{"id":82354,"date":"2024-07-01T05:17:11","date_gmt":"2024-07-01T05:17:11","guid":{"rendered":"https:\/\/www.shqiperia.com\/blog\/?p=82354"},"modified":"2024-07-01T05:17:11","modified_gmt":"2024-07-01T05:17:11","slug":"absurdi-shqiperia-po-kap-europen-per-nivelin-e-cmimeve-por-jo-te-jeteses","status":"publish","type":"post","link":"https:\/\/www.shqiperia.com\/blog\/absurdi-shqiperia-po-kap-europen-per-nivelin-e-cmimeve-por-jo-te-jeteses\/","title":{"rendered":"Absurdi\/ Shqip\u00ebria po kap Europ\u00ebn p\u00ebr nivelin e \u00e7mimeve, por jo t\u00eb jetes\u00ebs"},"content":{"rendered":"

\"\"<\/p>\n

1 Korrik 2024<\/p>\n

Shqip\u00ebria ka mbetur n\u00eb vendnum\u00ebro p\u00ebr t\u00eb arritur Europ\u00ebn p\u00ebr nivelin e t\u00eb ardhurave, por \u00ebsht\u00eb duke b\u00ebr\u00eb hapa t\u00eb shpejt\u00eb p\u00ebr ta kapur at\u00eb n\u00eb nivelin e \u00e7mimeve. Sipas t\u00eb dh\u00ebnave t\u00eb Eurostat, n\u00eb vitin 2023, \u00e7mimet e ushqimeve n\u00eb Shqip\u00ebri ishin sa 89.8% e mesatares s\u00eb BE-s\u00eb, nga 83.7% q\u00eb ishte ky tregues m\u00eb 2022.<\/p>\n

Nga viti 2014 n\u00eb vitin 2023, niveli i \u00e7mimeve t\u00eb ushqimeve n\u00eb Shqip\u00ebri i \u00ebsht\u00eb afruar mesatares s\u00eb BE me 23 pik\u00eb p\u00ebr qind, pasi n\u00eb vitin 2014 \u00e7mimet e ushqimeve n\u00eb vendin ton\u00eb ishin sa 66.8% e mesatares s\u00eb BE-s\u00eb.<\/p>\n

Nga ana tjet\u00ebr, Prodhimi i Brendsh\u00ebm Bruto p\u00ebr frym\u00eb n\u00eb vendin ton\u00eb ishte n\u00eb vitin 2022 sa 34% e mesatares se BE, duke u p\u00ebrmir\u00ebsuar shum\u00eb pak q\u00eb nga viti 2014, kur PBB p\u00ebr frym\u00eb ishte sa 30% e mesatares s\u00eb BE-s\u00eb.<\/p>\n

Kur vjen puna te niveli i lart\u00eb i \u00e7mimeve t\u00eb ushqimeve, Shqip\u00ebria l\u00eb pas 7 vende europiane, por p\u00ebr t\u00eb ardhurat p\u00ebr frym\u00eb renditemi t\u00eb fundit n\u00eb Europ\u00eb.\u00a0 Vendit ia ka kaluar dhe Bosnj\u00eb-Hercegovina, q\u00eb sipas t\u00eb dh\u00ebnave t\u00eb m\u00ebparshme ishte n\u00eb t\u00eb nj\u00ebjtin nivel me Shqip\u00ebrin\u00eb.<\/p>\n

T\u00eb ardhurat e Bosnj\u00ebs ishin sa 35% e mesatares europiane, t\u00eb Maqedonis\u00eb s\u00eb Veriut sa 42% e BE-s\u00eb. Serbia e kishte k\u00ebt\u00eb tregues 44%, nd\u00ebrsa nivelin m\u00eb t\u00eb lart\u00eb n\u00eb rajon e ka Mali i Zi, me 50%. T\u00eb dh\u00ebnat p\u00ebr Kosov\u00ebn nuk jan\u00eb t\u00eb disponueshme.<\/p>\n

Bosnja kishte \u00e7mimet e ushqimeve sa 83.9% t\u00eb mesatares s\u00eb BE-s\u00eb, Bullgaria i kishte 86.5%, Mali i Zi 85.5%, Polonia 75.8%, Rumania 72.7%, Maqedonia e Veriut 67.9% dhe Turqia 63% e mesatares se BE-s\u00eb.<\/p>\n

N\u00eb grupin e ushqimeve, Shqip\u00ebria ka nivele m\u00eb t\u00eb larta se n\u00eb BE p\u00ebr produktet e bulmetit. Eurostat e renditi Shqip\u00ebrin\u00eb ne vendin e tet\u00eb n\u00eb Europ\u00eb p\u00ebr nivelin e lart\u00eb t\u00eb \u00e7mimeve t\u00eb qum\u00ebshtit dhe n\u00ebnprodukteve t\u00eb tij n\u00eb mesin e 38 vendeve. \u00c7mimet e bulmetit n\u00eb Shqip\u00ebri ishin 20.7% m\u00eb t\u00eb larta se n\u00eb BE me 2023.<\/p>\n

Zgjerimi i kanaleve t\u00eb eksportit, rritja e numrit t\u00eb turist\u00ebve dhe nga ana tjet\u00ebr, kapacitetet e kufizuara p\u00ebr t\u00eb zgjeruar prodhimin, t\u00eb kombinuara me d\u00ebmet q\u00eb po krijojn\u00eb ndryshimet klimatike kan\u00eb krijuar kushtet p\u00ebr normalitet t\u00eb ri t\u00eb \u00e7mimeve n\u00eb produktet bujq\u00ebsore dhe blegtorale.<\/p>\n

Ekspert\u00ebt analizojn\u00eb se rritja e \u00e7mimeve po vjen nga nj\u00eb mori faktor\u00ebsh t\u00eb brendsh\u00ebm dhe t\u00eb jasht\u00ebm, q\u00eb t\u00eb kombinuar s\u00eb bashku po e b\u00ebjn\u00eb k\u00ebt\u00eb dukuri t\u00eb q\u00ebndrueshme dhe t\u00eb pakthyeshme.\/B.Hoxha<\/p>\n

\"\"<\/a><\/figure>\n
\n