![\"\"](\"https:\/\/i0.wp.com\/www.shqiperia.com\/blog\/wp-content\/uploads\/2024\/05\/1716635485_petromarko.jpg?resize=733%2C413&ssl=1\")
<\/p>\n<\/p>\n
25 Maji 20214<\/p>\n
Rr\u00ebfimet e shkrimtarit t\u00eb njohur Petro Marko, ish-luft\u00ebtari i Brigadave Internacionaliste n\u00eb Luft\u00ebn e Spanj\u00ebs dhe i Tiran\u00ebs, tregon prapaskenat e asaj q\u00eb njihet si Lufta Antifashiste Nacional\u00e7lirimtare dhe pse Ko\u00e7i Xoxe urrente Enver Hoxh\u00ebn?! Porosia e Sejfulla Maleshov\u00ebs: \u201cKjo \u00ebsht\u00eb parti terroriste, mos hap goj\u00ebn, se do e p\u00ebsosh\u2026\u201d!<\/p>\n
P\u00ebrse u d\u00ebnua Petro Marko dhe kush ishin ata q\u00eb i\u2019a p\u00ebrgatit\u00ebn arrestimin dhe kush e ndihmoi pas daljes nga burgu, etj. Pjes\u00eb t\u00eb zgjedhura nga libri \u201cIntervist\u00eb me vetveten\u201d, i shkrimtarit t\u00eb njohur shqiptar Petro Marko, i botuar n\u00eb fillim t\u00eb viteve \u201990-t\u00eb pas shembjes s\u00eb regjimit komunist, lib\u00ebr i cili pati nj\u00eb jehon\u00eb t\u00eb madhe n\u00eb shtypin e koh\u00ebs, pasi u botua dhe ribotua disa her\u00eb, duke sh\u00ebnuar nj\u00eb rekord shitjesh.<\/p>\n
M\u00eb von\u00eb mora vesh se m\u00eb 15 maj u b\u00ebn\u00eb arrestime masive. Mua m\u00eb shpun\u00eb te Burgu i Vjet\u00ebr. Aty, n\u00eb biruc\u00ebn e katit t\u00eb posht\u00ebm, gjeta tre veta: Asim Abdurahmanin, q\u00eb e njihja, se ishte dh\u00ebndri i Bedri Pejanit; Gjysh Ded\u00ebn, nj\u00eb shkodran; Asllan Ypin. Sapo m\u00eb pan\u00eb, u habit\u00ebn: \u201cEdhe ti k\u00ebtu!\u201d<\/p>\n
-I kisha th\u00ebn\u00eb gruas sime, t\u00eb vinte tek ti q\u00eb t\u00eb interesoheshe p\u00ebr mua. M\u00eb kan\u00eb d\u00ebnuar me vdekje! Nuk e di pse\u2026?! Un\u00eb Babushin (Bedri Pejanin) nuk mund ta mohoja, se e kam vjeh\u00ebrr\u2026! Pastaj, pse jam p\u00ebrfaq\u00ebsues i Shoq\u00ebris\u00eb Farmaceutike gjermane \u201cBajer\u201d, nuk \u00ebsht\u00eb ndonj\u00eb krim\u2026!<\/p>\n
Ishim kat\u00ebr veta n\u00eb nj\u00eb biruc\u00eb. Cilido tregonte t\u00eb tijat. Aty, d\u00ebgjova Asllan Ypin, t\u00eb na tregonte p\u00ebr jet\u00ebn e tij dhe t\u00eb Enverit n\u00eb Franc\u00eb\u2026!<\/p>\n
Pastaj tregonte edhe p\u00ebr n\u00eb Tiran\u00eb:<\/p>\n
-Nj\u00eb dit\u00eb kalova andej dhe e pash\u00eb q\u00eb pozonte n\u00eb der\u00ebn e dyqanit \u201cFlora\u201d, ku njoha disa komunist\u00eb. I thash\u00eb fr\u00ebngjisht: \u201cPo ti, Enver, \u00e7\u2019k\u00ebrkon k\u00ebtu me t\u00eb kuqt\u00eb?\u201d<\/p>\n
-Dhe ai po fr\u00ebngjisht: \u201cJam k\u00ebtu, me q\u00ebllim q\u00eb t\u2019u\u2026 n\u00ebn\u00ebn gjith\u00eb komunist\u00ebve. Asnj\u00eb nuk do t\u00eb l\u00eb m\u00eb k\u00ebmb\u00eb\u201d.<\/p>\n
Dhe, si\u00e7 do t\u00eb shohim, ai me t\u00eb v\u00ebrtet\u00eb qysh at\u00ebher\u00eb, nisi t\u00eb eliminonte komunist\u00ebt e or\u00ebve t\u00eb para.<\/p>\n
-Po ne q\u00eb nuk jemi komunist\u00eb, – tha Gjysh Deda, – pse na arrestoi e, na d\u00ebnoi me vdekje?Mendoja: \u201cKam qen\u00eb n\u00eb burgje t\u00eb tjera, me shok\u00eb t\u00eb d\u00ebnuar me vdekje dhe gjithnj\u00eb jam kredhur n\u00eb nj\u00eb trishtim shum\u00eb t\u00eb thell\u00eb\u2026! \u00c7\u2019ka b\u00ebr\u00eb njeriu! \u00c7\u2019m\u00ebnyra krimi, mundimi dhe degjenerimi, ka gjetur p\u00ebr t\u00eb d\u00ebnuar veten! M\u00eb kujtohet q\u00eb, thoshin n\u00eb burgun e Barit, se inxhinieri i cili nd\u00ebrtoi burgun, pasi e mbaroi, vrau veten. Burgjet jan\u00eb varri i t\u00eb gjall\u00ebve. Njeriu, n\u00eb disa demokraci, ka gjetur m\u00ebnyr\u00ebn e d\u00ebnimit t\u00eb fajit ose t\u00eb krimit: izolimi n\u00eb vende te larg\u00ebta; kan\u00eb krijuar komunitete fajtor\u00ebsh, q\u00eb punojn\u00eb e jetojn\u00eb t\u00eb izoluar nga bota tjet\u00ebr, por ama jan\u00eb n\u00eb shoq\u00ebri, shohin diellin, pa\u00e7ka se b\u00ebjn\u00eb nj\u00eb jet\u00eb, pa krah\u00eb p\u00ebr t\u00eb fluturuar\u2026\u201d!<\/p>\n
-Ja nj\u00eb sken\u00eb \u00e7njer\u00ebzore: Ishim duke ngr\u00ebn\u00eb buk\u00eb t\u00eb kat\u00ebr bashk\u00eb; kishim shtruar ato q\u00eb na kishin sjell\u00eb familjet tona n\u00eb sefertas\u00eb. Mua m\u00eb sillte ushqim rregullisht p\u00ebrdit\u00eb, gruaja ime, Safoja. At\u00eb e ndihmonte e \u00ebma, Shazija, q\u00eb gatuante shum\u00eb mir\u00eb. I bashkuam gjell\u00ebt dhe q\u00eb t\u00eb kat\u00ebr, k\u00ebmb\u00ebkryq, filluam t\u00eb hanim. Nuk kaluan pak minuta dhe dera k\u00ebrciti e u \u00e7el. U fut\u00ebn dy oficer\u00eb t\u00eb Sigurimit, Haznedari dhe Stavri, t\u00eb zellsh\u00ebm p\u00ebr ofendime dhe tortura nga m\u00eb \u00e7njer\u00ebzoret. Nuk na thane: \u201cJu b\u00ebft\u00eb mir\u00eb dreka,\u201d po:<\/p>\n
-Ti, Asim Abdurahmani, dhe ti Gjysh Deda, ngrihuni!<\/p>\n
-Dale t\u00eb mbarojm\u00eb drek\u00ebn\u2026! Tani sapo u shtruam!<\/p>\n
-Pusho ti, agjent i f\u00eblliqur! Ju ngrihuni, se drek\u00ebn e mbaroni n\u00eb at\u00eb bot\u00eb.<\/p>\n
Shtang\u00ebm. Gjysh Deda, trim, tha:<\/p>\n
-Asim, ngrihu! T\u00eb shp\u00ebtojm\u00eb nga kjo pjell\u00eb e keqe, q\u00eb ka lindur ky vend fatkeq, i pushtuar nga Titoja, q\u00eb ka k\u00ebtu si xhelat Enverin!<\/p>\n
M\u00eb erdhi t\u00eb ul\u00ebrija kur pash\u00eb Stavrin, ta godiste me k\u00ebmb\u00eb n\u00eb kok\u00eb dhe ta shante.<\/p>\n
-Mos u lig\u00ebshto. Mbaju burr\u00eb, se ne b\u00ebjm\u00eb pjes\u00eb te kurbanet, n\u00eb ato mij\u00ebra kurbane, q\u00eb Enver Hoxha i ther p\u00ebr per\u00ebndin\u00eb e tij, Tito.<\/p>\n
P\u00ebrs\u00ebri Stavri e goditi r\u00ebnd\u00eb. E hoqi zvarr\u00eb. Me Asimin u p\u00ebrqafuam me lot n\u00eb sy. D\u00ebgjova:<\/p>\n
-N\u00eb dal\u00e7i gjall\u00eb k\u00ebtej, thoni se vdesim t\u00eb pafajsh\u00ebm!<\/p>\n
Dera u mbyll. Un\u00eb dhe Asllani ndenj\u00ebm n\u00eb k\u00ebmb\u00eb me lot n\u00eb sy, nd\u00ebrsa radioja, shp\u00ebrndante me z\u00eb t\u00eb lart\u00eb me an\u00eb t\u00eb megafonit t\u00eb v\u00ebn\u00eb n\u00eb oborr t\u00eb burgut: \u201cOr\u00ebn gazmore\u201d dhe i b\u00ebnte t\u00eb qeshnin ata q\u00eb e d\u00ebgjonin.<\/p>\n
Ishte edhe kjo nj\u00eb nga ato mij\u00ebra skena makabre, q\u00eb kam par\u00eb gjat\u00eb gjith\u00eb jet\u00ebs.<\/p>\n
Pyetje: – A ndenje shum\u00eb te Burgu i Vjet\u00ebr me Asllan Ypin?<\/p>\n
P\u00ebrgjigje: – Jo. Shpejt na shpun\u00eb n\u00eb Burgun e Ri. N\u00eb nj\u00eb sall\u00eb t\u00eb katit t\u00eb dyt\u00eb, ku kishte m\u00eb shum\u00eb se nj\u00ebzet veta, t\u00eb gjith\u00eb t\u00eb d\u00ebnuar, si: \u201cagjent\u00eb t\u00eb t\u00eb huajve\u201d. Kishte aty, njer\u00ebz t\u00eb karaktereve dhe mo shave t\u00eb ndryshme. Kishte edhe disa rus\u00eb t\u00eb bardh\u00eb, nga ata oficer\u00eb t\u00eb Carit, q\u00eb shp\u00ebtuan nga revolucioni dhe ik\u00ebn. Ishin nga ata rus\u00eb t\u00eb bardh\u00eb, q\u00eb i rekrutoi Ahmet Zogu n\u00eb Jugosllavi dhe bashk\u00eb me bashibozuk\u00eb t\u00eb tjer\u00eb e, bajraktar\u00eb, hyn\u00eb n\u00eb Tiran\u00eb, m\u00eb 24 dhjetor t\u00eb vitit 1924.<\/p>\n
Ata u b\u00ebn\u00eb instruktor\u00eb t\u00eb Ushtris\u00eb dhe Zogu i mbante mir\u00eb. Tregonin nga jeta e tyre n\u00eb Peterburg dhe si k\u00ebrcenin me balerinat m\u00eb t\u00eb bukura. Nj\u00ebri thoshte se kishte k\u00ebrcyer edhe me Carin\u00ebn dhe se ajo e kishte p\u00eblqyer shum\u00eb, prandaj e th\u00ebrriste shpesh n\u00eb mbr\u00ebmje n\u00eb Pallat. Shok\u00ebt e tij, i thoshin Rasputin. T\u00eb gjitha k\u00ebto, ndoshta ishin fantazi.<\/p>\n
M\u00eb n\u00eb fund, m\u00eb ndan\u00eb nga ata dhe m\u00eb fut\u00ebn n\u00eb nj\u00eb biruc\u00eb t\u00eb katit t\u00eb par\u00eb, m\u00eb lidh\u00ebn me duart pas dhe te k\u00ebmb\u00ebt. Vet\u00ebm kur haja buk\u00eb, m\u00eb zgjidhnin duart dhe kur shkoja n\u00eb or\u00ebn e caktuar n\u00eb tualet. Lidhur k\u00ebmb\u00eb e duar nga pas, pa asnj\u00eb shtres\u00eb e mbules\u00eb, m\u00eb b\u00ebnin presion t\u00eb p\u00ebrditsh\u00ebm, t\u00eb tregoja, t\u00eb pohoja ato q\u00eb desh\u00ebn ata. Vinin grupe-grupe. N\u00eb nj\u00eb grup njoha nj\u00eb hetues q\u00eb kishte qen\u00eb n\u00eb kuestur\u00eb, n\u00eb koh\u00ebn e okupacionit fashist dhe thosha me z\u00eb t\u00eb lart\u00eb: \u201cM\u00eb vjen mir\u00eb q\u00eb \u00ebsht\u00eb edhe ai hetues, se m\u00eb duket sikur jam, n\u00eb kuestur\u00ebn fashiste\u201d.<\/p>\n
Hetimet filluan t\u00eb b\u00ebheshin m\u00eb t\u00eb ashpra, m\u00eb brutale. M\u00eb thoshin gj\u00ebra t\u00eb \u00e7uditshme dhe nd\u00ebrronin ton duke shtuar. \u201cFol p\u00ebr t\u00eb mir\u00ebn e Partis\u00eb\u201d! Dhe un\u00eb p\u00ebrgjigjesha: \u201cT\u00eb cil\u00ebs Parti? Un\u00eb kam qen\u00eb an\u00ebtar i partis\u00eb spanjolle, franceze, italiane gjer n\u00eb dit\u00ebt e para t\u00eb \u00e7lirimit. Tani m\u00eb thoni: pranon Partia<\/p>\n
Komuniste Shqiptare, t\u00eb shpif dhe t\u00eb akuzoj njer\u00ebz q\u00eb s\u2019kan\u00eb b\u00ebr\u00eb gj\u00eb dhe q\u00eb nuk i njoh\u201d?! Shpesh, \u00e7ekani rrihte k\u00ebtu: t\u00eb deklaroja se Mehmet Shehu, ka qen\u00eb agjent qysh n\u00eb Spanj\u00eb! Nuk \u00e7uditesha, se shum\u00eb nga ata q\u00eb kishin mbaruar Shkoll\u00ebn Teknike Amerikane, ishin arrestuar, si spiun\u00eb amerikan\u00eb.<\/p>\n
Shum\u00eb nga ata q\u00eb kishin qen\u00eb t\u00eb internuar ose t\u00eb burgosur n\u00eb Itali, ishin arrestuar, si spiun\u00eb. Dhe un\u00eb kujtoja at\u00eb mbledhje q\u00eb b\u00ebm\u00eb n\u00eb ishullin e Ustik\u00ebs me grupet komuniste, me synimin q\u00eb t\u00eb merrnim ishullin, se p\u00ebrball\u00eb nesh, n\u00eb Tunizi, ishte Armata Anglo-amerikane. Dhe kishim nd\u00ebr mend t\u00eb vrisnim rojat, t\u00eb rr\u00ebmbenim nj\u00eb motoskaf e, t\u00eb shkonim n\u00eb Bizert\u00eb, t\u2019u thoshim amerikan\u00ebve, t\u00eb vinin t\u00eb na shp\u00ebtonin. Un\u00eb e pranova k\u00ebt\u00eb plan, por nj\u00eb shok nga Sllovenia, Dushan Kermau-neri, insistoi: jo! Dhe na bindi:<\/p>\n
\u201cJa erdh\u00ebn amerikan\u00ebt e na shp\u00ebtuan, ku do t\u00eb na shpien? N\u00eb nj\u00eb kamp t\u00eb tyre n\u00eb Afrik\u00eb. E, kur t\u00eb kthehemi n\u00eb atdhe, n\u00eb u kthefshim, do t\u00eb na akuzojn\u00eb si; spiun\u00eb t\u00eb anglo-amerikan\u00ebve\u201d! Na bindi, kishte t\u00eb drejt\u00eb dhe ishte shum\u00eb i zgjuar. Jam i mendimit q\u00eb llojet e torturave \u00e7njer\u00ebzore, nuk duhet t\u00eb shkruhen, se mund t\u2019u sh\u00ebrbejn\u00eb diktator\u00ebve, ose xhelat\u00ebve t\u00eb tjer\u00eb. Por do t\u00eb tregoj, p\u00ebr nj\u00eb shaka q\u00eb b\u00ebra n\u00eb at\u00eb sk\u00ebterr\u00eb. N\u00eb der\u00ebn e biruc\u00ebs sime, b\u00ebnte roj\u00eb nj\u00eb nga Myzeqeja, mbiemrin e kishte Prifti.<\/p>\n
Ai e lexonte gazet\u00ebn me z\u00eb, sikur psallte n\u00eb kish\u00eb, k\u00ebshtu q\u00eb un\u00eb, pak a shum\u00eb merrja vesh se \u00e7\u2019b\u00ebhej. Ishte 10 Korriku, festa e Ushtris\u00eb. D\u00ebgjova rojat t\u00eb bisedonin, n\u00eb der\u00ebn e biruc\u00ebs sime: \u201cSi pihet birra, e ngroht\u00eb apo e ftoht\u00eb\u201d? U kishin dh\u00ebn\u00eb nj\u00eb voz\u00eb t\u00eb vog\u00ebl me birr\u00eb p\u00ebr fest\u00eb. Disa thoshin se pihet e ngroht\u00eb, disa thoshin pihet e ftoht\u00eb.<\/p>\n
Ai q\u00eb lexonte gazet\u00ebn sikur psallte dhe q\u00eb m\u00eb rrinte te dera, tha:<\/p>\n
-A e pyesim k\u00ebt\u00eb gazetarin, se ky di shum\u00eb gj\u00ebra\u2026?!<\/p>\n
U hap dera dhe pash\u00eb nja kat\u00ebr roja. M\u00eb foli roja i der\u00ebs sime:<\/p>\n
-Si pihet birra: e ftoht\u00eb apo e ngroht\u00eb?<\/p>\n
-Po si ta ngrohim? Kemi nj\u00eb voz\u00eb t\u00eb vog\u00ebl\u2026!<\/p>\n
-V\u00ebreni n\u00eb mes t\u00eb oborrit gjer n\u00eb drek\u00eb. Dielli i korrikut do ta b\u00ebj\u00eb val\u00eb. Pastaj pijeni\u2026!<\/p>\n
Dhe ashtu b\u00ebn\u00eb. E vun\u00eb voz\u00ebn n\u00eb mes t\u00eb oborrit gjer n\u00eb or\u00ebn 12. Pastaj e shpun\u00eb n\u00eb sall\u00ebn e ngr\u00ebnies. E hap\u00ebn me nj\u00eb hekur dhe ajo shp\u00ebrtheu e sp\u00ebrkati tavanin, mezi e mbajt\u00ebn p\u00ebrgjysm\u00eb. Dhe filluan ta pinin t\u00eb p\u00ebrv\u00ebluar. T\u00eb gjith\u00eb nis\u00ebn t\u00eb villnin\u2026! Kur e mor\u00ebn vesh oficer\u00ebt, erdh\u00ebn tek un\u00eb dhe m\u00eb shqep\u00ebn n\u00eb dru, duke m\u00eb th\u00ebn\u00eb: \u201cSabotator! Na helmove rojat. Agjent\u201d! L\u00ebre mos e nga, \u00e7\u2019avaze m\u00eb dol\u00ebn m\u00eb von\u00eb! Mora vesh se, arriti puna gjer n\u00eb ministri: \u201cAgjenti Petro Marko, desh na helmoi rojat e burgut\u201d!<\/p>\n
Pastaj, pasi mbyll\u00ebn der\u00ebn, duke m\u00eb l\u00ebn\u00eb t\u00eb shtrir\u00eb n\u00eb \u00e7imento, ata k\u00ebndonin k\u00ebng\u00ebt internacionale, q\u00eb u k\u00ebnduan gjat\u00eb Luft\u00ebs, q\u00eb i kisha p\u00ebrshtatur un\u00eb n\u00eb shqip dhe q\u00eb m\u00eb pare, m\u00ebsoheshin n\u00eb burgun e Tiran\u00ebs, pastaj shkonin n\u00eb Pez\u00eb, e pastaj tek t\u00eb gjith\u00eb partizan\u00ebt, si: \u201cPararoja\u201d, \u201cFusha, ju fusha\u201d, \u201cKominterni\u201d, \u201cK\u00ebnga e shoqes\u201d, e shum\u00eb e shum\u00eb t\u00eb tjera, q\u00eb mobilizuan rinin\u00eb n\u00eb luft\u00eb. Ato ishin k\u00ebng\u00ebt e Brigadave Internacionale.<\/p>\n
M\u00eb hoq\u00ebn nga ajo biruc\u00eb dhe m\u00eb \u00e7uan te nj\u00eb tjet\u00ebr.<\/p>\n
Presioni vazhdonte. M\u00eb var\u00ebn te hekurat e dritares dhe m\u00eb vun\u00eb n\u00eb supe, nj\u00eb zinxhir nja pes\u00ebdhjet\u00eb kile, k\u00ebshtu q\u00eb duart e mia, t\u00eb lidhura me zinxhir, mbanin pesh\u00ebn e trupit tim dhe t\u00eb zinxhirit. Nuk durohej dot, kjo lloj torture. M\u00eb k\u00ebputeshin duart, m\u00eb dukej vetja sikur digjesha n\u00eb flak\u00eb. Alu\u00e7inacione fantastike: M\u00eb b\u00ebhej sikur vinte gruaja ime Safo, me nj\u00eb got\u00eb aranxhat\u00eb dhe k\u00ebrkonte t\u00eb ma afronte te buz\u00ebt\u2026! Hapja syt\u00eb: nj\u00eb furtun\u00eb e madhe n\u00eb biruc\u00eb, sikur k\u00ebrkonte t\u00eb shkulte hekurat e dritares. Kjo tortur\u00eb vazhdonte. Vinte hetuesi me nj\u00eb deklarat\u00eb: \u201cN\u00ebnshkruaje, t\u00eb shp\u00ebtosh! Je i ri. Ke nj\u00eb nuse t\u00eb re q\u00eb t\u00eb pr\u00eat te dera\u2026\u201d!<\/p>\n
Un\u00eb nuk para u besoj \u00ebndrrave, por ka raste q\u00eb m\u00eb dalin: kur shikoj n\u00eb \u00ebnd\u00ebrr vez\u00eb, do t\u00eb kem ndonj\u00eb m\u00ebrzi t\u00eb madhe; kur shikoj n\u00eb \u00ebnd\u00ebrr dru, do t\u00eb marr para; kur shikoj n\u00eb \u00ebnd\u00ebrr sikur lahem n\u00eb det, do t\u00eb s\u00ebmurem e t\u00eb tjera. Kur isha i varur dhe m\u00eb dilnin para sysh hije e skelete njer\u00ebzish, pash\u00eb bashk\u00ebfshatarin, tim Petro Kok\u00ebn, sikur m\u2019u afrua dhe n\u00eb dor\u00eb kishte nj\u00eb paket\u00eb me karamele amerikane. Kur hapa syt\u00eb, mendova: m\u00ebrzi t\u00eb madhe do t\u00eb kem. P\u00ebr \u00e7udi, pas pak hyri n\u00eb biruc\u00eb hetuesi im, me nj\u00eb let\u00ebr t\u00eb shkruar n\u00eb dor\u00eb dhe m\u00eb tha: \u201cPo e n\u00ebnshkrove k\u00ebt\u00eb, do t\u00eb t\u2019i heqim zinxhir\u00ebt\u2026\u201d! Dhe e lexoi:<\/p>\n
-I n\u00ebnshkruari Petro Koka, deklaroj se Mehmet Shehu, ka qen\u00eb agjent qysh n\u00eb Spanj\u00eb\u2026!<\/p>\n
E v\u00ebshtrova mir\u00eb dhe i thash\u00eb:<\/p>\n
-Po! K\u00ebt\u00eb deklarat\u00eb e n\u00ebnshkruaj\u2026!<\/p>\n
Hetuesi m\u00eb hoqi hekurat, m\u00eb liroi dor\u00ebn dhe n\u00ebnshkrova: Petro Koka. Ai, sapo e mori, e tundi n\u00eb aj\u00ebr dhe, duke dal\u00eb n\u00eb korridor, th\u00ebrriste: \u201cE mposht\u00ebm dhe revolucionarin e Spanj\u00ebs\u2026\u201d<\/p>\n
Erdh\u00ebn me vrap shum\u00eb hetues dhe t\u00eb g\u00ebzuar m\u00eb thoshin:<\/p>\n
-Pse t\u00eb vuaje?! Ta kishe n\u00ebnshkruar q\u00eb m\u00eb par\u00eb\u2026!<\/p>\n
Mir\u00ebpo, kryehetuesi, e mori n\u00eb dor\u00eb deklarat\u00ebn dhe si i t\u00ebrbuar thirri:<\/p>\n
-\u00c7\u2019ke n\u00ebnshkruar k\u00ebtu, Petro Koka! K\u00eb g\u00ebnjen? Me k\u00eb tallesh? \u2013 dhe m\u00eb zhd\u00ebpi n\u00eb dru. Pasi mblodha veten, hapa goj\u00ebn:<\/p>\n
-U b\u00ebn\u00eb gjasht\u00eb muaj q\u00eb m\u00eb torturoni, dhe ende nuk e dini se cili jam! \u2013 P\u00ebrs\u00ebri filluan me shkelma dhe p\u00ebrs\u00ebri m\u00eb var\u00ebn te dritarja.<\/p>\n
D\u00ebgjoja p\u00ebrball\u00eb meje, nj\u00eb shkodran q\u00eb e torturonin keq, pastaj, kur iknin hetuesit, ai qeshte me t\u00eb madhe dhe thoshte: \u201cPo t\u00eb ven\u00eb k\u00ebta n\u00eb Evrop\u00eb, do t\u00eb b\u00ebhen milioner\u00eb, se un\u00eb, kur erdha k\u00ebtu, isha tullac dhe tani jam me flok\u00eb ka\u00e7urrel\u00eb\u2026! Kushedi sa do t\u00eb paguanin tullac\u00ebt e bot\u00ebs, q\u00eb t\u00eb torturoheshin k\u00ebtu si un\u00eb, e pastaj, t\u2019u mbinte floku n\u00eb kok\u00eb\u201d!<\/p>\n
Nj\u00eb dit\u00eb hetuesit m\u00eb nxor\u00ebn nga biruca dhe m\u00eb \u00e7uan n\u00eb nj\u00eb zyr\u00eb. M\u00eb vun\u00eb p\u00ebrpara nj\u00eb deponim, ose m\u00eb mir\u00eb nj\u00eb akuz\u00eb shum\u00eb t\u00eb r\u00ebnd\u00eb. E lexova dhe me aq fuqi sa m\u00eb kishte mbetur, nga ata muaj torture, qesha. B\u00ebhej fjal\u00eb p\u00ebr nj\u00eb propozim, q\u00eb m\u00eb ishte b\u00ebr\u00eb mua, hapur, me z\u00eb t\u00eb lart\u00eb, n\u00eb mes t\u00eb t\u00eb gjith\u00ebve, n\u00eb nj\u00eb tryez\u00eb, p\u00ebr t\u00eb pranuar q\u00eb t\u00eb b\u00ebhesha agjent i amerikan\u00ebve. Mua m\u2019u kujtua n\u00eb \u00e7ast ky propozim.<\/p>\n
Ma kishte b\u00ebr\u00eb nj\u00eb gazetar amerikan, p\u00ebr t\u2019u b\u00ebr\u00eb agjent shtypi nga Shqip\u00ebria, p\u00ebr gazet\u00ebn ku punonte ai. At\u00ebher\u00eb iu thash\u00eb hetuesve: \u201cSi mund t\u00eb besoni ju nj\u00eb absurditet t\u00eb till\u00eb? Si mund t\u00eb m\u00eb propozohet kaq hapur, me z\u00eb t\u00eb lart\u00eb, n\u00eb prezenc\u00ebn e nj\u00ebzet e ca vetave, q\u00eb t\u00eb b\u00ebhem spiun i nj\u00eb fuqie t\u00eb huaj? Ky \u00ebsht\u00eb kulmi i lig\u00ebsis\u00eb dhe i injoranc\u00ebs\u201d! Kaq thash\u00eb dhe m\u00eb kthyen p\u00ebrs\u00ebri n\u00eb biruc\u00eb. E gjeta menj\u00ebher\u00eb se kush ishte ai q\u00eb e kishte b\u00ebr\u00eb deponimin.<\/p>\n
Pyetje: – Cila ka qen\u00eb skena m\u00eb e r\u00ebnd\u00eb q\u00eb t\u00eb ka tronditur m\u00eb shum\u00eb n\u00eb biruc\u00eb?<\/p>\n
P\u00ebrgjigje: – N\u00eb at\u00eb biruc\u00eb, e treta nga e djathta e katit t\u00eb par\u00eb, isha varur te dritarj a me zinxhirin e r\u00ebnd\u00eb n\u00eb qaf\u00eb, q\u00eb m\u00eb b\u00ebnte si Atlasin, q\u00eb mbante n\u00eb kurriz globin; ve\u00e7se un\u00eb s\u2019mbaja globin e v\u00ebrtet\u00eb tok\u00ebsor, por globin e mundimeve, aq sa m\u00eb dukej vetja, n\u00eb zjarr e furtun\u00eb, sikur vija v\u00ebrdall\u00eb nj\u00eb uj\u00ebvare gjigante flak\u00ebsh. Vet\u00ebm kur k\u00ebrciste dera q\u00eb hapej, hapja dhe un\u00eb syt\u00eb e, p\u00ebrqendrohesha p\u00ebr t\u00eb par\u00eb se cili hetues do t\u00eb hynte, si xhelati me vdekjen n\u00eb dor\u00eb. Nj\u00eb her\u00eb, \u00e7\u2019t\u00eb shikoj? V\u00ebrvit\u00ebn brenda biruc\u00ebs nj\u00eb njeri skelet, si Gandi, t\u00eb zhveshur pothuaj fare, kock\u00eb e l\u00ebkur\u00eb.<\/p>\n
E flak\u00ebn brenda me t\u00eb shara, pastaj e mbyll\u00ebn der\u00ebn. Mblodha t\u00eb gjitha for\u00e7at p\u00ebr t\u00eb par\u00eb m\u00eb mir\u00eb se \u00e7\u2019ishte ajo \u201cleck\u00eb-njeri\u201d; pas pak ai ngriti kok\u00ebn, m\u00eb pa dhe p\u00ebr \u00e7udin\u00eb time foli: \u201cEdhe ju k\u00ebtu, zoti Marko?! Un\u00eb kisha shpres\u00eb se ju do t\u00eb nd\u00ebrhynit p\u00ebr t\u00eb m\u00eb shp\u00ebtuar\u2026\u201d?!<\/p>\n
Dhe u zhvillua ky dialog nd\u00ebrmjet dy kufomave t\u00eb gjalla: nj\u00ebri varur te hekurat, tjetri p\u00ebrdhe si nj\u00eb leck\u00eb e hedhur:<\/p>\n
-Nuk m\u00eb njihni? Jam profesor Zuber\u2026!<\/p>\n
-Zuberi. Ju kujtohet kur vajt\u00ebm n\u00eb Shkod\u00ebr, bashk\u00eb me Nako Spirun, zonj\u00ebn tuaj dhe Andrea Xeg\u00ebn dhe h\u00ebngr\u00ebm nj\u00eb drek\u00eb t\u00eb mir\u00eb n\u00eb ishullin e Bun\u00ebs? Ne shkonim n\u00eb Koplik, p\u00ebr t\u00eb par\u00eb se mos zbulonim burime uji.<\/p>\n
At\u00ebher\u00eb m\u2019u kujtua profesor Zuberi. Andrea Xega, edhe ai gjeolog, dhe Nako Spiru, m\u00eb treguan se cili ishte profesor Zuberi:<\/p>\n
Nj\u00eb nga gjeolog\u00ebt m\u00eb t\u00eb m\u00ebdhenj t\u00eb bot\u00ebs. M\u00eb pare, e mori Lenini p\u00ebr t\u00eb zbuluar puset e Bakus\u00eb \u2013 ku i kishin ngritur dhe nj\u00eb bust \u2013 pastaj, p\u00ebr aft\u00ebsit\u00eb e tij t\u00eb jasht\u00ebzakonshme, e angazhoi Shoq\u00ebria Anglo-persiane, p\u00ebr t\u00eb studiuar pellgun e Lindjes s\u00eb Mesme (Gjirin Persik, Arabin\u00eb Saudite, Irakun, Iranin). Ai punoi shum\u00eb vjet dhe qe i pari q\u00eb b\u00ebri hart\u00ebn gjeologjike t\u00eb asaj zone. Sot, n\u00eb gjith\u00eb bot\u00ebn, gjeolog\u00ebt i kan\u00eb si udh\u00ebrr\u00ebfyese zbulimet dhe traktatet e tij gjeologjike p\u00ebr at\u00eb zon\u00eb, q\u00eb doli m\u00eb e pasura n\u00eb bot\u00eb p\u00ebr naft\u00eb. Punoi shum\u00eb vjet dhe, pasi i kreu t\u00eb gjitha pun\u00ebt, Shoq\u00ebria Anglo-persiane, e d\u00ebrgoi n\u00eb Shqip\u00ebri.<\/p>\n
Ai erdhi k\u00ebtu dhe punoi, b\u00ebri hart\u00ebn e par\u00eb gjeologjike t\u00eb Shqip\u00ebris\u00eb. Shoq\u00ebria n\u00eb fillim nisi punimet n\u00eb Ku\u00e7ov\u00eb, ku doli nafta e par\u00eb, por, pasi ajo naft\u00eb p\u00ebrmbante shum\u00eb squfur, Shoq\u00ebria Anglo-persiane e la dhe ia shiti Italis\u00eb s\u00eb Musolinit, q\u00eb vuante p\u00ebr karburante. Filluan nga puna italian\u00ebt; Zuberi zbuloi dhe Patosin. Italian\u00ebt, kishin shtrir\u00eb nj\u00eb tubacion nga Ku\u00e7ova e, gjer n\u00eb Uj\u00eb t\u00eb Ftoht\u00eb t\u00eb Vlor\u00ebs, ku vinin \u00e7isternat e \u201cAgip\u201d-it, shoq\u00ebri italiane e naft\u00ebs, dhe e shpinin p\u00ebr ta p\u00ebrpunuar n\u00eb Itali. Zuberi, krijoi dhe muzeun gjeologjik n\u00eb Ku\u00e7ov\u00eb.<\/p>\n
Gjat\u00eb Luft\u00ebs, nga bombardimet e aviacionit anglo-amerikan, u godit dhe Ku\u00e7ova dhe u vran\u00eb shum\u00eb njer\u00ebz, midis t\u00eb cil\u00ebve dhe e shoqja e Zuberit.<\/p>\n
Pas \u00c7lirimit, Zuberi u thirr si k\u00ebshilltar i Gjeologjis\u00eb, pran\u00eb K\u00ebshillit t\u00eb Ministrave\u2026! Dhe m\u00eb 1945-\u00ebn, e njoha edhe un\u00eb n\u00eb Shkod\u00ebr. Ai m\u00eb mbante mend, se e dinte q\u00eb isha p\u00ebrgjegj\u00ebs i gazet\u00ebs \u201cBashkimi\u201d, dhe kishte tentuar t\u00eb m\u00eb shkruante q\u00eb ta shp\u00ebtoja e ta liroja, se e akuzonin p\u00ebr nj\u00eb sabotim n\u00eb Ku\u00e7ov\u00eb.<\/p>\n
Dhe tani ja ku ishim t\u00eb dy: ai i katandisur nj\u00eb grusht njeri, un\u00eb nj\u00eb skelet i gjall\u00eb, i ngarkuar me hekura.<\/p>\n
Pyetje: – Tani q\u00eb e kishe dhe nj\u00eb shok n\u00eb biruc\u00eb, a t\u00eb leht\u00ebsoheshin vuajtjet?<\/p>\n
P\u00ebrgjigje: – I vetmuar, lodhesh s\u00eb fluturuari n\u00eb hap\u00ebsir\u00ebn e kujtimeve dhe t\u00eb shpresave, kurse me nj\u00eb shok, jeton dhe leht\u00ebson barr\u00ebn e mundimeve shpirt\u00ebrore. Kur jeton i r\u00ebnduar nga hekurat, b\u00ebhen m\u00eb t\u00eb r\u00ebnda mendimet dhe pesha e globit, q\u00eb ke mbi kok\u00eb.<\/p>\n
Me Zuberin, shk\u00ebmbenim ndonj\u00eb fjal\u00eb: ai, i shtrir\u00eb p\u00ebrdhe; un\u00eb, i varur. Ai murmuriste gjith\u00eb dit\u00ebn dhe, pasi e pyesja se \u00e7\u2019murmuriste, thoshte:<\/p>\n
-Tani jam duke b\u00ebr\u00eb nj\u00eb leksion, p\u00ebr shkaqet pse disa zona jan\u00eb t\u00eb pasura me naft\u00eb, si ato t\u00eb Lindjes s\u00eb Mesme\u2026! Tani jam duke u lutur, \u2013 ai ishte katolik dhe lutej.<\/p>\n
-Si ka mund\u00ebsi, q\u00eb nj\u00eb intelektual si ju, t\u00eb besoj\u00eb?<\/p>\n
-Un\u00eb u besoj ideve q\u00eb jetojn\u00eb dhe do t\u00eb jetojn\u00eb p\u00ebr mij\u00ebra vjet. Ti i beson marksiz\u00ebm-leninizmit\u2026!? Por, a do t\u00eb jetoj\u00eb qindra ose mij\u00ebra vjet, kjo ideologji? Feja, ka nj\u00eb funksion shum\u00eb human dhe universal, ajo ka shum\u00eb vler\u00eb p\u00ebr njeriun, se e b\u00ebn m\u00eb njer\u00ebzor, e b\u00ebn m\u00eb guximtar ndaj s\u00eb lig\u00ebs dhe i zbut plag\u00ebt e shpirtit. Ja tani, kur un\u00eb i falem Krishtit, i them: edhe un\u00eb do t\u00eb duroj dhe do t\u00eb q\u00ebndroj si ti. Se ti na dhe shembullin p\u00ebr t\u00eb buz\u00ebqeshur edhe para vdekjes. Pse njer\u00ebzimi beson? Se ka nevoj\u00eb p\u00ebr burim shprese, p\u00ebr k\u00ebt\u00eb burim humanizmi, p\u00ebr k\u00ebt\u00eb ila\u00e7 qet\u00ebsues, sidomos n\u00eb rastet si ky yni, n\u00eb t\u00eb cilin ndodhemi tani.<\/p>\n
Hyn\u00eb n\u00eb biruc\u00eb dy hetues: nj\u00ebri e ngriti Zuberin dhe e nxori jasht\u00eb biruc\u00ebs, tjetri ndenji me mua dhe m\u00eb tha:<\/p>\n
-Pa pyete k\u00ebt\u00eb armik, a ka fiori toka shqiptare. Ai ka b\u00ebr\u00eb hart\u00ebn gjeologjike, por nuk ka sh\u00ebnuar gj\u00ebkundi, se ku ka flori\u2026!<\/p>\n
Un\u00eb qesha me vete dhe i thash\u00eb hetuesit kallp: \u2013 Po t\u00eb kishte flori, p\u00ebr k\u00eb e ka fshehur? Po t\u00eb ishte p\u00ebr italian\u00ebt, do ta kishte sh\u00ebnuar!<\/p>\n
Po t\u00eb ishte p\u00ebr gjerman\u00ebt, do ta kishte sh\u00ebnuar. P\u00ebr k\u00eb e ka fshehur?!<\/p>\n
-K\u00ebta agjent\u00eb\u2026 jan\u00eb djall\u00ebzor\u00eb\u2026 Po ti pyete, se nuk ka mund\u00ebsi q\u00eb t\u00eb mos ket\u00eb flori gjith\u00eb kjo tok\u00eb!<\/p>\n
P\u00ebrs\u00ebri un\u00eb qesha hidhur me vete dhe i premtova se do ta kryeja k\u00ebt\u00eb \u201cdetyr\u00eb patriotike\u201d, se k\u00ebshtu m\u00eb tha ai: \u201c\u00ebsht\u00eb detyr\u00eb patriotike, kjo q\u00eb po t\u00eb ngarkojm\u00eb\u201d!<\/p>\n
Kur u kthye p\u00ebrs\u00ebri n\u00eb biruc\u00eb, Zuberi u shtri dhe qeshte.<\/p>\n
-M\u00eb shtr\u00ebngojn\u00eb t\u00eb them pse nuk kam sh\u00ebnuar zonat ku ka flori toka shqiptare! Dhe un\u00eb u thash\u00eb se nuk ka. Ata m\u00eb shkelmuan dhe m\u00eb shan\u00eb \u201cagjent i shitur\u201d.<\/p>\n
-Me t\u00eb v\u00ebrtet\u00eb, a ka flori Shqip\u00ebria?<\/p>\n
-Po t\u00eb kishte, un\u00eb patjet\u00ebr q\u00eb do ta kisha sh\u00ebnuar, si t\u00eb gjitha mineralet e rralla. N\u00eb t\u00eb v\u00ebrtet\u00eb, ka n\u00eb disa zona, por duhet nj\u00ebzet her\u00eb m\u00eb shum\u00eb fiori, p\u00ebr ta nxjerr\u00eb at\u00eb sasi. K\u00ebta jan\u00eb injorant\u00eb. Un\u00eb, kur kam b\u00ebr\u00eb hart\u00ebn gjeologjike, e kam b\u00ebr\u00eb si gjeolog dhe jo si agjent, ose spiun. \u00c7\u2019jan\u00eb k\u00ebto q\u00eb po d\u00ebgjojm\u00eb?!<\/p>\n