Çanta e duhur për udhë të mbarë

Çanta e shpinës mund të kthehet në shokun më të ngushtë kur je duke udhëtuar. Por nëse zgjedh llojin e gabuar mund të të prishë tërë kënaqësinë e rrugës.

Një çantë e mirë shpine është ajo që është e përshtatshme për rrethana të ndryshme. Prandaj është me leverdi të blihet një çantë më e mirë që mund të
kushtojë pak më tepër, por që e din se ka për të të rrojtur gjatë. Sot ka gjithsej rreth 20 firma që prodhojnë çanta të mira shpine. Përparësia me zgjedhjen e një
marke të njohur është ajo që firma që e prodhon këtë prodhim ka përvojë të gjatë dhe se kjo firmë kujdeset të mos humbasë namin e mirë.

Nëse do të udhëtohet me javë të tëra do të ishte mirë të zgjidhej një çantë shpine 80 litërshe. Nëse udhëtimi është vetëm disaditësh do të mjaftonte me një
çantë 60 litërshe.

Sot e kësaj dite ka edhe çanta të tilla shpine për gra. Modeli për gra i ka rrypat të prera në mënyrë të tillë që të mos rëndojnë mbi gjoksin dhe i është
përshtatur trupit të femrave duke pasur parasysh që këto kanë shpinë më të ngushtë dhe kofshë më të gjëra se meshkujt.