Një ditë para përballjes në ‘Elbasan Arena’, arrestohet në Tiranë Ismail Morina, i njohur si Ballist Morina, personi që futi dronin në stadiumin e Beogradit gjatë ndeshjes Serbi-Shqipëri.
Morina ka qenë në drejtimin e një mjeti tip “Ronge Rover” dhe gjatë kontrollit iu gjet pistoletë zastava ne brez dhe një tjetër pistoletë TT në makinë.
Morina ka deklaruar në polici se armën e mbante për vetëmbrojtje. “Armën e mbaja për vetembrojtje qe pas problemeve me dronin. Nuk kisha asnjë qëllim tjetër”- ka thënë ai, duke përjashtuar edhe hamendësimet që mund të lidhen me ndeshjen e nesërme në “Elbasan Arena”.
Morina vetëm një ditë më parë tregoi se kishte një surprizë për Vucic nëse do të ishte i pranishëm në “Elbasan Arena” në takimin e nesërm mes kombëtares sonë dhe Serbisë.
Pak kohe me pare, ne nje interviste per gazetarin Dritan Shakohoxha, tifozi më i famshëm sot i Kombëtares rrefeu se pas ngritjes se dronit ne Beograd nuk e kishte me jeten e meparshme dhe se kishte frike të shkonte tek familja e tij në Itali.
“Shkoj i vizitoj një javë dhe kthehem. Ose rri tri ditë dhe kthehem. Isha para disa ditësh se kisha ditëlindjen e vajzës dhe ndenja 3 ditë. Rutina imë e përditshme nuk është më”,- tha ai.
Intervista me Shakohoxhen e Ballist Morines, disa kohe me pare