Më në fund ministrja e inovacionit Milena Harito njoftoi nënshkrimin e kontratës për dixhitalizimin e transmetimeve të Televizionit Shqiptar, që qëndronte pezull prej dy vitesh. Por ky lajm që qarkullonte nën zë prej ditësh ka hapur një problem të ri mes televizionit Top Channel dhe qeverisë shqiptare. Top Chanel që kërkon mbrojtjen e dixhitalbit në treg duket se është shqetësuar jo pak që një platform dixhitale pa pagese do të jetë eficente pas pak edhe nga televizioni publik të cilit sipas ligjit shqiptar i takojnë rreth 40 përqind e frekuencave të territorrit të vendit (2 nga 5). Ligji e detyron edhe Shqipërinë që të mbyllë këtë vit përfundimisht transmetimet analoge dhe prej muajsh qeveria ndodhet në një presion të papërballueshëm për mënyrën se si do ti ndajë frekuencat mes televizioneve më të mëdha në vend. Kryeministri Rama kur erdhi në pushtet kishte një ide origjinale.
Mbylljen e TVSh-së si një mjet propagande qeveritare dhe nxjerrjen “Black” të ekranit të saj për shumë kohë. Por me sa duke tai hoqi dorë shpejt nga kjo ide e cila do ti line dorë të lirë interesave të televizioneve private dhe platformave të tyre (Digitalb, Tring, Klan). Pra tani gjendemi në situatën kur nga pesë frekuenca, dy do ti marrë televizioni public dhe rivaliteti është bërë tejet i madh. Pikërisht për këtë televizionet private e shikonin me kënaqësi anulimin e tenderit të bërë nga qevera Berisha për dixhitalizimin e TVSH-së. Por erdhi një pikë kur firma gjermane që e kish fituar këtë tender, fitoi proceset në gjykatë dhe ajo po pranohet sot edhe nga qeveria Rama. Pikërisht këtë lajm ka shpallur edhe ministrja e iniovacionit Milena Harito. Ajo deklaroi se “17 qershori është afati botëror për kalimin në transmetime numerike të të gjithë medieve audiovizive. Shqipëria, sot me këtë kontratë hedh bazën për RTSH-në për të garantuar për të gjithë qytetarët vijimin e transmetimeve të këtij televizioni pa pagesë dhe garancinë që TVSH do të vazhdojë të transmetojë pas kësaj date”.
Tenderi është 21. 5 milionë euro dhe është realizuar nga qeveria “Berisha”. Fituese është kompania gjermane “Rohde & Schëarz”, e cila do të duhet të përmbushë detyrimet, në mënyrë që qytetarët shqiptarë marrin të drejtën e shfrytëzimit të kësaj mundësie falas. Por menjëherë pas dhënies së këtij lajmi reagimi nga "Top-Channel” ka qenë i fortë. Sipas këtij televizioni, genden hije skandali te fakti se tenderi ka patur si çmime referuese për pajisjet, ato të vitit 2013, duke shtuar se aktualisht këto pajisje kushtojnë 20-30% më lirë. TCH kujton edhe qëndrimin e dikurshëm të PS-së, që e cilësoi tenderin asokohe si akt korruptiv të qeverisë “Berisha”, madje edhe duke bërë një padi. “Sot, dy vjet më pas, asgjë nuk ka ndryshuar nga tenderi i kontestuar. Më saktë ka ndryshuar vetëm qëndrimi i opozitës së djeshme dhe mazhorancës së sotme”, raporton TCH që haron të përmendë një ndryshim të madh, atë se kompania gjermane “Rohde & Schëarz”, e ka fituar me gjykatë të drejtën për ta vazhduar garën e fituar. Por pamvarësisht nga kjo TCh, nuk ka nguruar ta sulmojë ministren e inovacionit Harito.
“Por, ndërsa ministrja Milena Harito ka shtyrë fort për firmosjen e kontratës, ky tender dhe kjo kontratë ka shkaktuar polemika edhe në mbledhjen e fundit të Komitetit kombëtar për Dixhitalizimin. Për të qenë e vlefshme, sipas ligjit për Radio Televizionin publik Shqiptar, çdo kontratë që firmoset në emër të RTSH-së që kalon vlerën 5 përqind të buxhetit vjetor të saj, duhet më parë të marrë miratimin e Këshillit Drejtues të RTSH-së. Aktualisht RTSH është duke funksionuar pa një këshill kombëtar dhe për pasojë kontrata ligjërisht rrezikon të quhet e pavlefshme”, informon TCH. Këto kritika të Top Channel janë të diskutueshme por ato bëhen edhe më të dyshimta po ti shtosh faktin se ishin televezionet private ato që qenë më të interesuara për zvarritjen e procesit të dixhitalizimit të TVSH-së dhe krijimin prej entit public të një platform dixhitale që do të transmetonte falas për publikun.
