Ushtria shqiptare largon Kallashnikovin armatoset sipas kushteve te NATO-s

Ushtria shqiptare largon Kallashnikovin, armatoset sipas kushteve te NATO-s

Ministrja e Mbrojtjes në Qeverinë e Shqipërisë, Mimi Kodheli, ka deklaruar se në fillim të vitit të ardhshëm Forcat e Armatosura shqiptare do të jenë të armatosura tërësisht sipas standardeve dhe kushteve të NATO-s.

Ajo ka njoftuar se ushtria shqiptare do të zhdukë përgjithmonë nga armatimet e saj simbolin e ushtrisë sovjetike, Kallashnikovin.

“10 milionë euro janë një shumë e konsiderueshme për buxhetin e mbrojtjes dhe me 5 mijë pushkët automatike të reja nga Italia ne do të mbyllim ciklin e suportit me armatim të standardit të NATO-s në gjithë FA-të”, nënvizoi Kodheli.

Forcat e Armatosura shqiptare do të marrin edhe 250 mjete ushtarake të blinduara, që vijnë si donacion nga qeveria amerikane. Ky donacion do të vijë në fillim të vitit të ardhshëm.

Shqipëria është ndër vendet që nuk e plotëson kushtin e Aleancës për shpenzim të 2 për qind të buxhetit kombëtar për ushtrinë, megjithë rritjen e rrogave për ushtarakët. Buxheti do të ulet me 0.1 për qind vitin e ardhshëm, por këto dy donacione, sipas qeverisë, do ta balancojnë atë...


Artikujt e fundit


Reklama

Reklama