E Mërkurë, 18 nëntor 2026
Shqiperia.comPortali shqiptar
Kuriozitete

'Gabimi fatal', dergon biskotat me kokaine ne ceremonine mortore

Në këtë seksion: Kuriozitete · 8 artikuj ↓
'Gabimi fatal', dergon biskotat me kokaine ne ceremonine mortore
Një shtetas bullgar është arrestuar në Athinë pasi ka përgatitur biskota me kokainë për një ceremoni mortore. I arrestuari punonte në një furrë buke ku ishin porositur biskota tradicionale greke për cerenominë. Pak minuta pasi përcjellësit e të vdekurit kanë provuar biskotat, ata kanë nisur të sillen në mënyrë të çuditshme. Më pas i është telefonuar policisë për këtë ‘problem’ që u mendua se vinte për shkak të biskotave. Oficerët e policisë kanë zbuluar se ato përveç sheqerit tradicional ishin spërkatur edhe me kokainë.

Përgatitësi i tyre, bullgari, ishte i përfshirë në një rrjet për trafikimin e drogës, zbuloi më pas policia. Mendohet se spërkatja e biskotave me kokainë është bërë për të mbuluar transportimin e kokainës por që ka përfunduar gabimisht në cerenominë mortore. “Gabimi” i ka kushtuar shumë grupit pasi policia tashmë ka zbuluar rrjetin dhe 60 kg kokainë.