e mërkurë, 18 nëntor 2026
Shqiperia.comPortali shqiptar
Sporti

Duka: 'Loro Borici' vitin tjeter, ne janar prishet 'Qemal Stafa'

Në këtë seksion: Sporti · 8 artikuj ↓
Duka: 'Loro Borici' vitin tjeter, ne janar prishet 'Qemal Stafa'

Për t’i dhënë fund ngërçit që ka bllokuar punimet në stadiumin “Loro Boriçi” shkoi vetë në Shkodër. Përpara se të takohej me anëtarët e Këshillit Bashkiak, presidenti i Federatës Shqiptare të Futbollit, Armand Duka inspektoi rikonstruksionin e impiantit që ka ngelur në vendnumëro për shkak të firmës së munguar në kontratë.

Duka ka sqaruar edhe një herë pretendimet e Federatës, ndërsa ka theksuar se mosmarrëveshjet me Bashkinë e Shkodrës kanë bllokuar financimin e UEFA-s.

Optimist se gjithçka do të zgjidhet, Duka ka vendosur fillimin e vitit të ardhshëm si afat për përfundimin e punimeve.

Ndërkohë nga Federata Shqiptare e Futbollit zbardhen të tjera detaje sa i përket stadiumit të ri të kombëtares që do të ndërtohet në Tiranë dhe për të cilin pritet të shpenzohen 50 milionë euro.

Prishja e impiantit ekzistues “Qemal Stafa” do të nisë janarin e ardhshëm, teksa përfundimi i tij do të kërkojë një periudhë dy vjeçare.

Po ashtu, konfirmohet projekti që parashikon një kapacitet me 22 mijë vende, me tribuna të mbuluara dhe hapësira të tjera shumë funksionale.