{"id":77125,"date":"2024-01-10T16:50:34","date_gmt":"2024-01-10T16:50:34","guid":{"rendered":"https:\/\/www.shqiperia.com\/blog\/?p=77125"},"modified":"2024-01-10T16:50:34","modified_gmt":"2024-01-10T16:50:34","slug":"takim-sekret-dhe-plan-debimi-per-miliona-vete-nga-gjermania-cfare-u-diskutua-mes-politikaneve-te-afd-se-dhe-ekstremistit-te-djathte","status":"publish","type":"post","link":"https:\/\/www.shqiperia.com\/blog\/takim-sekret-dhe-plan-debimi-per-miliona-vete-nga-gjermania-cfare-u-diskutua-mes-politikaneve-te-afd-se-dhe-ekstremistit-te-djathte\/","title":{"rendered":"Takim sekret dhe plan d\u00ebbimi p\u00ebr miliona vet\u00eb nga Gjermania! – \u00c7far\u00eb u diskutua mes politikan\u00ebve t\u00eb AfD-s\u00eb dhe ekstremistit t\u00eb djatht\u00eb"},"content":{"rendered":"
\n
\"\"<\/p>\n

10 Janar 2024<\/strong><\/p>\n

Politikan\u00eb t\u00eb AfD-s\u00eb dhe nj\u00eb ekstremist i njohur i djatht\u00eb sipas medias \u201cCorrectiv\u201d jan\u00eb takuar n\u00eb m\u00ebnyr\u00eb sekrete p\u00ebr t\u00eb diskutuar d\u00ebbimin e miliona vet\u00ebve nga Gjermania. Mes tyre edhe ata me pasaporta gjermane.<\/strong><\/p>\n

N\u00eb nj\u00eb takim, deri tani t\u00eb panjohur publikisht, politikan\u00eb t\u00eb partis\u00eb populiste t\u00eb djatht\u00eb n\u00eb Gjermani, AfD jan\u00eb takuar me ekstremistin e djatht\u00eb austriak, q\u00eb njihet si neonazist, Martin Sellner dhe mb\u00ebshtet\u00ebs privat\u00eb t\u00eb tij p\u00ebr t\u00eb diskutuar nj\u00eb masterplan q\u00eb parashikon d\u00ebbimin e miliona vet\u00ebve nga Gjermania. Ky njoftim vjen nga media e pavarur \u201cCorrectiv\u201d.<\/p>\n

K\u00ebt\u00eb takim e kishte thirrur, nd\u00ebr t\u00eb tjera, edhe ish-bashk\u00ebpronari i rrjetit t\u00eb dyqaneve t\u00eb vet\u00ebsh\u00ebrbimit t\u00eb buk\u00ebs, \u201cBackwerk\u201d, Hans Christian Limmer, sot nj\u00eb nga pronar\u00ebt e nj\u00eb rrjeti restorantesh p\u00ebr hamburger, \u201cHans im Gl\u00fcck\u201d. Ekipi i gazetar\u00ebve investigativ\u00eb ka dokumentuar takimin, q\u00eb ka qen\u00eb mbajtur n\u00eb nj\u00eb hotel n\u00eb Potsdam. Disa dokumente i jan\u00eb v\u00ebn\u00eb n\u00eb dispozicion \u201cCorrectiv\u201d edhe nga organizata \u201cGreen Peace\u201d.<\/p>\n

5.000 euro pjes\u00ebmarrje p\u00ebr nj\u00eb masterplan<\/strong><\/p>\n

N\u00eb nj\u00eb ftes\u00eb t\u00eb takimit q\u00eb e ka n\u00eb dor\u00eb tek \u201cCorrectiv\u201d thuhet, se tek ky takim do t\u00eb paraqitet nj\u00eb \u201ckoncept strategjik n\u00eb form\u00ebn e nj\u00eb masterplani. \u201cShanset q\u00eb vendi yn\u00eb t\u00eb kthehet n\u00eb nj\u00eb kurs t\u00eb sh\u00ebndetsh\u00ebm dhe normal\u201d jan\u00eb \u201ct\u00eb m\u00ebdha si kurr\u00eb m\u00eb par\u00eb\u201d. P\u00ebr pjes\u00ebmarrje \u00ebsht\u00eb ngritur nj\u00eb \u201cdonacion t\u00eb pakt\u00ebn prej 5.000 eurosh\u201d.<\/p>\n

Ky donacion do duhej t\u00eb b\u00ebj\u00eb t\u00eb qart\u00eb, se \u201cgrumbullimi i mjeteve mb\u00ebshtet\u00ebse \u00ebsht\u00eb detyra baz\u00eb e nj\u00eb raundi t\u00eb till\u00eb\u201d, thuhet n\u00eb letr\u00ebn e n\u00ebnshkruar nga sip\u00ebrmarr\u00ebsi Limmer dhe ekstremisti i njohur i djatht\u00eb, Gernot M\u00f6rig. N\u00eb nj\u00eb ftes\u00eb tjet\u00ebr t\u00eb M\u00f6rig thuhet, se konceptin e p\u00ebrgjithsh\u00ebm n\u00eb kuptimin e nj\u00eb masterplani do ta prezantoj\u00eb n\u00eb hyrje i njohuri Martin Sellner.<\/p>\n

D\u00ebbim i gjerman\u00ebve?<\/strong><\/p>\n

Disa burime i konfirmuan deklaratat e nj\u00ebjta p\u00ebr reporter\u00ebt e \u201cCorrectiv\u201d. N\u00eb qend\u00ebr t\u00eb k\u00ebtij takimi ishte nj\u00eb koncept ekstremist i djatht\u00eb i frym\u00ebzuesit t\u00eb \u201cL\u00ebvizjes identitare\u201d, Sellner, q\u00eb vet\u00eb AfD, zyrtarisht nuk e pranon: \u201crimigracionin\u201d edhe t\u00eb qytetar\u00ebve gjerman\u00eb me sfond migrimi. Kjo do t\u00eb thoshte d\u00ebbimin e miliona vet\u00ebve nga Gjermania.<\/p>\n

Miratime nga politikan\u00ebt e AfD-s\u00eb<\/strong><\/p>\n

Gjat\u00eb takimit politikane e politikan\u00eb t\u00eb AfD-s\u00eb, sipas \u201cCorrectiv\u201d e kan\u00eb mriatur konceptin e prezantuar. K\u00ebshtu p\u00ebr shembull, kreu i grupit t\u00eb AfD-s\u00eb n\u00eb Saksoni-Anhalt, Ulrich Siegmund ka shtuar, se n\u00eb landin e tij duhen marr\u00eb masa q\u00eb t\u00eb b\u00ebhet \u201cjo atraktive p\u00ebr k\u00ebt\u00eb klientel p\u00ebr t\u00eb jetuar\u201d n\u00eb Gjermani. Deputetja e Bundestagut e AfD-s\u00eb. Gerrit Huy tha, se ajo e ndjek me koh\u00eb objektivin e skicuar dhe q\u00eb me hyrjen n\u00eb k\u00ebt\u00eb parti \u201cka paraqitur nj\u00eb koncept rimigracioni\u201d.<\/p>\n

Nj\u00eb nga personat q\u00eb ka marr\u00eb pjes\u00eb n\u00eb takim ka qen\u00eb edhe Roland Hartwig, referenti personal i kryetares s\u00eb partis\u00eb, AfD, Alice Weidel. Pjes\u00ebmarrja e tij tregon, se bot\u00ebkuptimet ekstremiste t\u00eb djathta kan\u00eb z\u00ebn\u00eb vend deri n\u00eb kupol\u00ebn e partis\u00eb AfD. \u201cCorrectiv\u201d i konfrontoi disa nga pjes\u00ebmarr\u00ebsit me deklaratat e tyre. Gernot M\u00f6rig \u00ebsht\u00eb shprehur, se nuk ka pasur kushte pjes\u00ebmarrjeje, aspak n\u00eb nj\u00eb form\u00eb donacioni, megjith\u00ebse n\u00eb ftes\u00eb ishte shkruar ndryshe. N\u00eb lidhje me deklaratat e \u201ckonceptit t\u00eb rimigrimit\u201d, M\u00f6rig \u00ebsht\u00eb shprehur, se i kujton ndryshe deklaratat e neonazistit, Sellner, sepse n\u00ebse do t\u2019i kishte \u201cperceptuar me vet\u00ebdije\u201d do t\u00eb kishte kund\u00ebrshtuar me siguri. Kurse kreu i grupit t\u00eb AfD p\u00ebr Saksoni Anhalt, Siegmund \u00ebsht\u00eb shprehur, se ai ka qen\u00eb si \u201cperson privat\u201d dhe jo si deputet i AfD n\u00eb takim. T\u00eb tjer\u00eb nuk i kthyen p\u00ebrgjigje \u201cCorrectiv\u201d deri n\u00eb p\u00ebrgatijen p\u00ebrfundimtare p\u00ebr botim t\u00eb artikullit.<\/p>\n<\/header>\n

\n
Gazeta Panorama<\/div>\n<\/section>\n
<\/div>\n<\/div>\n