{"id":67666,"date":"2023-02-09T15:44:59","date_gmt":"2023-02-09T15:44:59","guid":{"rendered":"https:\/\/www.shqiperia.com\/blog\/?p=67666"},"modified":"2023-02-09T15:48:17","modified_gmt":"2023-02-09T15:48:17","slug":"nje-leter-e-panjohur-e-mesuesit-ptriot-tahir-hoxha-per-aktivitetin-antikombetar-grek-ne-himare","status":"publish","type":"post","link":"https:\/\/www.shqiperia.com\/blog\/nje-leter-e-panjohur-e-mesuesit-ptriot-tahir-hoxha-per-aktivitetin-antikombetar-grek-ne-himare\/","title":{"rendered":"Nje leter e panjohur e mesuesit ptriot TAHIR HOXHA per aktivitetin antikombetar grek ne Himare"},"content":{"rendered":"
<\/div>\n
\n
\"\"

Enver Memishaj<\/p><\/div>\n<\/div>\n

<\/div>\n
9 Shkurt 2023<\/div>\n

Nga Enver MEMISHAJ<\/strong><\/span><\/span><\/p>\n

Propaganda greke n\u00eb Himar\u00eb.<\/strong><\/span><\/span><\/p>\n

Kur u shpall Pavar\u00ebsia Komb\u00ebtare m\u00eb 28 n\u00ebntor 1912, krahina e Himar\u00ebs, p\u00ebr arsye t\u00eb njohura historike nuk iu bashkua administrat\u00ebs s\u00eb qeveris\u00eb s\u00eb Ismail Qemalit. Himara mbeti n\u00ebn ndikimin e qeveris\u00eb greke dhe vetqeverisej sipas venomeve t\u00eb koh\u00ebs s\u00eb Turqis\u00eb. <\/span><\/span><\/p>\n

M\u00eb 25 gusht 1916, italian\u00ebt, pasi kishin pushtuar Vlor\u00ebn dhe Lugin\u00ebn e Shushic\u00ebs, kaluan malin e Kallaratit dhe vendos\u00ebn ushtar\u00ebt e tyre n\u00eb limanin e Porto Palermos t\u00eb Himar\u00ebs, duke i dh\u00ebn\u00eb fund influenc\u00ebs greke atje. <\/span><\/span><\/p>\n

Edhe pas p\u00ebrfundimit t\u00eb Luft\u00ebs s\u00eb Vlor\u00ebs, 5 qershor 3 shtator 1920, Himara mbeti p\u00ebrs\u00ebri jasht\u00eb administrimit t\u00eb qeveris\u00eb s\u00eb Sulejman Delvin\u00ebs. K\u00ebshtu para qeverive shqiptare dhe dhe patriot\u00ebve vlonjat\u00eb kund\u00ebrshtimi i infulenc\u00ebs greke n\u00eb Himar\u00eb dhe bashkimi dhe administrimi i k\u00ebsaj krahine mbetej detyr\u00eb propritare.<\/span><\/span><\/p>\n

K\u00ebt\u00eb barr\u00eb t\u00eb r\u00ebnd\u00eb dhe t\u00eb sh\u00ebnjt\u00eb e mori p\u00ebrsip\u00ebr major Ahmet Lepenica. K\u00ebshtu ai po nisej drejt nj\u00eb sh\u00ebrbimi t\u00eb shquar ndaj vendit t\u00eb tij, me nj\u00eb plan t\u00eb studiuar m\u00eb s\u00eb miri. Ishte hera e par\u00eb n\u00eb historin\u00eb e lavdishme t\u00eb k\u00ebsaj krahine shqiptare, q\u00eb nj\u00eb fuqi e shtetit shqiptar nisej drejt Himar\u00ebs, p\u00ebr ta b\u00ebr\u00eb Himar\u00ebn edhe ligj\u00ebrisht edhe bot\u00ebrisht pjes\u00eb t\u00eb pandashme t\u00eb tok\u00ebs s\u00eb shtetit shqiptar. Ky aksion duhet q\u00eb t\u00eb kishte vet\u00ebm nj\u00eb p\u00ebrfundim: suksesin, ndryshe mund t\u00eb lind\u00ebnin probleme p\u00ebr qeverin\u00eb.<\/span><\/span><\/p>\n

M\u00eb 1 qershor 1921 kapiten Azis \u00c7ami kaloi Qaf\u00ebn e Llogoras\u00eb dhe nuk e ndali marshimin, n\u00eb komand\u00eb t\u00eb 100 xhandar\u00ebve, hyri n\u00eb Palas\u00eb, ku u prit me g\u00ebzim, grat\u00eb dol\u00ebn dhe tok\u00ebn duart me ushtar\u00ebt. N\u00eb mbasdite arriti n\u00eb Dh\u00ebrmi, ku u prit me t\u00eb nj\u00ebjtin entuziaz\u00ebm, dhe atje e kaluan at\u00eb nat\u00eb. T\u00eb nes\u00ebrmen m\u00eb dat\u00ebn 2 qershor 1921, hyri n\u00eb Vuno, ku u prit me dashuri v\u00ebllaz\u00ebrore, <\/span><\/span><\/p>\n

\u201cKjo vep\u00ebr madh\u00ebshtore i detyrohet Aziz \u00c7amit dhe n\u00ebntogerit Kol\u00eb Zadrim\u00ebs, t\u00eb cil\u00ebt jan\u00eb oficer\u00eb q\u00eb nderojn\u00eb emrin shqiptar, dhe meritojn\u00eb \u00e7do lavdi e krenari\u201d, shkruan Sali Hallkakondi. <\/span><\/span><\/p>\n

P\u00ebr arsye strategjike ushtarake, Komandanti i P\u00ebrgjithsh\u00ebm i Operacionit major Ahmet Lepenica, kishte marr\u00eb udh\u00ebn m\u00eb t\u00eb v\u00ebshtir\u00eb dhe me luan\u00ebt e tij t\u00eb Lab\u00ebris\u00eb , kapiten Osman Tetova, toger Dhimit\u00ebr Bala nga Vunoi, n\/toger Anest Qesari nga Qeparoi, toger Rrapo \u00c7elo nga Sevasteri, duke marshuar nga ana lindore e Himar\u00ebs, kishte mb\u00ebrritur n\u00eb Pilur.<\/span><\/span><\/p>\n

K\u00ebto masa ushtarake dhe strategjike ishin t\u00eb domosdoshme, sepse n\u00eb \u00e7do moment mund t\u00eb godiste djall\u00ebzia dhe pabesia greke, si dhe njer\u00ebzit q\u00eb kishin shitur shpirtin e tyre tek grek\u00ebt. Kjo vendosje b\u00ebhej me q\u00ebllim se i pari do t\u00eb hynte n\u00eb territorin e Himar\u00ebs nga Qafa e Llogoras\u00eb, Aziz<\/span><\/span><\/p>\n

\u00c7ami, n\u00eb se do t\u00eb sulmohej forca e tij, at\u00ebher\u00eb Ahmet Lepenica do t\u00eb zbriste me vrull nga mali i Pilurit dhe do ta godiste armikun pas krah\u00ebve.<\/span><\/span><\/p>\n

M\u00eb dat\u00ebn 7 qershor 1921, p\u00ebr her\u00eb t\u00eb par\u00eb n\u00eb historin\u00eb e krahin\u00ebs s\u00eb Himar\u00ebs, Himara u vizitua nga qeveritar\u00ebt e par\u00eb t\u00eb shtetit shqiptar: ministri Spiro Koleka, prefekti Qazim Koculi, inspektori i doganave Rasim Hoxha, kapiten Aqif P\u00ebrmeti etj. Sipas urdh\u00ebrit t\u00eb Komandantit t\u00eb P\u00ebrgjithsh\u00ebm major Ahmet Lepenic\u00ebs, gjindarm\u00ebria dhe vullnetar\u00ebt dual\u00ebn n\u00eb parad\u00eb dhe i prit\u00ebn p\u00ebrfaq\u00ebsuesit e qeveris\u00eb me nderimet q\u00eb meritonin. Nuk mund t\u00eb rrinte njeri pa derdhur lot\u00eb g\u00ebzimi, kur shikonte k\u00ebt\u00eb shfaqje t\u00eb bukur t\u00eb shtetit t\u00eb tyre shqiptar! <\/span><\/span><\/p>\n

Por n\u00eb Himar\u00eb vazhduan t\u00eb luhen drama t\u00eb medha. Shovinist\u00ebt grek\u00eb e kan\u00eb synuar pambarimisht, madje e kane deklaruar Himaren \u201ckrahine autonome\u201d, minoritet, kan\u00eb b\u00ebr\u00eb masakra etj. <\/span><\/span><\/p>\n

Vazhdimisht q\u00eb nga 2 qershori i vitit 1921, disa himariot q\u00eb kishin shitur shpirtin tek Greqia kan\u00eb sjell\u00eb vazhdimisht v\u00ebshtir\u00ebsi dhe pengesa t\u00eb shumta p\u00ebrpara autoriteve shqiptare. Kan\u00eb propoganduar p\u00ebr krahin\u00eb autonome, p\u00ebr trajtimin e tyre si minoritet, p\u00ebr qeverisje me venomet e koh\u00ebs s\u00eb Turqis\u00eb dhe kryesisht q\u00eb n\u00eb krahin\u00eb t\u00eb ket\u00eb vet\u00ebm shkolla greke dhe m\u00ebsues nga Greqia!<\/span><\/span><\/p>\n

Po ndalemi vet\u00ebm tek vitit 1923. Z\u00ebv\u00ebnd\u00ebs prefekti Faik Bregu m\u00eb 31 gusht 1923 i shkruan Komisariatit t\u00eb Policis\u00eb s\u00eb Vlor\u00ebs: \u201cN\u00eb qarkun e Himar\u00ebs me shtytjen e an\u00ebtarve t\u00eb propagand\u00ebs greke asht shfaq\u00eb d\u00ebshira p\u00ebr emrimin e mesuesve t\u00eb gjuh\u00ebs greqisht\u2026 Andaj lutemi t\u2019i shkruhet n\u00ebnkomisarit t\u00eb atjesh\u00ebm rezervisht \u2026, t\u2019ju paraqiti nj\u00eb raport mbi situat\u00ebn e v\u00ebrtet\u00eb t\u00eb qarkut t\u00eb Himar\u00ebs e sidomos p\u00ebr shtyt\u00ebsit e faktor\u00ebt e rrjedhimeve t\u00eb fundit\u2026\u201d<\/span><\/span><\/p>\n

Dhe pas k\u00ebsaj k\u00ebrkese n\u00ebnkomisari i Himar\u00ebs B. Kruja m\u00eb 25 shtator i shkruan Komisariatit t\u00eb Policis\u00eb s\u00eb Vlor\u00ebs: \u201cN\u00eb qarkun e Himar\u00ebs \u00e7iltazi asht \u00e7faqun propaganda greke nga ana e Spiro Milos (Himariot) q\u00eb ndodhet n\u00eb Greqi si n\u00ebpun\u00ebs i atij shteti, e propaganda e t\u00eb cilit asht e p\u00ebrhapun n\u00eb shtat\u00eb katundet e Hinr\u00ebs me nd\u00ebrmjet\u00ebsin\u00eb e 5 \u2013 6 personave si par\u00ebsi q\u00eb gjenden banues n\u00eb k\u00ebt\u00eb qend\u00ebr: \u00ebsht\u00eb i v\u00eblli i Spiros, Jan Milua, Thanas Bollano, Mi\u00e7o Kara, Andrea Ilia, av. Petro Ki\u00e7o dhe nj\u00eb prift i quajtun Papa Spiro t\u00eb cil\u00ebt jo vet\u00ebm n\u00eb k\u00ebt\u00eb qend\u00ebr por edhe n\u00eb gjasht\u00eb katundet e Himr\u00ebs njihen si kryetar\u00eb\u2026 M\u00eb 10 t\u00eb k\u00ebtij muaji katundi Qeparo ka dh\u00ebn\u00eb nj\u00eb lutje mbi emrimin e nj\u00eb m\u00ebsuesi p\u00ebr gjuh\u00ebn greqisht\u2026, edhe katundi Dh\u00ebrmi ka dh\u00ebn\u00eb nj\u00eb lutje p\u00ebr emrimin e nj\u00eb m\u00ebsuesi greqishtje\u2026, shkolla e Himar\u00ebs akoma nuk \u00ebsht\u00eb hapur \u2026, nga mos vajtja e nx\u00ebn\u00ebsve n\u00eb shkoll\u00eb. Sidomos mjeku i qeveris\u00eb z. Stefan nga Himara ka dh\u00ebn\u00eb nj\u00eb raprt q\u00eb ka s\u00ebmndje fruthi n\u00eb \u00e7ilimij dhe shkollat jan\u00eb mbyll\u00eb e n\u00eb fakt vet\u00ebm nj\u00eb djal\u00eb pati fruth t\u00eb leht\u00eb, k\u00ebshtu p\u00ebrpiqen t\u00eb plot\u00ebsojn\u00eb d\u00ebshirat e tyre p\u00ebr m\u00ebsues grek\u00eb\u2026\u201d M\u00eb tutje n\u00ebnkomisari policis\u00eb jep vler\u00ebsim\u00eb p\u00ebr n\u00ebpun\u00ebsit e Himar\u00ebs. Kjo situat\u00eb ka qen\u00eb para dhe pas vitit 1923. <\/span><\/span><\/p>\n

Situata ka shqet\u00ebsuat edhe m\u00ebsuesin patriot Tahir Hoxha i emruar si m\u00ebsues n\u00eb Himar\u00eb.<\/span><\/span><\/p>\n

Cili ishte Tahir Hoxha?<\/strong><\/span><\/span><\/span><\/span><\/p>\n

<\/div>\n
\n
\n
\n
\"\"<\/div>\n
<\/div>\n<\/div>\n<\/div>\n<\/div>\n

Pas d\u00ebnimit Tahir Hoxh\u00ebn e shpun\u00eb n\u00eb burgun e Burrelit. Atje i mor\u00ebn shenjat e gishtrinj\u00ebve dhe e urdh\u00ebruan t\u00eb shkruante 4 \u2013 5 rreshta p\u00ebr t\u00eb njohur kaligrafin\u00eb e tij. Tahir Hoxha pa iu dridhur dora shkruan: \u201cVuaj dhe vajtoj tragjedin\u00eb e trishtueshme t\u00eb jet\u00ebs, n\u00eb k\u00ebt\u00eb burg t\u00eb err\u00ebt, ku nuk shof t\u00eb m\u00eb p\u00ebrsh\u00ebndes\u00eb e t\u00eb m\u00eb ngush\u00eblloj\u00eb njeri, ve\u00e7se gjendjes q\u00eb \u00ebsht\u00eb n\u00eb t\u00eb nj\u00ebjtat kondita e q\u00eb s\u2019kan\u00eb as g\u00ebzim dhe as liri.(Arkivi M.P.B. Dosja 2454)<\/span><\/span><\/p>\n

Tahir Hoxha kishte lindur n\u00eb vitin 1900, n\u00eb Tragjas t\u00eb Vlor\u00ebs. Kreu arsimin n\u00eb San-Demitro Korona, Itali, me rezultate t\u00eb shk\u00eblqyera, dhe punoi si m\u00ebsues n\u00eb disa fshtra t\u00eb Vlor\u00ebs.<\/span><\/span><\/p>\n

N\u00eb vitin 1942, la detyr\u00ebn si drejtor shkolle n\u00eb Tragjas, dhe iu p\u00ebrkushtua luft\u00ebs p\u00ebr liri. U zgjodh n\u00eb Komitetin Qarkor t\u00eb Ballit Komb\u00ebtar, detyr\u00eb q\u00eb e mbajti deri n\u00eb dhjetor 1944, kur u arrestua nga komunist\u00ebt. <\/span><\/span><\/p>\n

Ndryshe nga ai, tre djemt\u00eb e tij Lufteri, Kujtimi, Abazi, si edhe nipi Niko Hoxha, ishin kund\u00ebrshtar\u00eb t\u00eb vendosur t\u00eb babait t\u00eb tyre dhe nuk u pajtuan me t\u00eb gjat\u00eb gjith\u00eb jet\u00ebs. Ata u u b\u00ebn\u00eb komunist t\u00eb vendosur, dhe kryen studimet e larta jasht\u00eb shtetit, nd\u00ebrsa babi tyre dergjej n\u00eb burgun e Burrelit.<\/span><\/span><\/p>\n

M\u00eb 12 dhjetor t\u00eb vitit 1944,shok\u00ebt e djemve t\u00eb tij, e mor\u00ebn zvarr\u00eb nga shtrati dhe i vun\u00eb prangat. E nxorr\u00ebn para nj\u00eb gjyqi qesharak dhe e d\u00ebnuan me 30 vjet burg. Arriti t\u00eb dal\u00eb i gjall\u00eb nga Burreli, m\u00eb 12 maj t\u00eb vitit 1962, pas afro 18 vjet vuajtje. <\/span><\/span><\/p>\n

Gjat\u00eb vuajtjes s\u00eb d\u00ebnimit bijt\u00eb komunist e mohuan, e harruan dhe nuk i shpun\u00eb n\u00eb burg as nj\u00eb cingar duhan, sjellje \u00e7njerzore, karakteristike e komunist\u00ebve.<\/span><\/span><\/p>\n

Pavar\u00ebsisht nga k\u00ebto privacione Tahir Hoxha kurr\u00eb nuk e zbehu personalitetin e tij si njeri, si patriot e m\u00ebsues. N\u00eb jet\u00ebn e tij, n\u00eb burg, dhe jasht\u00eb tij, mbeti shembulli i m\u00ebsuesit patriot, fisnik i v\u00ebrtet\u00eb dhe shembull frym\u00ebzimi p\u00ebr brezat. <\/span><\/span><\/p>\n

Komunist\u00ebt vlonjat\u00eb, s\u00eb bashku me bijt\u00eb e tij, e kishin l\u00ebn\u00eb pa pension, t\u00eb braktisur, dhe n\u00eb k\u00ebt\u00eb gjendje t\u00eb mjeruar, e dor\u00ebzoi shpirtin e tij t\u00eb bukur, m\u00eb 2 korrik t\u00eb vitit 1972, i p\u00ebrcjell\u00eb n\u00eb banes\u00ebn e fundit vet\u00ebm nga 5 \u2013 6 miq t\u00eb tij q\u00eb i kishin mbetur besnik.<\/span><\/span><\/p>\n

Me dekret nr. 557 dat\u00eb 11.6.1993, t\u00eb Presidentit Sali Berisha iu dha titulli \u201cM\u00ebsues i Merituar\u201d<\/span><\/span><\/p>\n

M\u00eb posht\u00eb po botojm\u00eb nj\u00eb let\u00ebr t\u00eb tij drejtuar ministrit t\u00eb arsimit t\u00eb asaj kohe Rexhep Mitrovic\u00ebs ( 1888<\/a> – 1967<\/a>) i njohur si veprimtar i \u00e7\u00ebshtjes komb\u00ebtare, n\u00ebnshkrues<\/a> i Deklarat\u00ebs s\u00eb Pavar\u00ebsis\u00eb s\u00eb Shqip\u00ebris\u00eb<\/a>, n\u00ebpun\u00ebs, minist\u00ebr dhe kryeminist\u00ebr i Shqip\u00ebris<\/a>\u00eb gjat\u00eb viteve 1943-1944. Ministri Mitrovica ia p\u00ebrcjell letr\u00ebn Ministris\u00eb Brendshme: \u201cK\u00ebtu ngjitun, u paraqesim kopjon e letr\u00ebs q\u00eb marrim nga m\u00ebsuesi i shkoll\u00ebs s\u00eb Himar\u00ebs z. Tahir Hoxha p\u00ebr t\u2019u marr\u00eb masat e nevoj\u00ebshme mbi gjendjen e atjeshme\u201d. <\/span><\/span><\/p>\n

Theksojm\u00eb se k\u00ebt\u00eb let\u00ebr n\u00eb form\u00eb proteste e thirrje e hartonte nj\u00eb djal\u00eb vet\u00ebm 23 vje\u00e7, p\u00ebrmbajta e s\u00eb cil\u00ebs flet p\u00ebr shpirtin atdhetar, zgjuarsin\u00eb dhe guximin q\u00eb e karakterizuan patriotin Tahir Hoxha gjat\u00eb gjith\u00eb jet\u00ebs s\u00eb tij.<\/span><\/span><\/p>\n

Letra e Tahir Hoxh\u00ebs p\u00ebr Ministrin e Arsimit z. Rexhep Mitrovica. <\/strong><\/span><\/span><\/p>\n

Himar\u00eb 1.11.1923<\/strong><\/span><\/span><\/p>\n

Z. Minist\u00ebr!<\/strong><\/span><\/span><\/p>\n

Ndjenja patriotike m\u00eb sht\u00ebrngon t\u00eb informoj, gjith\u00eb \u00e7b\u00ebhet n\u00eb k\u00ebt\u00eb krahin\u00eb, juve q\u00eb kini timonin dhe drejtoni arsimin komb\u00ebtar n\u00eb k\u00ebt\u00eb koh\u00eb fort kritike. <\/span><\/span><\/p>\n

Simbas urdh\u00ebrit t\u00eb p\u00ebrgjithsh\u00ebm shkollat e krahin\u00ebs s\u00eb Himar\u00ebs duhet t\u00eb \u00e7eleshin q\u00eb n\u00eb fillim t\u00eb shtatorit, por fatkeq\u00ebsisht u \u00e7el\u00ebn vet\u00ebm nj\u00eb pjes\u00eb e tyre, ose vet\u00ebm n\u00eb ato katunde q\u00eb fatbardh\u00ebsisht ndodhen shqiptaro- fon\u00eb. Gjith\u00eb t\u00eb tjer\u00ebt greko-fon\u00eb ndodhen \u00e7elur, por pa nx\u00ebn\u00ebs. <\/span><\/span><\/p>\n

Popullsia k\u00ebtu kan\u00eb demarshuar n\u00eb Ministrin\u00eb e Brendshme dhe n\u00eb at\u00eb tuaj\u00ebn, si\u00e7 e dini, p\u00ebr t\u2019u njohur t\u00eb drejtat e minoritetit t\u00eb cil\u00ebve fisnik\u00ebrisht u p\u00ebrgjigj\u00ebn n\u00eb m\u00ebnyr\u00eb negative.<\/span><\/span><\/p>\n

Mir\u00ebpo me gjith\u00eb urdh\u00ebrat, nuk u bind\u00ebn dhe prap\u00eb insistojn\u00eb t\u00eb realizojn\u00eb q\u00ebllimet e dob\u00ebta dhe antikomb\u00ebtare t\u00eb tyre, pran\u00eb n\u00ebnprefektit k\u00ebtu, t\u00eb cilin e kan\u00eb si krahun e djatht\u00eb. Disa prova na bindin q\u00eb edha ay ndjek po ato programe dhe at\u00eb q\u00ebllim. <\/span><\/span><\/p>\n

Disa dit\u00eb m\u00eb par\u00eb popullsia ka d\u00ebrguar me an\u00eb t\u00eb Korfuzit nj\u00eb telegram n\u00eb Lidhjen e Kombeve, n\u00eb m\u00ebnyr\u00eb proteste p\u00ebr njohjen si pakic\u00eb dhe nashti prap\u00eb duan t\u00eb b\u00ebjn\u00eb k\u00ebrkes\u00eb n\u00eb qeverit\u00eb e Europ\u00ebs. N\u00ebnprefekti k\u00ebtu s\u2019ka lajm\u00ebruar qeverin\u00eb. <\/span><\/span><\/p>\n

Propoganda \u00ebsht\u00eb zgjeruar mjaft. Populli ka ngulur k\u00ebmb\u00eb t\u00eb mos d\u00ebrgoj\u00eb djemt\u00eb n\u00eb shkoll\u00eb dhe me t\u00eb v\u00ebrtet\u00eb n\u00eb katundet Palas\u00eb, Dh\u00ebrmi dhe Himar\u00eb s\u2019po i d\u00ebrgojn\u00eb. M\u00ebsusit jan\u00eb duke sh\u00ebtiur kot, me psher\u00ebtima t\u00eb thella, pa pun\u00eb, si ajo n\u00ebna q\u00eb e sheh djalin e saj q\u00eb t\u2019i vdes pa kujdes e pa doktor. Populli qesh me to. <\/span><\/span><\/p>\n

N\u00eb em\u00ebr pra, t\u00eb idealit komb\u00ebtar, merrni masa dhe l\u00ebshoni urdh\u00ebrat e shqipes, tregoni energjin\u00eb e duhur, q\u00eb kjo \u00e7\u00ebshtje me r\u00ebnd\u00ebsi t\u00eb zgjidhet kryek\u00ebput n\u00eb favorin ton\u00eb dhe jo t\u00eb sosen q\u00ebllimet e himariot\u00ebve , q\u00ebllime t\u00eb cilat duhet t\u00eb alarmojn\u00eb nj\u00eb qeveri idealiste. <\/span><\/span><\/p>\n

Jo vet\u00ebm k\u00ebtu n\u00eb Himar\u00eb, duhet t\u00eb marr\u00eb fund kjo \u00e7\u00ebshtje fort me r\u00ebnd\u00ebsi e shkollave, por edhe n\u00eb Dropull e Delvin\u00eb, nuk duhet t\u00eb gj\u00ebnden shkolla grekeke k\u00ebto t\u00eb fundit i ngut\u00ebn himariot\u00eb t\u00eb k\u00ebrkojn\u00eb t\u00eb drejtat e minoritetit .<\/span><\/span><\/p>\n

E v\u00ebrteta \u00ebsht\u00eb q\u00eb e zmadhoni shum\u00eb \u00e7\u00ebshtjen e Himar\u00ebs, por na q\u00eb jemi k\u00ebtu dhe e dim\u00eb mir\u00eb psikologjin\u00eb e popullit t\u00eb k\u00ebtush\u00ebm, e gjykojm\u00eb q\u00eb sot, t\u00eb leht\u00eb zgjidhjen e k\u00ebtij problem. Gjith\u00eb fuqia q\u00ebndron n\u00eb gjasht\u00eb persona t\u00eb cil\u00ebt po t\u00eb sht\u00ebrngohen nga autoritetet t\u00eb cil\u00ebt doemos do bien barkas. <\/span><\/span><\/p>\n

Un\u00eb i mbytur nga d\u00ebshp\u00ebrimet e m\u00ebdha, me gjith\u00eb shum\u00eb shok\u00eb idealista q\u00eb nuk punojn\u00eb p\u00ebr rrog\u00eb do t\u00eb jemi t\u00eb sht\u00ebrnguar t\u00eb japim dor\u00ebheqje. Jam fort i sigurt\u00eb q\u00eb n\u00eb koh\u00ebn tuaj do zhduken t\u00eb tilla gj\u00ebra. Mbi keqveprimin e disa zyrtar\u00ebve arsimtar\u00eb n\u00eb k\u00ebt\u00eb krahin\u00eb, q\u00eb nuk kujdesat asnj\u00eb inspektor do t\u00eb shkruaj her\u00eb tjet\u00ebr. <\/span><\/span><\/p>\n

Mbetem me shum\u00eb respekt. Tahir Hoxha m\u00ebsues n\u00eb shkoll\u00ebn e Himar\u00ebs.<\/span><\/span><\/p>\n

Ministria e Arsimit ia p\u00ebrcjell letr\u00ebn Ministris\u00eb s\u00eb Brendshme p\u00ebr t\u00eb marr\u00eb masat e nevojshme p\u00ebr sa ngre n\u00eb let\u00ebr m\u00ebsuesi Tahir Hoxha<\/span><\/span><\/span><\/span><\/p>\n

<\/div>\n
\n
\n
\n