Zbardhen detajet e grabitjes ne Rinas ja si u vodhen miliona leke

Zbardhen detajet e grabitjes ne Rinas, ja si u vodhen miliona leke

Menjëherë pas grabitjes në pistën e aeroportit të Rinasit ka reaguar Policia e Tiranës. Përmes një deklarate ajo ka dhënë sqarimet dhe dinamikën e ngjarjeve, por nuk ka  treguar se sa është shuma e parave të grabitura.

Kjo është deklarata e plotë e policisë:

"Policia e Tiranës është njoftuar se rreth orës 14:45 në sheshin e brendshëm të fluturimeve të aeroportit “Nënë Tereza” ka ndodhur një grabitje me armë.

Menjëherë janë angazhuar shërbimet policore në aeroport dhe forca shtesë nga Drejtoria Vendore e Kufirit.

Nisur nga informacioni paraprak, raportohet  se është grabitur nje sasi monetare, qe po transferoheshin me mjetet e SHPSF “Nazeri 2000”, nga terminali drejt avionit.

Dyshohet se autorë të grabitjes janë të paktën 3 persona.

Ata hynë në rrethimin e brendshëm të aeroportit, pasi prenë menteshat e portës së jashtme që ndodhet nga krahu i rrugës Rinas – Fushë Krujë.

Rrethimi i jashtëm sigurohet nga sherbimi i sigurise se kompanise private qe menaxhon aeroportin.

Pasi kanë marrë sasinë e valutës, autorët janë larguar me shpejtësi.

Gjatë ndjekies së autorëve  policia ka gjetur të djegur mjetin tip "Benz", që dyshohet se u përdor nga autorët.

Policia e Shtetit po vijon  ndjekjen e tyre, me forca të shumta dhe nga ajri me helikopter.

Forcat RENEA po ushtrojnë kontrolle në akset rrugore dhe zonat ku dyshohet se strehohen autorët.

Vazhdojnë intensivisht kërkimet dhe hetimet për zbulimin dhe kapjen e autorëve  dhe zbardhjen e plote të ngjarjes."


Artikujt e fundit


Reklama

Reklama