![\"\"](\"https:\/\/i0.wp.com\/www.shqiperia.com\/blog\/wp-content\/uploads\/2026\/05\/640-0-nik-1778147629-1.png?resize=589%2C332&ssl=1\")
<\/p>\n<\/p>\n
7 Maji 2026<\/p>\n
56 kursant\u00eb t\u00eb Akademis\u00eb s\u00eb Siguris\u00eb n\u00eb Sauk u d\u00ebrguan me urgjenc\u00eb n\u00eb Repartin Infektiv t\u00eb QSUT-s\u00eb, t\u00eb helmuar nga dreka e servirur n\u00eb ambientet e institucionit ku p\u00ebrgatiten forcat e ardhshme t\u00eb rendit. T\u00eb vjella, dhimbje t\u00eb forta barku, serum pas serumi. F\u00ebmij\u00eb q\u00eb kan\u00eb zgjedhur t\u00eb mbajn\u00eb uniform\u00ebn e shtetit u shtrin\u00eb n\u00ebp\u00ebr shtret\u00ebr spitali sepse shteti shqiptar nuk \u00ebsht\u00eb n\u00eb gjendje t’u garantoj\u00eb as t\u00eb drejt\u00ebn elementare t\u00eb ushqimit t\u00eb sigurt.<\/p>\n
Brenda 24 or\u00ebve, policia e Tiran\u00ebs arrestoi n\u00eb flagranc\u00eb Kujtim Ballgjinin, 52 vje\u00e7, kuzhinierin q\u00eb gatuante ushqimin e helmuar, dhe Kristjana Plak\u00ebn, 23 vje\u00e7e, teknologe ushqimi. Nj\u00eb tjet\u00ebr teknologe, 35 vje\u00e7e, u procedua n\u00eb gjendje t\u00eb lir\u00eb. Por k\u00ebta tre jan\u00eb thjesht k\u00ebmb\u00ebsor\u00ebt e nj\u00eb makinerie kriminale q\u00eb ka m\u00eb shum\u00eb se dy dekada q\u00eb mban peng sh\u00ebndetin e shqiptar\u00ebve dhe xhepin e taksapaguesve.<\/p>\n
Mbi ta q\u00ebndrojn\u00eb dy emra q\u00eb duhet t\u00eb ishin n\u00eb pranga prej vitesh:\u00a0Alma Tafani, administratore dhe ortake e vetme e kompanis\u00eb\u00a0SORI-AL, e shpallur n\u00eb k\u00ebrkim dhe e zhdukur pa gjurm\u00eb, dhe\u00a0Nikolin Jaka, themeluesi i k\u00ebsaj perandorie t\u00eb kalbur, ish-z\u00ebvend\u00ebsminist\u00ebr i arrestuar p\u00ebr korrupsion, q\u00eb sot mban postin e kryetarit t\u00eb Dhom\u00ebs s\u00eb Tregtis\u00eb dhe Industris\u00eb s\u00eb Tiran\u00ebs sikur t\u00eb mos kishte ndodhur asgj\u00eb.<\/p>\n
Pamfleti e ka paralajm\u00ebruar k\u00ebt\u00eb bat\u00ebrdi prej vitesh. Shkrim pas shkrimi, denoncim pas denoncimi,\u00a0 kemi treguar se kush \u00ebsht\u00eb ky cift kriminal, si kan\u00eb vjedhur, si kan\u00eb mashtruar, si kan\u00eb bler\u00eb heshtjen e institucioneve. Askush nuk reagoi. Asnj\u00eb prokuror nuk hapi dosje. Asnj\u00eb institucion nuk t\u00ebrhoqi kontratat. T\u00eb gjith\u00eb reagojn\u00eb tani, pasi 56 kursant\u00eb u shtrin\u00eb n\u00eb spital. T\u00eb gjith\u00eb shprehin shqet\u00ebsim. T\u00eb gjith\u00eb premtojn\u00eb hetime. Hipokrizi e plot\u00eb dhe e neveritshme.<\/p>\n
Tani le t\u00eb shohim se kush jan\u00eb n\u00eb t\u00eb v\u00ebrtet\u00eb k\u00ebta dy personazhe q\u00eb shteti shqiptar i ka mbajtur me ushqyer p\u00ebr 25 vjet rresht.<\/p>\n
Nikolin Jaka e nisi karrier\u00ebn e tij t\u00eb gjat\u00eb n\u00eb korrupsion jo si tregtar, por si Z\u00ebvend\u00ebsminist\u00ebr i Transporteve dhe Pun\u00ebve Publike. N\u00eb vitin 2007 u arrestua p\u00ebr korrupsion dhe shp\u00ebrdorim detyre, akuzuar se p\u00ebrmes sekser\u00ebve paracaktonte tenderat e gjasht\u00eb muajve t\u00eb ardhsh\u00ebm. Q\u00ebndroi 227 dit\u00eb n\u00eb paraburgim. Momenti q\u00eb doli nga qelia, b\u00ebri at\u00eb q\u00eb b\u00ebn \u00e7do kriminel i vog\u00ebl: u fsheh pas gruas. Kuotat e kompanis\u00eb SORI-AL, q\u00eb ai e kishte themeluar n\u00eb vitin 2002, i kaloi 100 p\u00ebr qind n\u00eb em\u00ebr t\u00eb Alma Tafanit. Bashk\u00ebshortes. Ish-bashk\u00ebshortes. Bashk\u00ebjetueses. Thirreni si t\u00eb doni, nuk ka r\u00ebnd\u00ebsi. E r\u00ebnd\u00ebsishme \u00ebsht\u00eb q\u00eb ligji shqiptar ndalon personat e d\u00ebnuar penalisht t\u00eb marrin pjes\u00eb n\u00eb tendera shtet\u00ebror\u00eb, por nuk ndalon grat\u00eb e tyre. Nj\u00eb hile aq primitive sa dhe fyerja q\u00eb k\u00ebta dy i b\u00ebjn\u00eb \u00e7do dit\u00eb shtetit shqiptar.<\/p>\n
Shteti jo vet\u00ebm q\u00eb nuk i nd\u00ebshkoi, por u hapi dyert dhe arkat.<\/p>\n
Deri m\u00eb sot, SORI-AL dhe kompanit\u00eb e lidhura me Tafanin kan\u00eb marr\u00eb nga Thesari i Shtetit Shqiptar mbi\u00a02.2 miliard\u00eb lek\u00eb, rreth 22.7 milion\u00eb euro, n\u00eb m\u00eb shum\u00eb se 1200 transaksione. Jan\u00eb para q\u00eb kan\u00eb dal\u00eb nga xhepat e shqiptar\u00ebve dhe kan\u00eb p\u00ebrfunduar n\u00eb xhepat e nj\u00eb dysheje kriminale q\u00eb vepron e pand\u00ebshkuar prej nj\u00ebzet e pes\u00eb vjet\u00ebsh.<\/p>\n
![\"Nj\u00eb](\"https:\/\/i0.wp.com\/media.oranews.tv\/oranews.tv\/media3\/-640-0-w4-1778147628.png?ssl=1\")
<\/p>\n
N\u00eb vitin 2022, SORI-AL fitoi tenderin p\u00ebr furnizimin ushqimor t\u00eb Akademis\u00eb s\u00eb Policis\u00eb me vler\u00eb 2.5 miliard\u00eb lek\u00eb, 99.99 p\u00ebr qind e fondit limit. Praktikisht pa gar\u00eb fare. Kush e firmosi? Endri Mullai, drejtues i Agjencis\u00eb Shtet\u00ebrore t\u00eb Prokurimeve t\u00eb P\u00ebrqendruara, n\u00ebn mbik\u00ebqyrjen e ministrit t\u00eb Brendsh\u00ebm t\u00eb koh\u00ebs, Bledar \u00c7u\u00e7i.<\/p>\n
N\u00eb tetor 2023, QSUT i dha SORI-AL nj\u00eb kontrat\u00eb prej 850 milion\u00eb lek\u00ebsh pa TVSH p\u00ebrmes negociimit t\u00eb drejtp\u00ebrdrejt\u00eb. Pa gar\u00eb fare. Kush e firmosi? Albana Fico, ish-kunata e kryeministrit Edi Rama, n\u00eb at\u00eb koh\u00eb drejtoresh\u00eb e QSUT-s\u00eb.<\/p>\n
Spitali Psikiatrik i Vlor\u00ebs i akordoi SORI-AL 302 milion\u00eb lek\u00eb, 95 p\u00ebr qind e fondit limit, me vet\u00ebm dy konkurrent\u00eb n\u00eb gar\u00eb. Bashkia e Tiran\u00ebs i dha k\u00ebsaj dysheje 1.2 miliard\u00eb lek\u00eb n\u00eb tendera ushqimi, qum\u00ebshti dhe bulmeti. Dhe kjo nuk \u00ebsht\u00eb as gjysma e list\u00ebs.<\/p>\n
Por kush \u00ebsht\u00eb n\u00eb t\u00eb v\u00ebrtet\u00eb Alma Tafani?<\/strong><\/p>\n Alma Tafani nuk \u00ebsht\u00eb thjesht pronarja e SORI-AL. Alma Tafani \u00ebsht\u00eb nj\u00eb ”oktapod” q\u00eb ka shtrir\u00eb krah\u00ebt n\u00eb \u00e7do institucion q\u00eb merr para nga buxheti i shtetit. Zot\u00ebron gjithashtu 100 p\u00ebr qind t\u00eb\u00a0AGS, nj\u00eb kompani pastrimi dhe lavanterie q\u00eb ka marr\u00eb tender pas tenderi nga QSUT. Kat\u00ebr tendera radhazi, t\u00eb gjitha pa gar\u00eb, me vlera 22.3 milion\u00eb, 66.5 milion\u00eb, 30.8 milion\u00eb dhe 108.4 milion\u00eb lek\u00eb. Zot\u00ebron\u00a0AgroAl International\u00a0p\u00ebr tregtimin e ushqimeve. Ka n\u00eb pron\u00ebsi 50 p\u00ebr qind t\u00eb AGRO INTEXO dhe\u00a0ZEPA GROUP\u00a0p\u00ebr qum\u00ebsht dhe blegtori.<\/p>\n Dhe m\u00eb pas vjen\u00a0KPL, kompania q\u00eb formalisht mbahet nga nj\u00ebfar\u00eb Ramazan Troka q\u00eb nga viti 2008, por q\u00eb hetimet gazetareske e kan\u00eb ekspozuar si kompani t\u00eb kamufluar t\u00eb Tafanit. Nj\u00eb rrjet i t\u00ebr\u00eb, nj\u00eb perandori e nd\u00ebrtuar mbi parat\u00eb publike, me pronar\u00ebt e v\u00ebrtet\u00eb t\u00eb fshehur pas nj\u00eb labirinti kompanish dhe emrash t\u00eb tret\u00eb.<\/p>\n Nikolin Jaka, nga qelia e korrupsionit te karrigia e dhom\u00ebs s\u00eb tregtis\u00eb<\/strong><\/p>\n Nikolin Jaka, arkitekti i k\u00ebsaj perandorie, q\u00ebndron n\u00eb hije. I past\u00ebr n\u00eb letra, pis n\u00eb realitet. Kryetar i Dhom\u00ebs s\u00eb Tregtis\u00eb dhe Industris\u00eb s\u00eb Tiran\u00ebs, nj\u00eb post q\u00eb e mban si mburoj\u00eb prestigji nd\u00ebrsa bashk\u00ebshortja e tij administron miliarda lek\u00eb nga shteti. I arrestuar n\u00eb 2007 p\u00ebr korrupsion, i liruar n\u00eb 2008, fitues i nj\u00eb padie p\u00ebr d\u00ebmshp\u00ebrblim nga shteti n\u00eb 2012, Jaka nuk ka humbur asnj\u00eb dit\u00eb nga puna e tij e v\u00ebrtet\u00eb: shnd\u00ebrrimin e parave publike n\u00eb pasuri private. Shteti e arrestoi, shteti e liroi, shteti e d\u00ebmshp\u00ebrbleu dhe shteti vazhdon t’i jap\u00eb miliona euro p\u00ebrmes gruas s\u00eb tij.<\/p>\n Kur trupat e kursant\u00ebve ishin ende n\u00eb spital, AKU doli me njoftimin se u bllokuan 85.9 kilogram\u00eb ushqim n\u00eb Akademin\u00eb e Siguris\u00eb. Bllokuan 67.3 kilogram\u00eb produkte dhe 1350 kokrra vez\u00eb n\u00eb Garnizonin “Sk\u00ebnderbej”. Mor\u00ebn mostra p\u00ebr analiza. Dhan\u00eb dy gjoba nga 100 mij\u00eb lek\u00eb secila. 200 mij\u00eb lek\u00eb t\u00eb vjetra gjithsej p\u00ebr nj\u00eb kompani q\u00eb ka p\u00ebrfituar 2.2 miliard\u00eb lek\u00eb nga shteti. Dhe e dini p\u00ebr \u00e7far\u00eb i gjobit\u00ebn? P\u00ebr munges\u00eb t\u00eb sistemit t\u00eb gjurmueshm\u00ebris\u00eb.<\/p>\n Nd\u00ebrkoh\u00eb, n\u00eb dhjetor 2025, punonj\u00ebset e lavanteris\u00eb dhe kuzhin\u00ebs s\u00eb QSUT-s\u00eb, punonj\u00ebse t\u00eb kompanive t\u00eb Tafanit, dol\u00ebn n\u00eb protest\u00eb. Nuk u ishin paguar rrogat. N\u00eb prag t\u00eb Krishtlindjeve dhe Vitit t\u00eb Ri, grat\u00eb q\u00eb pastrojn\u00eb spitalin m\u00eb t\u00eb madh t\u00eb vendit dhe q\u00eb ushqejn\u00eb t\u00eb s\u00ebmur\u00ebt ishin l\u00ebn\u00eb pa asnj\u00eb lek. Kompania q\u00eb merrte miliarda nga shteti nuk paguante punonj\u00ebsit e vet. Dhe shteti nuk b\u00ebri asgj\u00eb. Asnj\u00eb kontroll. Asnj\u00eb mas\u00eb ndaj kontratave. Asnj\u00eb p\u00ebrgjegj\u00ebsi e marr\u00eb. Punonj\u00ebsit t\u00eb zbrapsur, Tafani me xhepat plot, Jaka i paprekur n\u00eb zyr\u00ebn e tij t\u00eb Dhom\u00ebs s\u00eb Tregtis\u00eb.<\/p>\n Prokuroria e Tiran\u00ebs thot\u00eb se hetimet vijojn\u00eb. Por \u00e7far\u00eb hetimesh duhen? Provat jan\u00eb publike. Tenderat jan\u00eb t\u00eb dokumentuar. Lidhjet jan\u00eb t\u00eb ekspozuara. Helmimi i 56 kursant\u00ebve nuk \u00ebsht\u00eb nj\u00eb krim i ri por fundi logjik i nj\u00eb krimi t\u00eb vazhduesh\u00ebm q\u00eb ka nisur prej vitesh dhe nuk ka ndalur asnj\u00eb dit\u00eb.<\/p>\n