Alasdair Bell, zyrtari ligjor i UEFA-s ka mbajtur një fjalim mbreslënës dhe të arsyeshëm në Kongresin e UEFA-s të zhvilluar sot në Budapest.
Menjëherë pas fjalimit të presidentit të Federatës së Futbollit të Serbisë, Tomislav Karaxhiç, i cili ishte kundra pranimit të Kosovës në UEFA, Bell ju kundërpërgjigj me ftohtësi duke iu referuar kritereve të anëtarësimit tënjë federate.
"OKB-ja nuk ka kopetencat për të njohur shtetet, por shtetet të njohin vetë shtetet. Nëse nuk je anëtar i OKB-së nuk do të thotë që nuk je shtet. Anëtarët e Kongresit do të vendosin vetë nëse Kosova është shtet dhe se a i plotëson kushtet për tu bërë pjesë e UEFA-s. Statusi i FIFA-s nuk ka kusht që një shtet të jetë anëtar i UEFA-s duhet të njihet nga OKB. Kjo nuk është çështje politike por ligjore".
