Tre llojet e njerezve qe duhet ti shmangni ne jete

Tre llojet e njerezve qe duhet t'i shmangni ne jete

Nëse dëshironi të jetoni i qetë dhe i lumtur, duhet që disa lloje njerëzish të mos i mirëprisni në jetën tuaj. Për të bërë një jetë të lumtur, duhet ta rrethoni veten me njerëz që shtojnë vlerat pozitive tek ju dhe krijojnë gjendje qetësie në ambientin ku jetoni. Kushtojini vëmendje këtyre tre llojeve të njerëzve, për të shmangur përvojat e pakëndshme gjatë jetës suaj.

 

1. Manipuluesi

 

Ky lloj i njeriut është shumë mashtrues dhe është aq mashtrues sa që iu bën të mendoni se nuk janë të tillë. Për disa arsye, këta mund t’iu duken se janë mashtrues, por ata kanë aftësi të tilla bindëse sa që shpesh e shtyni gjykimin tuaj më të mirë ndaj tyre. Qëllimi i tyre është që të fitojnë besimin tuaj dhe më pas ta përdorin atë për çfarëdo që ata dëshirojnë. Ndoshta është paraja juaj, gjinia, popullariteti, apo sa për t’iu vënë poshtë. Çështja këtu është që t’i besoni intuitës tuaj. Nëse dikush iu duket si mashtrues, atëherë ka arsye gjithmonë për këtë.

 

2. Përçmuesi

 

Njerëzit me këtë karakter i intereson vetëm vetja. Ky person fiton një ‘energji të veçantë’ duke i shikuar të tjerët teksa vuajnë. Duke i nënçmuar të tjerët, ky person rritë vetëvlerësimin dhe i duket vetja superior. Njerëzit janë nënçmues kur vuajnë brenda në një mënyrë apo tjetrën. Në qoftë se ata mund t’i bëjnë të tjerët të ndjehen keq, ata ndjehen më pak keq për jetën e tyre. Çështja kryesore është që të mos i kushtoni vëmendje gjërave që ata bëjnë ose thonë. Beteja që ata janë duke e luftuar është me veten e tyre, dhe jo me ju.

 

3. Egoisti

 

Ky është një person që varet në ju vetëm sa për të fituar një imazh më të mirë për veten. Egoistët dëshirojnë të jenë në sytë e të tjerëve duke pasur një nivel të caktuar dhe nëse ata mendojnë se, duke qëndruar me ju u ndihmon atyre që të rrisin identitetin e tyre shoqëror, atëherë ata kurrë nuk do të largohen nga ju. Ata nuk janë fort të interesuar që të bëjnë shoqëri. Ata janë të interesuar që të rrisin vlerën e vetes në krahun tuaj. Duhet ta doni veten shumë për të mos i lënë këto njerëz në jetën tuaj. Largohuni nga këta persona dhe ndiqni njerëzit të cilët përshtaten me ju dhe iu shërbejnë juve. Jeta është shumë e shkurtë për ta kaluar me njerëzit të cilët nuk e meritojnë kohën dhe energjinë tuaj.


Artikujt e fundit


Reklama

Reklama