e mërkurë, 18 nëntor 2026
Shqiperia.comPortali shqiptar
Aktualitet

Shqiperia, miqesore me Italine?

Në këtë seksion: Aktualitet · 8 artikuj ↓
Shqiperia, miqesore me Italine?
Një trajner italian në krye të përfaqësueses dhe tani… një miqësore me kombëtaren axurre. Pas uljes në stol të ish-teknikut të Modenës, Torinos dhe Breshias, Xhani De Biazi FSHF dëshiron të bëjë realitet ëndrrën e kahershme të një ndeshjeje me Italinë. Skuadra jonë përfaqësuese ka luajtur me thuajse të gjithë Big-ët e futbollit europian (madje së fundmi edhe atë botëror, Argjentina), por kurrë me fqinjët e adhuruar nga shumë tifozë në Shqipëri.

“Natyrisht, fakti që kemi një trajner italian nuk do të thotë që Federata Italiane do të jetë automatikisht e interesuar për një ndeshje miqësore me ne. Sidoqoftë, ne jemi shumë të vëmëndshëm sa i përket mundësisë për ta luajtur një takim të tillë. Nëse do të na jepet mundësia do të ishte një ëndërr e kthyer në realitet”, tha sekretari i Përgjithshëm i FSHF-së, Eduard Prodani.

“Kjo periudhë është e ngjeshur me miqësore për skuadrat që marrin pjesë në Europian. Ne do të kërkojmë që të luajmë në atë kohë. Jemi të vëmëndshëm ndaj çdo mundësie që do të krijohet”, tha dje sekretari i FSHF-së, Prodani.