e mërkurë, 18 nëntor 2026
Shqiperia.comPortali shqiptar
Sporti

Ferguson: Kthimi i Murinjos ne Angli do te ishte nje rrezik i madh per ne

Në këtë seksion: Sporti · 8 artikuj ↓
Ferguson: Kthimi i Murinjos ne Angli do te ishte nje rrezik i madh per ne
Aleks Ferguson mendon se një rikthim i mundshëm i Hoze Murinjos në Angli, do të ishte një rrezik më shumë për Junaited, për të fituar titullin kampion vitin e ardhshëm. Sipas të gjitha gjasave. Murinjo do të rikthehet tek Çelsi sezonin e ardhshëm.

“Askush nuk mund të parashikojë nëse mund të sigurojmë 3 tituj kampion radhazi. Kemi lojtarët e duhur për ta bërë një gjë të tillë por ky kampionat është i vështirë. Nëse Murinjo do të kthehet te Çelsi, ashtu siç flitet, do të jetë një sfidë e vështirë për ne nga ana e asaj skuadre” u shpreh Ferguson.

Tekniku skocez ndërkohë ka folur me superlative për lojtarët e rinj të ekipit, duke treguar kështu se e ardhmja e Junaited është e sigurtë.

“Ne nuk do të biem si skuadër, pasi kemi në ekip shumë futbollistë të rinj. Rafael ka treguar se sa shumë është rritur në këtë sezon dhe De Gea gjithashtu ka pasur një progres të vazhdueshëm. Kagaua do të jetë një lojtar edhe më i mirë në sezonin e ardhshëm, ashtu si Fil Xhons që mund të luajë ku të dëshirojë ai”, tha skocezi./b.l