Mauricio Sarri ka rinovuar kontratën e tij ne Napolin për katër vitet e ardhshme. Mediat italiane shkruajnë se presidenti i bluve, Aurelio De Laurentis zhvilloi një takim me teknikun në Romë dhe çdo gjë duket e përfunduar.
"Të dashur tifozë, takova në Romë, ashtu siç kisha bërë të dikur disa ditë më parë, Sarrin. Kemi vendosur bazat për 4 vite të jashtëzakonshëm",-ka shkruar presidenti i klubit në profilin e tij në "Twitter".
Ndërsa trajneri ka thënë për "Radio Kiss Kiss" se është i kënaqur me marrëveshjen që iu ofrua.
"Presidenti më ka trajatuar si të isha një i familjes, më ka ofruar një kontratë të kënaqshme nga të gjitha pikëpamjet dhe kështu, unë ndjehem pjesë e familjes së Napolit",-ka thënë Sarri.
Tekniku njihet edhe për besimin që i ka dhënë mbrojtësit të Kombëtares shqiptare të futbollit, Elseid Hysajt, te blutë e Napolit. Sarri e ka aktivizuar Hysajn pothuajse në çdo ndeshje.
Napoli u rendit në vendin e dytë në Serinë A dhe do të luajë në sezonin e ardhshëm në Champions League.
