![\"\"](\"https:\/\/i0.wp.com\/www.shqiperia.com\/blog\/wp-content\/uploads\/2021\/02\/Simbolikat-e-pirjes-se-kafes-tek-shqiptaret-2.jpg?resize=609%2C323&ssl=1\")
<\/p>\n<\/p>\n
Simbolikat e pirjes s\u00eb kafes tek shqiptar\u00ebt<\/p>\n
Shqiptar\u00ebt kan\u00eb pasur simbolika t\u00eb shumta n\u00eb ritualin e pirjes s\u00eb kafes. Ato sh\u00ebnjonin mesazhe pozitive dhe negative kur miqt\u00eb kishin marr\u00ebdh\u00ebnie, takime apo situata t\u00eb ndryshme. Po cil\u00ebt jan\u00eb k\u00ebto mesazhe q\u00eb shprehte rituali i sh\u00ebrbes\u00ebs s\u00eb kafes?<\/p>\n
N\u00ebse nj\u00eb mal\u00ebsor shkonte p\u00ebr shembull me kostumin e mikut n\u00eb sht\u00ebpin\u00eb e nj\u00eb bashk\u00ebfshatari tjet\u00ebr, qoft\u00eb ky i af\u00ebrm ose thjesht\u00eb i njohur, p\u00ebr t\u00eb vazhduar nj\u00eb bised\u00eb t\u00eb nisur m\u00eb par\u00eb, si t\u00eb thuash, n\u00eb nj\u00eb seanc\u00eb t\u00eb rast\u00ebsishme nd\u00ebrrim duhani q\u00eb kishte t\u00eb b\u00ebnte me ndonj\u00eb fejes\u00eb, zbutjen ose tejkalimin e ndonj\u00eb konflikti me pajtim gjaku ose me \u00e7\u00ebshtje t\u00eb tjera t\u00eb r\u00ebnd\u00ebsishme, i zoti i sht\u00ebpis\u00eb nuk e pyeste mikun se si e d\u00ebshironte kafen\u00eb.
\nN\u00ebp\u00ebrmjet shkall\u00ebs s\u00eb \u00ebmb\u00eblsis\u00eb ose t\u00eb idh\u00ebtis\u00eb s\u00eb kafes\u00eb simbolikisht miku merrte mesazhin e duhur p\u00ebr ecurin\u00eb e \u00e7\u00ebshtjes q\u00eb q\u00ebndronte n\u00eb sfondin e nj\u00eb vizite t\u00eb till\u00eb.<\/p>\n
N\u00ebse i servirej kafja fare e \u00ebmb\u00ebl, miku merrte mesazhin se \u00e7\u00ebshtja ishte zgjidhur ose ishte n\u00eb rrug\u00eb t\u00eb mbar\u00eb dhe pa kthim prapa.<\/p>\n
P\u00ebr t\u00eb p\u00ebrforcuar kuptimin e nj\u00eb mesazhi t\u00eb till\u00eb pozitiv miku, si rregull, n\u00eb nj\u00eb form\u00eb tjet\u00ebr vinte n\u00eb dukje \u00ebmb\u00eblsin\u00eb tej mase t\u00eb kafes\u00eb, duke p\u00ebrdorur p\u00ebrgjith\u00ebsisht shprehje t\u00eb tipizuara n\u00eb mot\u00ebrzime t\u00eb tilla: \u201cE paskeni ngat\u00ebrruar kafen\u00eb me mjaltin\u201d, \u201ckafes\u00eb i paskeni hedhur mjalt\u00eb, jo sheqer\u201d, \u201cnj\u00eb qyp me mjalt\u00eb i paskeni hedhur kafes\u00eb\u201d etj.<\/p>\n
I zoti i sht\u00ebpis\u00eb p\u00ebrgjith\u00ebsisht i miratonte pohime t\u00eb tilla, dometh\u00ebn\u00eb, n\u00eb thelb tundjes s\u00eb kok\u00ebs lart-posht\u00eb ose buz\u00ebqeshjes. Pas nj\u00eb miratimi t\u00eb till\u00eb, miku fliste me frym\u00eb optimiste dhe m\u00eb shpenguar p\u00ebr zgjidhjen e \u00e7\u00ebshtjes n\u00eb shqyrtim.<\/p>\n
N\u00ebse i servirej kafe e mesme, merrte mesazhe se \u00e7\u00ebshtja p\u00ebr t\u00eb cil\u00ebn ishte i interesuar kishte mbetur pezull, pra nuk mund t\u00eb parashikohej ecuria e zgjidhjes s\u00eb saj. P\u00ebr t\u00eb konfirmuar se kafeja e mesme, q\u00eb n\u00ebnkuptonte ngrirje t\u00eb \u00e7\u00ebshtjes, miku gati me tone diplomatike shprehej: \u201cNuk di n\u00ebse ka pasur ose jo sheqer n\u00eb an\u00ebt tuaja\u201d, \u201cbora ka z\u00ebn\u00eb rrug\u00ebt e nuk ka ardhur sheqer nga shehri qysh kur nuk mbahet mend\u201d etj. N\u00eb situata t\u00eb tilla burrat e pal\u00ebs mikprit\u00ebse heshtnin.<\/p>\n
Miku q\u00eb kishte nj\u00eb mision n\u00eb bised\u00eb merrte mesazhin se duhej t\u00eb ishte shum\u00eb i kujdessh\u00ebm n\u00eb arsyetime, se duhej t\u00eb p\u00ebrdorte me men\u00e7uri gjith\u00eb arsenalin e argumenteve, p\u00ebr ta l\u00ebvizur \u00e7\u00ebshtjen n\u00eb kahun e zgjidhjes m\u00eb t\u00eb mir\u00eb.<\/p>\n
Mikprit\u00ebsit mund t\u2019i servirnin mikut kafe pa sheqer. N\u00eb situata t\u00eb tilla miku sillej n\u00eb dy m\u00ebnyra. M\u00eb rrall\u00eb e p\u00ebrforconte k\u00ebt\u00eb fakt me shprehje disi diplomatike, si: \u201cKa qen\u00eb mot i keq dhe nuk kan\u00eb ardhur mallrat nga qyteti\u201d, \u201cbota ia ka z\u00ebn\u00eb vendin sheqerit\u201d etj.<\/p>\n
Si rregull, mikprit\u00ebsit heshtnin. N\u00eb shumic\u00ebn e rasteve idh\u00ebsia e kafes\u00eb nuk kishte nevoj\u00eb p\u00ebr konfirmim. Heshtjes s\u00eb mikprit\u00ebsve miku i p\u00ebrgjigjej me heshtje, \u00e7ka n\u00ebnkuptonte se p\u00ebrgjigja negative p\u00ebr \u00e7\u00ebshtjen ishte e padiskutueshme.<\/p>\n
N\u00eb rrethana t\u00eb tilla shfaqej m\u00eb qart\u00eb profili prej fermani ose dekreti mbret\u00ebror i mesazhit ngjizur nga idht\u00ebsia e kafes\u00eb. Prandaj miku nuk \u00e7elte fare bised\u00ebn, p\u00ebr t\u00eb cil\u00ebn ishte n\u00eb rolin e \u201dn\u00ebnpun\u00ebsit\u201d mik.<\/p>\n
P\u00ebrgjith\u00ebsisht, miku ruante qet\u00ebsin\u00eb shpirt\u00ebrore ose, t\u00eb pakt\u00ebn, paraqitej i till\u00eb dhe niste biseda p\u00ebr \u00e7\u00ebshtje t\u00eb tjera q\u00eb kishin t\u00eb b\u00ebnin me ndikimet e motit n\u00eb ecurin\u00eb e pun\u00ebve t\u00eb stin\u00ebs n\u00eb bujq\u00ebsi, me mbar\u00ebshtrimin e blegtoris\u00eb e deri me problemet e luft\u00ebs ruso-japoneze etj.<\/p>\n
![\"\"](\"https:\/\/i0.wp.com\/www.shqiperia.com\/blog\/wp-content\/uploads\/2021\/02\/Kafja-e-Mengjezit.-Kruje-1913..jpg?resize=594%2C430&ssl=1\")
Kafja e Mengjezit. Kruje 1913.<\/p><\/div>\n
N\u00eb t\u00eb shumt\u00ebn e rasteve miku b\u00ebnte kujdes q\u00eb n\u00eb biseda t\u00eb tilla t\u2019i largohej me zgjuarsi dhe sa m\u00eb shum\u00eb \u00e7\u00ebshtjes p\u00ebr t\u00eb cil\u00ebn ishte i interesuar drejtp\u00ebrdrejt.<\/p>\n
Vlen t\u00eb theksohet se p\u00ebrdorimi i idht\u00ebsis\u00eb s\u00eb kafes\u00eb dhe i mjeteve t\u00eb tjera simbolike p\u00ebr t\u00eb p\u00ebrcjell\u00eb p\u00ebrgjigje negative, sidomos p\u00ebr \u00e7\u00ebshtje jetike q\u00eb kishin t\u00eb b\u00ebnin me fatet e individ\u00ebve, t\u00eb familjeve ose t\u00eb an\u00ebtar\u00ebve t\u00eb bashk\u00ebsive m\u00eb t\u00eb zgjuara, kishte r\u00ebnd\u00ebsi t\u00eb ve\u00e7ant\u00eb n\u00eb shum\u00eb\u201dsegmente\u201d t\u00eb shoq\u00ebris\u00eb tradicionale shqiptare, nd\u00ebrkoh\u00eb q\u00eb fjala mohuese kishte pesh\u00eb mjaft t\u00eb r\u00ebnd\u00eb, deri n\u00eb nivelin e shp\u00ebrfilljes ose t\u00eb fyerjes p\u00ebr pal\u00ebn tjet\u00ebr, pra jo vet\u00ebm p\u00ebr familjen e individin q\u00eb prekte drejtp\u00ebrdrejt hija e fjal\u00ebs s\u00eb keqe, por edhe p\u00ebr gjith\u00eb fisin e tij.<\/p>\n
Gjithashtu, edhe shkalla e \u00ebmb\u00eblsis\u00eb ose e hidh\u00ebsis\u00eb s\u00eb kafes\u00eb q\u00eb servirej n\u00eb ceremonin\u00eb mortore n\u00eb shum\u00eb krahina t\u00eb Shqip\u00ebris\u00eb, shprehte simbolikisht shkall\u00ebn e hidh\u00ebrimit p\u00ebr t\u00eb ndjerin, shprehte mosh\u00ebn e t\u00eb ndjerit dhe mpreht\u00ebsin\u00eb e shqet\u00ebsimeve familjare, fisnore ose m\u00eb gjer\u00eb q\u00eb shkaktonte largimi i tij nga kjo jet\u00eb.<\/p>\n
N\u00ebse personi i vdekur ishte i moshuar dhe me f\u00ebmij\u00eb t\u00eb rritur, t\u00eb martuar dhe n\u00eb gjendje ekonomike t\u00eb stabilizuar, servirej kafe e \u00ebmb\u00ebl; n\u00ebse i ndjeri ishte n\u00eb mosh\u00eb mesatare dhe me f\u00ebmij\u00eb pjes\u00ebrisht t\u00eb martuar dhe t\u00eb pamartuar, servirej kafe e mesme; dhe, n\u00ebse personi i vdekur ishte i ri ose e re, me f\u00ebmij\u00eb t\u00eb vegj\u00ebl ose i pamartuar servirej kafe fare e hidhur, pa sheqer.<\/p>\n
Sipas paragjykimeve t\u00eb p\u00ebrhapura gjer\u00ebsisht n\u00eb shoq\u00ebrin\u00eb shqiptare paramoderne, n\u00eb filxhanin e kafes\u00eb pasqyronin edhe mjaft element t\u00eb personalitetit, t\u00eb m\u00ebnyr\u00ebs s\u00eb jetes\u00ebs dhe t\u00eb gjendjes shpirt\u00ebrore t\u00eb personave q\u00eb pinin kafen\u00eb.<\/p>\n
P\u00ebr shembull, n\u00ebse burri e pinte kafen\u00eb e nxeht\u00eb, mendohej se ai sipas bestytnive ishte aq frikacak saq\u00eb kishte frik\u00eb edhe gruan. Gjithashtu, sipas bestytnive, n\u00ebse personi e pinte kafen e \u00ebmb\u00ebl, kishte jet\u00eb t\u00eb hidhur dhe e kund\u00ebrta, n\u00ebse pinte kafen e hidhur, kishte jet\u00eb t\u00eb lumtur.<\/p>\n
Si rregull, servirja e kafes\u00eb sh\u00ebnonte simbolikisht p\u00ebrfundimin pothuajse t\u00eb \u00e7do lloj ceremonie g\u00ebzimi dhe rrezatonte mesazhe simbolike kompleke dhe mjaft t\u00eb nuancuara n\u00eb ceremonit\u00eb mortore.<\/p>\n
P\u00ebrve\u00e7se n\u00eb mjedise t\u00eb tilla dhe n\u00eb bar-kafe e restorante, kafeja ishte ndoshta e vetmja pije, e cila n\u00eb nj\u00eb pjes\u00eb t\u00eb konsiderueshme t\u00eb trojeve shqiptare servirej edhe n\u00eb varreza.<\/p>\n
Por, \u00e7far\u00eb mesazhi p\u00ebrcillte kafeja e servirur n\u00eb vareza, fill pas varrosjes s\u00eb t\u00eb ndjerit?<\/p>\n
Nj\u00eb kafe e till\u00eb, sidomos n\u00eb krahinat veriore t\u00eb Shqip\u00ebris\u00eb, d\u00ebshmonte simbolikisht se i ndjeri kishte kryer funksione shoq\u00ebrore t\u00eb r\u00ebnd\u00ebsishme p\u00ebr an\u00ebtar\u00ebt e fisit, banor\u00ebt e fshatit, krani\u00ebs etj., pra ishte burr\u00eb i shquar.<\/p>\n
Servirja e kafes\u00eb me dor\u00ebn e majt\u00eb dhe sidomos n\u00ebn gju konsiderohej nj\u00eb fyerje shum\u00eb e r\u00ebnd\u00eb, ve\u00e7an\u00ebrisht p\u00ebr burrat q\u00eb kishin vonuar marrjen e gjakut n\u00eb em\u00ebr t\u00eb ndonj\u00eb an\u00ebtari t\u00eb familjes ose t\u00eb af\u00ebrmi t\u00eb vrar\u00eb.<\/p>\n