Partia Demokratike ka kërkuar përjashtimin e vëzhguesve të huaj nga procesi i përzgjedhjes së aneëtarëve të Komisionit të Pavarur të Kualifikimit dhe Kolegjit të Apelimit, dy institicionet që do hetojnë figurën e punonjësve të sistemit të drejtësisë, të nohur si procesi i vetingut.
Ajo i ka çuar sot Ambasadës së SHBA-ve një kundeërpropozim nja propozimit të fundit të qeverisë amerikane, i cili vëzhguesve ndërkombëtarë u njeh nje rol monitorues, pa asnjë ndikim në vendim-marrje.
Në variantin fillestar të qeverisë, por edhe në variantin e modifikuar të qeverisë Amerikane të propozuar nga Ndihmës Sekretarja e Shtetit Viktoria Nuland, vëzhguesit ndërkombëtarë, të organizuar në një institucion të ashtuquajtur Misioni Ndërkombëtar i Monitorimit, kishin një rol të rëndësishëm në përzgjedhjen e antarëve të institucioneve të mësipërme (për më tepër shih këtu). Ata do të bënin kontrollin e këtyre anëtarëve, pra të kontrollorëve, dhe do të hartonin një listë me të gjitha kandidaturat që vlerësoheshin pozitivisht nga e cila Kuvendi do të zgjidhte anëtarët e Komisionit dhe Kolegjit.
PD-së nuk ka dhënë shpjegime për këtë zgjedhje të saj, por është e qartë që ajo nuk mund të justifikohet me shqetësimin për kapjen e sistemit të drejtësisë nga Kryeminsitri Rama. Madje, nuk ka asnjë arsye të ndershme që mund ta justifikojë.
Ky veprim i PD-së përveçse goditje për arritjen e konsensusit për refroëmnë në drejtësi, është goditje e rëndë për vetë imazhin e PD-së, pasi është e qartë që motivimi i duhëhejqes së PD-së për këtë veprim nuk është kurrsesi interesi publik dhe drejtësia e pavarur.
Qëndrimi i fundit i PD-së konfirmon të gjitha akuzat e mëparshme që i janë bërë Kryetarit të PD-së Lulzim Basha si përgjegjësi kryesor për mosarritjen e konsensusit për reformën në drejtësi.
Kjo pengesë e re e PD-së ka sjellë zhgënjim për Ambasadën amerikane në Tiranë. Ambasadori amerikan Donald Lu ka reaguar publikisht duke u shprehur se "Zoti Basha propozoi diçka që ai vetë ka pranuar se është në konflikt interesi dhe jo në përputhje me paragrafin 61 të Opinionit Përfundimtar të Komisionit të Venecias".
