Kompania e njohur, Samsung, ka paralajmëruar klientët që të mos diskutojnë informacionet personale përpara televizorit ‘smart’. Ky paralajmërim shkon për të gjithë ata klientë që e kontrollojnë televizorin e tyre Samsung Smart duke përdorur zërin. Në një njoftim thuhet se televizori e dëgjon këtë informacion dhe e ndan me palë të treta ose me vetë kompaninë që e ka prodhuar. Më herët, aktivistë të privacisë kishin kritikuar këtë televizor duke thënë se ai përgjon qytetarët.