Anglia fiton me përmbysje ndaj Gjermanisë (VIDEO)
Në këtë seksion: Sporti · 8 artikuj ↓
UPDATE/ Anglia mposhti 2-3 Gjermaninë në "Olimpiashtadion". Edhe pse ndeshja u luajt në kuadër të miqësoreve të muajit mars që zhvillohen para "Euro 2016", skuadrat treguan një përgatitje të lartë në fushë ku nuk munguan golat dhe spektakli.
Fillimisht, vendasit kaluan në avantazh në minutën e 43´ të pjesës së parë me anë të Toni Kros. Pjesa e parë ishte e balancuar për të dyja skuadrat, të cilat zhvilluan një lojë të kujdesshme, por skuadra e Lëvit ishte ajo që shkoi në avantazh në dhomat e zhveshjes.
Gjermanët dyfishuan rezultatin në minutat e para të pjesë së dytë. Por anglezët nuk u dorëzuan. Harri Kane ngushtoi rezultatin në minutën e 61 në 2-1, ndërsa Jamie Vardy barazoi shifrat në minutën e 74´. Kur u duk se ndeshja do të mbyllej në barazim, Erik Dier shënoi golin e tretë të kësaj ndeshjeje, duke përcaktuar edhe rezultatin final.
Para fillimit të ndeshjes, trajneri i Gjermanisë vlerësoi lojtarët e skuadrës kundërshtare, duke thënë se ata janë futbollistë cilësorë që mund të ndryshojnë fatin e ndeshjes në çdo moment.
Ndërsa trajneri i Anglisë, Roj Hoxhson ka thënë se shkon në Gjermani për një fitore dhe nga kjo ndeshje do të përcaktohen shumë gjëra për formacionin e ardhshëm të ekipit të tij.
Para fillimit të ndeshjes, policia kreu kontrolle të rrepta në stadium. Masat e forta të policisë vijnë pas sulmeve terroriste që ndodhën në Bruksel pak ditë më parë.
Pak kohë para fillimit të takimit, mediat ndërkombëtare publikuan edhe formacionet zyrtare.
Gjermani - Angli 2 - 3
Gol: Toni Kros 43´, Gomez 57'/ Kane 61´, Vardy 74´, Dier 90´
FORMACIONET ZYRTARE:
Gjermania: Neuer, Can, Rüdiger, Hummels, Hector, Kroos, Khedira, Müller, Özil, Reus, Gomez.
Trajner: Joakim Lëv.
Anglia: Butland, Clyne, Rose, Dier, Cahill, Smalling, Lallana, Henderson, Kane, Alli, Welbeck.
Trajner: Roj Roxhson.

