Gjeologu dhe profesor, Iain Stewart ka bërë publike në BBC një prezantim rreth problematikave që njerëzimi do të ketë ndaj mungesës së ujit. Afërsisht 2 milionë njerëz në vit vdesin nga mungesa e ujit të sigurt të pijshëm, në një kohë kur planeti ynë përmban mbi një miliard trilion litra ujë, të cilat vetëm pak prej kësaj sasie është i ruajtur për t’u pirë.
Në 15 vite, gjysma e popullsisë rrezikon të jetojë në vende ku nuk ka mjaftueshëm ujë. Faktet tregojnë se 97% e ujit në planetin tonë është e kripur. Ndërsa pjesa tjetër e mbetur e ujit të pastër është e depozituar në akuj. Kështu që ajo që mbetet për t’u konsumuar nga popullata është vetëm një sasi e vogël.
Sa shumë e përdorim ujin?
Është llogaritur që një person në Britaninë e Madhe përdor rreth 3400 litra uji në ditë. Për ta përgjithësuar, e gjithë globi ka nevojë për mbi katër trilion litra uji në vit. Sipas studiuesve, kjo është një shifër e cila nuk suportohet nga rezervat e ujit në natyrë. Presioni ndaj mungesës së ujit do të jetë ndikues edhe për të mbjellat të cilat janë jetike për njerëzimit.
Uji i detit si uji i pastër- zgjidhja magjike?
Destilimi duke kthyer ujin e detit në ujë të pijshëm llogaritet të jetë mundësia më e mirë e zgjidhjes së problemit. Kjo është edhe mundësia që gjeologu dhe ekspertët japin rreth çështjes në fjalë. Pavarësisht idesë brilante, ekziston një pengesë e cila privon kryerjen e procesit të distilimit. Ata thonë që faza e përpunimit të ujit të kripur në ujë të pijshëm është një etapë mjaft e kushtueshme ekonomikisht. Realiteti i distilimit realizohet vetëm nëse ajo ndihmohet nga energji e lirë dhe pa shumë kosto financiare.