Penalltitë janë kthyer në një pjesë të rëndësishme të ndeshjeve të futbollit. Brenda 90 minutave, 120 minutave apo te "lotaria" e gjuajtjeve përfundimtare, e rëndësishme është që të jesh gjithmonë i përgatitur në momentin kur vendos topin te pika e bardhë dhe gjendesh përballë portierit kundërshtar. Çdo ekip apo kombëtare ka një "specialist", personin të cilit i besohet më rregullisht gjuajtja nga pika e bardhë.
Portali "fanpage.it" ka ndërtuar një listë me emrat e lojtarëve të kombëtareve të cilët falë realizimeve nga pika e bardhë me klubet e tyre, pritet të jenë gjuajtësit kryesorë të penalltive gjatë Euro 2016.
Nga Shqipëria, emri më i mundshëm për të gjuajtur nga pika e bardhë është ai i Ledian Memushajt, i cili nga 11 golat e realizuar në Serinë B në këtë edicion me Peskarën, 6 i ka shënuar nga pika e bardhë.
Lista e plotë e lojtarëve më të mundshëm të çdo kombëtareje
Shqipëria: Memushaj
Anglia: Runi, Vardi
Austria: Alaba, Dragoviç
Belgjika: Hazard, De Bryjn
Franca: Pogba, Griezman
Gjermania: Myler, Ozil
Hungaria: Xhuxhak, Priskin.
Irlanda: Long, Kin
Irlanda e Veriut: Laferti, MekGin
Islanda: Gudjohnsen, Sigurdson, Sigtorson
Italia: Kandreva, Pele
Kroacia: Modriç, Manxhukiç
Polonia: Levandovski
Portugalia: K. Ronaldo
Republika Çeke: Necid
Rumania: Torje, Marica
Rusia: Shirokov, Dzhyba
Sllovakia: Hamshik
Spanja: Fabregas, Morata
Suedia: Ibrahimoviç
Turqia: Jillmaz, Selçuk Inan
Uellsi: Bejl
Ukraina: Konoplianka, Jarmolenko
Zvicra: Shaqiri