dje edhe Gjykata Kushtetuese ka shpallur vendin e pare vakant pas mbarimit te mandatit te anetarit te saj Kujtim Puto, i cili hap siparin e nje serie largimesh te tjera (ne total 6) qe do te ndodhin brenda ketyre dy muajve. Aktualisht ne Presidence jane depozituar nje numer i konsiderueshem dosjesh per anetare te Gjykates se Larte, por edhe te gjykates Kushtetuese.

Gazeta Shekulli