Marka e produkteve për kujdes të flokëve, Schwarzkopf, ka lansuar një video shumë emocionuese në prag të ditës së të dashuruarve, Shën Valentinit. E etiketuar si “Videoja më e bukur ndonjëherë – Kjo do të prekë zemrën tuaj”, reklama po bëhet hit në You Tube dhe në rrjetet sociale. Vidoeja ka në qendër të vëmendjen dashurinë e një çifti dhe atë çfarë mashkulli ndjen për femrën, por edhe përshtypjen që atij i bëjnë flokët e saj.
Kulmi emocionues i videos arrin kur lulet që mashkulli i ka mbjellë, lulëzojnë me daljen e pranverës dhe kanë renditjen “Martohu me mua”. Edhe pse duket si një tregim dashurie, videoja në fakt është reklamë e markës së produkteve për kujdes të flokëve, Schwarzkopf, dhe potencon flokët epshore të aktores jugo-afrikane, Kim Engelbrecht.
Më shumë se fjalët, flet vetë videoja.
