e mërkurë, 18 nëntor 2026
Shqiperia.comPortali shqiptar
Aktualitet

Norvegji, 11 te vdekur ne Oslo (Foto)

Në këtë seksion: Aktualitet · 8 artikuj ↓
Norvegji, 11 te vdekur ne Oslo (Foto)
Bomba e fuqishme që shpërtheu në zonën e ndërtesave qeveritare në kryeqytetin Oslo ka shkaktuar të paktën shtatë viktima dhe ka plagosur 15 persona. Kryeministri Jens Stoltenberg, në një intervistë telefonike për një televizion lokal, e ka cilësuar situatën si “shumë serioze”.

Shpërthimi i bombës u pasua nga një tjetër incident fatal, me të shtëna armësh zjarri në një takim elektoral të forumit rinor të Partisë Laburiste, e udhëhequr nga kryeministri.

Mediat norvegjeze raportojnë se të paktën katër persona janë vrarë kur një person i veshur si polic hapi zjarr ndaj të pranishëmve.

Policia norvegjeze deklaron se personi i dyshuar si autor i këtij atentati është arrestuar nga agjentët e vërtetë të sigurisë.

Deri tani, asnjë grup nuk ka marrë përsipër autorësinë e sulmeve, që ndodhin rrallë në një vend të qetë si Norvegjia.

Disa orë pasi shpërthimi bllokoi Oslon, autoritetet thanë se kishte ende persona në ndërtesat e dëmtuara, tek të cilat kishin rënë edhe zjarre.