SHBA spiunon cdo kompjuter ne bote

Agjencia e Sigurisë Kombëtare në SHBA ka gjetur mënyrën për të fshehur një softuer spiunimi thellë në kompjuterat tanë. Kjo i lejon ata të monitorojnë ose përgjojnë shumicën e kompjuterave në botë, edhe kur ata nuk janë lidhur me internetin. Kështu thotë një nga prodhuesit më të mëdhenj të softuereve anti- virus në Rusi.

Kaspersky Lab thotë se ka gjetur kompjutera personalë të infektuar në mbi 30 vende. Vendet më të infektuara janë Irani, Rusia, Pakistani, Afganistani, Kina, Mali, Siria, Jemeni dhe Algjeria. Infeksioni ka nisur në vitin 2001, por është rritur në mënyrë dramatike në vitin 2008, kur Barack Obama u zgjodh president.