Tenis Nadal fiton turneun e Buenos Airesit

Rafael Nadal fitoi turneun e Buenos Airesit pasi mundi në finale Juan Monaco në dy sete (6-4 dhe 6-1). Ky është suksesi i parë i tenistit spanjoll për këtë vit. Numri 4 i tenisit për meshkuj ruajti përqendrimin dhe tregoi një nivel të mirë loje, edhe pse ndeshja u ndërpre dy herë për shkak të shiut. Ky është titulli i 65 në karrierë për Rafael Nadal, i cili titullin e fundit e kishte fituar para 9 muajsh, në Grand Slam-in e Roland Garros-it.