e mërkurë, 18 nëntor 2026
Shqiperia.comPortali shqiptar
Aktualitet

Demonstrata, Komisioni i Helsinkit: eshte per te ardhur keq

Në këtë seksion: Aktualitet · 8 artikuj ↓
Demonstrata, Komisioni i Helsinkit: eshte per te ardhur keq
Udhëheqësit amerikanë të Komisionit për Sigurimin dhe Bashkëpunimin në Evropë, Komisionit të Helsinkit, kanë shprehur keqardhjen e thellë të tyre që demonstratat në Tiranë lanë të paktën tre të vrarë dhe dhjetëra të plagosur. Kryetari i komisionit, Senatori Benjamin Kardin deklaroi se plagosjet dhe vrasjet në Tiranë nuk duhet të kishin ndodhur. “Është për të ardhur keq”, theksoi ai, “që disa njerëz zgjodhën taktikat e dhunës në vazhdën e retorikës së acaruar politike.

Ata zgjodhën të mospërfillnin thirrjet e bëra nga ambasada amerikane në Tiranë dhe të tjera, për shprehjen paqësore të pikëpamjeve politike. Ashtu siç u shpreh me të drejtë ambasada, populli shqiptar meriton kushte më të mira”

.Bashkëkryetari i Komisionit amerikan të Helsinkit, kongresisti Ellis Hestings, i cili ka ndjekur zhvillimet në Shqipëri për më shumë se një dekadë dhe po ashtu ka qenë i pranishëm për të vëzhguar zgjedhjet e 2009-s , tha se “pas kapërcimit të shumë vështirësive, është tepër zhgënjyese që disa njerëz në Shqipëri, për qëllimet e tyre politike, janë të predispozuar të vënë në rrezik aspiratat mëdha të vendit për integrimin evropian dhe të ardhmen e tij të begatë. Vetëm nëse udhëheqësit politikë të pozitës dhe opozitës”, tha më tej zoti Hestings, “mbajnë një qëndrim më dinjitoz ndaj njeri tjetrit dhe respektojnë të drejtat e njeriut dhe shtetin ligjor, atëherë vendi do të ecë me të vërtetë përpara drejt reformave të nevojshme. Ata duhet ta bëjnë këtë duke filluar menjëherë tani”, theksoi kongresisti Hestings.