{"id":47591,"date":"2021-06-03T12:46:23","date_gmt":"2021-06-03T12:46:23","guid":{"rendered":"https:\/\/www.shqiperia.com\/blog\/?p=47591"},"modified":"2021-06-03T12:46:23","modified_gmt":"2021-06-03T12:46:23","slug":"perfundon-me-sukses-edicioni-i-10-te-i-festivalit-nderkombetar-te-filmberesve-ne-nju-jork-iffny","status":"publish","type":"post","link":"https:\/\/www.shqiperia.com\/blog\/perfundon-me-sukses-edicioni-i-10-te-i-festivalit-nderkombetar-te-filmberesve-ne-nju-jork-iffny\/","title":{"rendered":"P\u00ebrfundon me sukses edicioni i 10-t\u00eb i Festivalit Nd\u00ebrkomb\u00ebtar t\u00eb Filmb\u00ebr\u00ebsve n\u00eb Nju Jork IFFNY"},"content":{"rendered":"

P\u00ebrgatiti E.B., Nju Jork<\/em><\/p>\n

Festivali Nd\u00ebrkomb\u00ebtar i Filmb\u00ebr\u00ebsve n\u00eb Nju Jork (IFFNY) \u00ebsht\u00eb nj\u00eb nga festivalet e njohura t\u00eb filmit n\u00eb Nju Jork q\u00eb lidh audienc\u00ebn amerikane me kineman\u00eb nd\u00ebrkomb\u00ebtare. Me rastin e 10-vjetorit, festivali sh\u00ebnoi nj\u00eb tjet\u00ebr moment historik – 100 filma p\u00ebr nder t\u00eb 10 viteve t\u00eb historis\u00eb s\u00eb suksesshme t\u00eb festivalit. K\u00ebt\u00eb vit, edicioni i 10-t\u00eb i festivalit IFFNY u mbajt m\u00eb dat\u00ebn 21-24 maj, 2021.<\/p>\n

Nga 891 aplikime nga e mbar\u00eb bota, 100 finalist\u00eb u p\u00ebrzgjodh\u00ebn n\u00eb list\u00ebn zyrtare t\u00eb programit p\u00ebr vitin 2021. Filmat ishin p\u00ebrfaq\u00ebsues t\u00eb gjasht\u00eb kategorive, p\u00ebrkat\u00ebsisht: filmi me metrazh t\u00eb gjat\u00eb artistik, filmi me metrazh t\u00eb shkurt\u00ebr, filmi dokumentar me metrazh t\u00eb gjat\u00eb, filmi dokumentar me metrazh t\u00eb shkurt\u00ebr, filmi i animuar dhe video muzikore. Finalist\u00ebt garuan p\u00ebr \u00e7mime t\u00eb festivalit dhe t\u00eb juris\u00eb, e cila p\u00ebrb\u00ebhej nga: Larry Moore, Victoria Yakubova Schneid, Robert Haufrecht, Asis Sethi dhe Sabrina Moreno.<\/p>\n

Festivali i filmit IFFNY \u00e7do vit shfaq projekte filmike nga kineast\u00eb me renome si dhe ato t\u00eb rinj. \u00cbsht\u00eb themeluar n\u00eb vitin 2012 dhe udh\u00ebhiqet nga regjisorja, producentja dhe skenaristja e mir\u00ebnjohur Mrika Krasniqi, me Ib\u00ebr Deari si Selektor i Festivalit dhe Amina Zhaman, Drejtoresh\u00eb Artistike.<\/p>\n

\u201cP\u00ebrmes festivalit IFFNY \u00ebsht\u00eb prezantuar puna e shum\u00eb artist\u00ebve q\u00eb kan\u00eb marr\u00eb pjes\u00eb. K\u00ebt\u00eb vit p\u00ebr shkak t\u00eb vitit jubilar vendos\u00ebm t\u00eb pranojm\u00eb m\u00eb shum\u00eb projekte. Ka patur llojshm\u00ebri t\u00eb filmave nga 43 vende t\u00eb bot\u00ebs.<\/p>\n

Festivali Nd\u00ebrkomb\u00ebtar i Filmb\u00ebr\u00ebsve n\u00eb Nju Jork ka qen\u00eb nj\u00eb pik\u00ebtakim shum\u00eb i mir\u00eb sidomos p\u00ebr ne artist\u00ebt q\u00eb vijm\u00eb nga trojet shqiptare, q\u00eb t\u00eb vizitojm\u00eb Shtetet e Bashkuara t\u00eb Amerik\u00ebs, si dhe vendin shum\u00eb t\u00eb r\u00ebnd\u00ebsish\u00ebm p\u00ebr artin, Nju Jorkun dhe t\u00eb shohim bot\u00ebm dhe njer\u00ebzit q\u00eb vijn\u00eb nga e gjith\u00eb bota. Nga t\u00eb gjith\u00eb shtetet e ndryshme q\u00eb marrin pjes\u00eb n\u00eb festival, ne \u00e7doher\u00eb takohemi m\u00eb nj\u00eb kultur\u00eb t\u00eb re, edhe prezantohemi me nj\u00eb gjuh\u00eb t\u00eb re. Kjo ka qen\u00eb nj\u00eb nd\u00ebr eksperiencat m\u00eb t\u00eb mira, sidomos p\u00ebr mua si regjisor ka qen\u00eb nj\u00eb p\u00ebrvoj\u00eb shum\u00eb e ve\u00e7ant\u00eb, jo vet\u00ebm t\u00eb shikoj filma por edhe t\u2019i vler\u00ebsoj ato,\u201d tha n\u00eb nj\u00eb intervist\u00eb p\u00ebr Klan Macedonia regjisori i shquar dhe Selektori i Festivalit t\u00eb Filmit IFFNY, Ib\u00ebr Deari.<\/p>\n

N\u00eb mesin e artist\u00ebve shqiptar t\u00eb pranuar zyrtarisht n\u00eb edicionin e 10-t\u00eb t\u00eb festivalit t\u00eb filmit IFFNY 2021 ishin: Spartak Pecani me filmin \u201cBolero in the elder house \/ Bolero n\u00eb vil\u00ebn e Pleqve\u201d (Shqip\u00ebria) n\u00eb kategorin\u00eb filmi artistik me metrazh t\u00eb gjat\u00eb; Arb\u00ebr Krasniqi me filmin \u201cBack home\u201d (Kosov\u00eb), Ambra Cani me filmin \u201cSonja\u201d (Shqip\u00ebri) dhe Besnik Prekazi me filmin \u201cFair Play\u201d (Kosov\u00eb) n\u00eb kategorin\u00eb filmi me metrazh t\u00eb shkurt\u00ebr; Merita \u00c7o\u00e7oli me filmin dokumentar me mentrazh t\u00eb gjat\u00eb \u201cNezo\u201d (Maqedonia e Veriut); dhe Kenan Gurgurovci me filmin dokumentar me mentrazh t\u00eb shkurt\u00ebr \u201cThe Shadow of the Rain \/ Hija e Shiut\u201d (Kosov\u00eb).<\/p>\n

Spartak Pecani fitoi \u00e7mimin \u201cRegjisori m\u00eb i Mir\u00eb\u201d (Best Director Award) p\u00ebr filmin artistik \u201cBolero n\u00eb vil\u00ebn e Pleqve\u201d, p\u00ebrfaq\u00ebsim nga Shqip\u00ebria. Arb\u00ebr Krasniqi fitoi \u00e7mimin \u201cArritje e Jasht\u00ebzakonshme n\u00eb Regji\u201d (Outstanding Achievement in Directing) p\u00ebr filmin \u201cBack home\u201d, p\u00ebrfaq\u00ebsim nga Kosova.<\/p>\n

\u201cUrime t\u00eb gjith\u00eb fituesve t\u00eb festivalit IFFNY 2021, Edicioni i 10-t\u00eb. Festivali Nd\u00ebrkomb\u00ebtar i Filmb\u00ebr\u00ebsve n\u00eb Nju Jork k\u00ebt\u00eb vit kishte moton \u2018Nj\u00eb dekad\u00eb e festimit t\u00eb kinemas\u00eb\u2019. Ka qen\u00eb nj\u00eb udh\u00ebtim mbres\u00ebl\u00ebn\u00ebs dhe sfidues sidomos k\u00ebto dy vitet e fundit. Por ne ishim t\u00eb vendosur t\u00eb vazhdonim misionin ton\u00eb pavar\u00ebsisht nga pandemia dhe t\u00eb promovonim veprat e kineast\u00ebve nga e gjith\u00eb bota. Festivali IFFNY sa vjen e rritet \u00e7do vit dhe sot \u00ebsht\u00eb kthyer n\u00eb nj\u00eb platform\u00eb globale dhe n\u00eb nj\u00eb simbol i miq\u00ebsis\u00eb dhe krijimtaris\u00eb,\u201d u shpreh Mrika Krasniqi, themeluesja dhe drejtuesja e festivalit IFFNY n\u00eb Nju Jork.<\/p>\n

\u201cUn\u00eb falenderoj themeluesen e festivalit Mrika Krasniqi e cila asnj\u00ebher\u00eb k\u00ebtyre 10 viteve nuk u ndal. Ajo \u00ebsht\u00eb nj\u00eb grua shum\u00eb e fuqishme, e cila na motivon shum\u00eb dhe ka b\u00ebr\u00eb shum\u00eb pun\u00eb t\u00eb madhe jo vet\u00ebm p\u00ebr artist\u00ebt bot\u00ebror por edhe p\u00ebr artist\u00ebt shqiptar t\u00eb jemi k\u00ebtu. Artist\u00ebt shqiptar\u00eb kan\u00eb patur nj\u00eb mund\u00ebsi q\u00eb veprat e tyre t\u00eb prezantohen jasht\u00eb vendit ton\u00eb t\u00eb vog\u00ebl dhe t\u00eb kemi nj\u00eb hap\u00ebsir\u00eb dhe mund\u00ebsi t\u00eb reja. Un\u00eb e vler\u00ebsoj shum\u00eb k\u00ebt\u00eb pun\u00eb dhe e shoh q\u00eb \u00ebsht\u00eb shum\u00eb e r\u00ebnd\u00ebsishme p\u00ebr \u00e7do aktor, regjisor, skenograf, skenarist, por edhe ata q\u00eb meren me muzik\u00ebn e filmit. Festivali ofron nj\u00eb mund\u00ebsi shum\u00eb t\u00eb mir\u00eb dhe t\u00eb leht\u00eb p\u00ebr t\u2019u lidhur me filmin n\u00ebp\u00ebr bot\u00eb.<\/p>\n

Gjithashtu falenderoj edhe Ermira Babamusta e cila ka b\u00ebr\u00eb nj\u00eb pun\u00eb shum\u00eb t\u00eb madhe e t\u00eb fuqishme n\u00eb promovimin e \u00e7do artisti, aktori apo filmb\u00ebr\u00ebsi p\u00ebr t\u2019a treguar vepr\u00ebn e tyre n\u00eb bot\u00eb. Po ashtu falenderoj Amina Zhaman e cila \u00ebsht\u00eb nj\u00eb artiste shum\u00eb e ve\u00e7ant\u00eb, e cila nuk \u00ebsht\u00eb ndalur gjith\u00eb k\u00ebtyre muajve duke intervistuar \u00e7do artist n\u00eb fushat e filmit. Nj\u00eb falenderim i ve\u00e7ant\u00eb p\u00ebr editorin, dizajnerin dhe montazherin e festivalit Fisnik Halili nga Lumi\u00e8re Films dhe t\u00eb gjith\u00eb ata q\u00eb e kan\u00eb ndihmuar k\u00ebt\u00eb vit festivalin IFFNY, \u201cshtoi regjisori Ib\u00ebr Deari.<\/p>\n

M\u00eb 24 maj, 2021 festiali IFFNY shpalli \u00e7mimet e juris\u00eb dhe \u00e7mimet speciale t\u00eb festivalit.<\/p>\n

Fituesit e \u00c7mimeve t\u00eb Juris\u00eb t\u00eb Festivalit IFFNY:\u00a0 <\/strong><\/p>\n

Filmi m\u00eb i Mir\u00eb (Best Feature Film), \u201cMother of Apostles\u201d nga Zaza Buadze, Ukrain\u00eb.<\/p>\n